پښتونخوا او قبایل

په شمالي وزیرستان کې یو پولیس افسر او ۲ مشکوک وسلوال وژل شوي

د پاکستان پوځي چارواکي چې د رسنیو سره یې د خبرو اجازه نه لرله، د نوم پټ ساتلو په شرط د جون پر ۳۰مه، مشال راډيو ته وویل چې وسلوال يې په رزمک کې د استخباراتي معلوماتو پر اساس کړيو عملياتو کې وژلي دي. مشال راډيو په خپلواکه توګه د پوځ د دې دعوې پخلی نشي کولی.

ولسي مشران: د ناامنۍ له وجې له ټانک څخه کډې بارېږي

په تېرو شاوخوا دوو کلونو کې د ټانک په ګډون د خیبر پښتونخوا په جنوبي او قبایلي ضلعو کې ناامني زیاته شوې ده. ټانک د ډېره اسماعیل خان ډېوېژن برخه ده. او له جنوبي وزیرستان، لکي مروت او ډېره اسماعیل خان سره پولې لري.

په خیبر کې د خلیل اپرېدي د وژنې پر ضد احتجاجي پرلت دوام لري

پرلت د خیبر درې پر لار د سرک یوې غاړې ته روان دی او هره ورځ ورته سیاسي او ټولنیز فعالان ویناګانې کوي او هلته په مختلفو ځایونو کې د امن لاریونونو او احتجاجونو لپاره پلانونه جوړوي.

خیبر پښتونخوا حکومت د جنوبي ضلعو لپاره بېل سیکرټرېټ جوړوي

د خیبر پښتونخوا حکومت ویاند بیرسټر سیف د جون پر ۲۹مه مشال راډیو ته وویل چې دا پرېکړه یې د جنوبي ضلعو د خلکو ستونزو ته په کتو کړې ده.

په سوات او اورکزی کې د "عزم استحکام" عملیاتو ضد غونډې شوې دي

د پښتونخوا ملي عوامي پارټۍ صوبايي مشر محمد علي خان د جون په ۲۸مه په سوات پریس کلب کې خبري غونډې ته وویل چې د هغوی پارټۍ په پښتونخوا کې هېڅ قسم فوځي عملیات نه مني.

مولانا فضل الرحمان: پوځي عملیات به د قبایلي ضلعو لپاره ورانوونکې پایلې ولري

په پېښور کې د قبایلي ضلعو د ولسي مشرانو جرګې د جون پر ۲۷مه وویل چې نور په خیبر پښتونخوا کې هېڅ ډول عملیات نه مني.

د خیبر پښتونخوا سېکان وايي د ودونو ثبتولو قانون نه شتون له ډېرو ستونزو سره مخامخ کړي

په پېښور کې د ګوردوارو د انتظام کمېټۍ پخوانی عمومي سېکرټر صاحب سېنګ د جون پر ۲۷مه مشال راډیو ته وویل چې د ودونو نه رجسټرېدو له وجې د شناختي کارډونو په جوړولو، د نوکریو یا ملازمتونو په ترلاسه کولو، د میراث او جایداد په موضوعاتو او له هېواده بهر په سفر کولو کې ډېرې ستونزې لري.

د پېښور جرګې او د شمالي وزيرستان مشرانو د نويو پوځي عملیاتو مخالفت کړی دی

د پښتونخوا ملي عوامي ګوند مشر محمود خان اڅکزي جرګې ته په وينا کې وويل چې که د پاکستان حکومت له خپلې پرېکړې په شا نه شو نو دی به د پوځي عملياتو خلاف د انصاف نړيوال عدالت ته ځي.

د صوابۍ ایکشن کمیټۍ د بجلۍ د لوډشيډينګ په احتجاج کې د بیلونو نه ورکولو اعلان کړی

د کمیټۍ ویاند سلیم خان ایډوکېټ د جون پر ۲۵مه، مشال راډیو ته وویل چې په سیمه کې ناروا لوډشیډینګ او د بجلۍ لوړو بیو د خلکو ژوند ستونزمن کړی دی. هغه وویل چې بجلي د خیبر پښتونخوا په اوبو جوړیږي، نو د صوبې ولس حق لري چې ارزانه بجلي وکاروي، خو ورځ تر بلې پرې نوي ټیکسونه لګېږي چې ورته د منلو نه دي.

په بنو کې يو پولیس او په لکي مروت کې ۳ مشکوک وسله وال وژل شوي

د خیبر ولس د بدامنۍ خلاف احتجاجي لاريون کړی دی