"Азаттыктын" Бишкектеги кеңсесинин журналисти. 2009-жылы Internews уюмунун "Жылдын мыкты радио журналисти" наамын алган.
Кыргызстандын эгемен тарыхындагы ири нааразылык акцияларда, бийлик алмашуу менен аяктаган ыңкылап, төңкөрүштөрдө жана саясий тирештердеги эл менен кагылыштарда бир нече милиция кызматкери набыт болгон, айрымдары оор жараат алган жана катуу сабалган учурлар дагы катталган.
Президент Садыр Жапаров беш генералды наамынан ажыратканы белгилүү болду.
Жогорку Кеңештин төрагасы Нурланбек Шакиев Мамлекеттик гимнди өзгөртүү демилгеси менен коомчулуктун талкуусун, өзү жана ишмердиги жөнүндө сөздөрдү жандантты.
Быйыл 17-ноябрдагы жергиликтүү кеңештерге мөөнөтүнөн мурда шайлоодо биринчи жолу аралыктан добуш берүү ыкмасы колдонулат.
Нарын облусунда Бучук кенин казып жаткан кытайлык Zhong Ji Mining Company ишканасынын алтын ылгоочу заводу сыноо режиминде ишке берилди.
Улуттук коопсуздук комитетинин (УКМК) Кесиптик кайра даярдоо жана кадрлардын квалификациясын жогорулатуу институтунун негизинде Анарбек Бакаев атындагы академия ачылды.
Жогорку Кеңештин соңку жыйындарынын биринде Мамлекеттик курулуш агенттигинин директору Нурдан Орунтаевге сын-доомат айтылды.
Жогорку соттун төрагасы Замирбек Базарбеков кызматтан кетүү тууралуу арыз жазганы белгилүү болду. Ал мунун алдында парламентте мыйзам бузган, коррупцияга аралашкан судьялардан тазалануу иши уланып жатканын, өзү мындай сотторду аябасын билдирген.
Жогорку Кеңештин тармактык комитетинде Кыргызстандын Түштүк Кореядагы элчиси Аида Исмаиловага айтылган сын дооматты иликтөө үчүн депутаттык комиссия түзүү сунушу айтылды.
Президент Садыр Жапаров айдоочулук күбөлүк берүүдөгү паракорчулукка шек саналып кармалган кызматкерлер тууралуу комментарий берди. "Кабар" агенттигине курган соңку маегинде Транспорт каражаттарын жана айдоочулук курамды каттоо агенттигиндеги (мурдагы "Унаа") коррупциялык схема болгонун айтты.
Ысык-Көл облусундагы Кызыл-Омпол кенин казууга даярдык башталды. Министрлер кабинетинин төрагасы Акылбек Жапаров 25-сентябрда аймактагы иш сапарынын жүрүшүндө бул жерде титаномагнетти өндүрүү башталарын, өлкөнүн казынасына чоң каражат түшөрүн билдирди.
Суусамыр жайлоосуна Чүй менен Талас облустарынан онго чукул райондун малчылары чыгат. Соңку кездери жайытты каптаган алтыгана маселеси тынбай көтөрүлүп келет.
Суусамыр жайлоосуна Чүй менен Талас облустарынан онго чукул райондун малчылары чыгат. Сонку кездери жайытты каптаган алтыгана маселеси тынбай көтөрүлүп келет. Буга чейин бул тикенектүү бадалды химиялык жана механикалык жол менен жок кылууга аракет жасалганы менен майнап чыккан эмес.
Бишкектеги тыгынга байланыштуу шаар мэри Айбек Жунушалиевдин ишмердиги коомчулуктун көңүл борборунда болууда. Мэрия болсо кабыл алынган чечимдерден улам бул маселе жөнгө салынып калганын айтып жатат.
Түштүк Кореяда эмгектенген кыргызстандык ондогон жарандар алдамчылыктан жабыркаганын айтып чыгышты. Алар бул өлкөдөн Кыргызстанга машина, уюлдук телефон жана башка товарларды жөнөтүп келишкенин, которулган акчасын алууда жергиликтүү ишкерге алданып калганын билдирип жатат.
Жогорку соттун төрагасы Замирбек Базарбеков тергөө, күч органдарына кайрылып, "күнөөсүздүк презумпциясын" сактоону эскертти. Соңку кездери өлкөдө кайсы бир иш менен кармалган, же айып тагылган адамды дароо кылмышкер катары көрсөткөн, ошондой мазмунда маалымат тараткан көрүнүш жайылды.
Болгарияда прокурорлор "Бишкектен барган жүктүн арасынан 436 килограм героин табылганын" кабарлады. Кыргызстандын Ички иштер министрлиги (ИИМ) анын жагдайы териштирилип, такталып жатканын билдирди.
Оштогу таанымал ишкер, милициянын отставкадагы полковниги Жалил Атамбаев менен Жогорку Кеңештин мурдагы депутаты Салайдин Айдаров уюшкан кылмыш топторун каржылоого шек саналып камакка алынды.
Астанада Борбор Азия башчыларынын алтынчы консультативдик жолугушуусу өттү жана аймактагы кызматташууну өнүктүрүүго багытталган документтерге кол коюлду.
Президент Садыр Жапаров 25-июлда "Улуттук фонд жөнүндө" мыйзамга кол койду. Документти өткөн айда парламент кабыл алган жана анда бул фонд четтен инвестиция тартуу, ар кандай долбоорлорду ишке ашыруу менен алектенери белгиленген.
Дагы жүктөңүз
