На тэрыторыі мэмарыялу ахвярам сталінізму ў лясным урочышчы Курапаты пад Менскам працуюць супрацоўнікі Менгазу. Свабода высьвятляла, што робяць газавікі і ці пагражае гэта мэмарыялу.
На грамадзкую актывістку Ніну Багінскую міліцыянты склалі пратакол пасьля таго, як 18 верасьня пэнсіянэрка выйшла да рэстарацыі «Поедем поедим» з плякатам «Гэць рэстаран КДБ».
Суд Менскага раёну прызнаў вінаватым у заведама ілжывым паведамленьні пра небясьпеку Мікіту Найдзена, прысудзіўшы яму 80 базавых велічынь штрафу, гэта 1960 рублёў.
Урбановічу прысудзілі штраф у 735 рублёў. Суд пакараў актывіста за пікет ля рэстарацыі «Поедем поедим» 1 верасьня, калі Ўрбановіч атрымаў траўму нагі ў сутычцы зь бізнэсмэнам Аркадзем Ізраілевічам.
Сустаршыня БХД, адзін з кіраўнікоў пікетоўцаў у Курапатах Павал Севярынец асуджаны на 10 сутак адміністрацыйнага арышту. Працэс адбыўся ў Менскім раённым судзе.
Працэсы былі завочныя: ніводная з актывістак не змагла трапіць на суд, бо паведамілі пра гэта занадта позна.
3 верасьня каля ўваходу ў рэстарацыю «Поедем поедим» у Курапатах, закрыцьця якой дамагаюцца актывісты розных партый і грамадзкіх арганізацый, прайшла прэсавая канфэрэнцыя.
Затрыманыя абаронцы Курапатаў Дзяніс Урбановіч, Максім Вінярскі і Філіп Шаўроў знаходзяцца ў ізалятары часовага ўтрыманьня Менскага раёну (вул. Скарыны, 20). Пра гэта паведаміў сустаршыня Беларускай хрысьціянскай дэмакратыі Павал Севярынец.
Сустаршыня БХД і адзін з ініцыятараў абароны Курапатаў Павал Севярынец паведаміў на сваёй старнцы ў Фэйсбуку, што «ля "Бульбашхола" адбылася бойка прапуцінскага наведніка-правакатара ды ахоўнікаў з абаронцамі Курапатаў».
Старшыня Партыі БНФ Рыгор Кастусёў мае намер найбліжэйшым часам накіраваць скаргу ў Камітэт ААН па правах чалавека на рашэньне суду Партызанскага раёну Менску, які 4 ліпеня аштрафаваў яго на 30 базавых велічыняў (735 рублёў) за ўдзел у акцыі па абароне Курапатаў каля ўваходу ў рэстаран «Поедем поедим».
Абаронцы Курапатаў сьцьвярджаюць, што бізнэсовец Ізраілевіч нападаў на іх ля рэстарацыі «Поедем поедим». Сам Ізраілевіч гэта зьняпраўджвае: «Ён на мяне наляцеў, я яго адштурхнуў». Міліцыя паабяцала праверку, магчымая крымінальная справа.
29 жніўня ў судзе Савецкага раёну Менску пачынаецца працэс супраць газэты «Новы час».
Бізнэсовец Аркадзь Ізраілевіч падаў у суд на газэту «Новы час», бо лічыць, што расьсьледаваньне пра будаўніцтва ў Курапатах прыніжае яго гонар і годнасьць. У чэрвені 2018 году журналісты паразмаўлялі з Аркадзем Ізраілевічам пра яго стаўленьне да Курапатаў і пратэстоўцаў
Бізнэсовец Аркадзь Ізраілевіч патрабуе ад незалежнага выданьня «Новы час» 40 тысяч рублёў за «маральную шкоду». Яшчэ тысячу рублёў ён хоча атрымаць ад аўтара расьсьледаваньня пра забудову ў Курапатах Дзяніса Івашына.
Прадстаўнік ініцыятывы «Экспэрты ў абарону Курапатаў» Вацлаў Арэшка выказаў занепакоенасьць новымі будаўнічымі працамі каля мэмарыялу ахвярам сталінізму. Паводле ягоных разьлікаў, новыя трубаправоды могуць падысьці за 20 мэтраў да ахоўнай зоны Курапатаў і несьці пагрозу самому мэмарыялу.
Міністэрства культуры абвясьціла вынікі конкурсу эскізных праектаў памятнага знаку ва ўрочышчы Курапаты. Пераможцам названы калектыў скульптараў Вольгі Нячай і Сяргея Аганава, а таксама архітэктараў Марыі Маркаўцовай і Вольгі Ярмолінай.
Заплянаванае шэсьце ад узгорку на тэрыторыі мэмарыялу да брамы рэстарацыі «Поедем поедим», якая, на думку актывістаў, збудаваная незаконна ў ахоўнай зоне мэмарыялу.
Аўтары «хацелі максымальна захаваць Народны мэмарыял, усе плястычныя аб’ёмы і ўсе крыжы як ёсьць», а свой твор «максымальна інтэграваць у існы мэмарыял».
«Вясельле на дзевяць чалавек, гэта хіба вясельле?»
Абаронцы Курапатаў падрыхтавалі заяву ў Генэральную пракуратуру на гаспадароў рэстарацыі «Поедем поедим», якая месьціцца побач з народным мэмарыялам у Курапатах. Цяпер ідзе збор подпісаў. Нагодай стала вясельле з салютам і фаервэркамі, якое ў мінулыя выходныя зьняў на відэа актывіст Зьміцер Дашкевіч .
Больш за два з паловай месяцы абаронцы Курапатаў пікетуюць рэстаран «Поедем поедим» ля месца масавых расстрэлаў ва ўрочышчы Курапаты.
На пачатку верасьня абаронцы Курапатаў прэзэнтуюць адмысловы сайт, дзе будуць выкладзеныя ўсе матэрыялы наконт байкоту рэстарану «Поедем поедим». У першай дэкадзе верасьня плянуецца мітынг у Курапатах.
Упраўленьне ДАІ УУС Менаблвыканкаму 14 жніўня аштрафавала адказнага сакратара КХП-БНФ, кіраўніка грамадзкай дырэкцыі Народнага мэмарыялу Курапаты Алеся Чахольскага за стварэньне аварыйнай сытуацыі ля рэстарацыі «Поедим поедим» у Курапатах.
Актывістку Тацьцяну Кім затрымала міліцыя каля Курапатаў, дзе працягваецца акцыя пратэсту супраць рэстарану «Поедем поедим».
Грамадзкі актывіст Зьміцер Дашкевіч разам з паплечнікамі паставіў яшчэ 9 вялікіх драўляных крыжоў ва ўрочышчы Курапаты з боку рэстарацыі «Поедем поедим». Талаку ён трансьляваў у жывым эфіры праз сваю старонку ў Фэйсбуку.
IT-прадпрымальнік і найбуйнейшы беларускі падаткаплатнік Віктар Пракапеня выказаўся пра затрыманьні журналістаў.
Затрыманьне адбылося каля вёскі Бараўляны, калі група актывістаў вярталася дадому ў Віцебск пасьля варты каля рэстарацыі «Поедем поедим» побач з Курапатамі. Алену Янушкоўскую і Ірыну Захараву адвезьлі ў бараўлянскі пастарунак.
Старшыня Партыі БНФ Рыгор Кастусёў зьмясьціў у «Фэйсбуку» адпаведную заяву.
На штотыднёвым сходзе абаронцы Курапатаў зацьвердзілі новую вэрсію сьпісу асобаў, датычных да зьяўленьня і працы рэстарацыі ля Курапатаў.
Палітычныя актывісты з Расеі, якія на запрашэньне Моладзі БНФ прыехалі ў Беларусь, наведалі ўрочышча Курапаты.
У Курапатах 29 чысла кожнага месяца традыцыйна праходзяць акцыі па ўшанаваньні памяці ахвяраў палітычных рэпрэсій. 29 ліпеня збор а 18-й каля каменю на Курапацкай Галгофе. А 19-й гадзіне — супольная малітва.
Суд Менскага раёну спыніў адміністрацыйную справу супраць наведніка рэстарацыі «Поедем поедим» Сяргея Нелюба за абразу старшыні партыі БНФ Рыгора Кастусёва і Дзьмітрыя Казакевіча. Пацярпелыя могуць цяпер падаць заяву, каб на Нелюба завялі крымінальную справу.
Прадстаўнікі партый і рухаў, якія ўдзельнічаюць у Курапацкай вахце, 27 ліпеня зацьвердзілі сьпіс чыноўнікаў, уладальнікаў, агрэсіўных наведнікаў рэстарацыі «Поедем поедим», якім яны абвясьцілі пэрсанальны байкот.
Ад 30 траўня, з пачатку вахты супраць дзейнасьці ля Курапатаў рэстарацыі «Поедем поедим», на пікетоўцаў складзена звыш 100 пратаколаў аб адміністрацыйных парушэньнях. Шэcьць актывістаў былі арыштаваныя. Толькі адзін зь іх абскардзіў вырак — рэжысэр Аляксей Туровіч.
Наведнік рэстарацыі «Поедем поедим» на аўтамабілі BMW каля 16-й гадзіны ўчыніў наезд на пікетоўцаў, якія штодня пратэстуюць супраць працы забаўляльнай установы каля Курапатаў.
Кампанія «БелРэстІнвэст» не зьвярталася да Міністэрства культуры з прапановай прафінансаваць мэмарыял у Курапатах.
Дачка расстралянага паэта Тодара Кляшторнага лічыць, што трэба спрабаваць вырашаць канфлікт ля Курапатаў праз перамовы з чыноўнікамі і ўладальнікамі рэстарацыі «Поедем поедим». 81-гадовая Мая Кляшторная перакананая, што Курапатам патрэбны спакой.
Каля 20 абаронцаў Курапатаў 23 ліпеня пачалі чарговую вахту каля рэстарацыі «Поедем поедим» з агульнай нарады, на якой вызначылі першачарговыя задачы.
Невядомыя вырвалі і спрабавалі спаліць тры крыжы ў Курапатах.
Актывіст Зьміцер Дашкевіч з паплечнікамі ўсталявалі ў Курапатах 12 новых крыжоў.
«Нам няма пра што зь імі гаварыць, байкот працягваецца», — заявілі сябры грамадзкага штабу байкоту рэстарацыі «Поедем поедим».
Сузаснавальнік рэстарацыі «Поедем поедим» Леанід Зайдэс выступіў з заявай. Уклаўся з прамовай у 10 хвілін, на пытаньні журналістаў не адказваў. «З тымі, хто кідаецца пад машыны, мы размаўляць больш не зьбіраемся»
Апоўдні 20 ліпеня чакаюцца заявы абодвух бакоў канфлікту вакол рэстарацыі «Поедем поедим», якая адкрылася па суседзтве зь месцам расстрэлаў ва ўрочышчы Курапаты.
Зьміцер Дашкевіч падзяліўся радаснай навіной у свой дзень нараджэньня: зь міліцыі вернутыя тры сямімэтровыя крыжы. Яны падчас сёньняшняй талакі будуць устаноўленыя ў Курапатах. Таксама замоўлены і прывезены брус на дзевяць сямімэтровых крыжоў.
Бізнэсовец Леанід Зайдэс, уласьнік забаўляльнага комплексу з рэстаранам «Поедем паедим» у Курапатах, мае 20 ліпеня зрабіць афіцыйную заяву для прэсы.
Вольга Мікалайчык, Леанід Кулакоў і Мая Навумава знаходзяцца ў ізалятары на Акрэсьціна. Пра гэта Свабодзе паведаміў Павал Севярынец.
19 ліпеня дэпутатка Палаты прадстаўнікоў, старшыня Таварыства беларускай мовы імя Францішка Скарыны Алена Анісім накіравала ліст міністру культуры Юрыю Бондару з прапановай правесьці круглы стол па мэмарыялізацыі Курапатаў.
Генэральная пракуратура адказала на запыт блогера Антона Матолькі наконт законнасьці пабудовы і дзейнасьці рэстарацыі «Поедем поедим» побач з народным мэмарыялам на месцы расстрэлаў у Курапатах.
Рэстарацыю «Поедем поедим» і хакейную зборную прэзыдэнта Беларусі можна злучыць лягічным ланцужком. Такімі высновамі са свайго расьсьледаваньня падзяліўся горадзенскі журналіст-расьсьледавальнік і актывіст Дзяніс Івашын.
На экстранай нарадзе абаронцы Курапатаў абмеркавалі сцэнар байкоту менскіх рэстарацый бізнэсоўца Леаніда Зайдэса і пастаўшчыкоў прадукцыі для іх. Адна з установаў пад назвай «Поедем поедим» месьціцца побач з народным мэмарыялам.
Загрузіць яшчэ
