پښتونخوا او قبایل

بنو: عدالت د قومندان اسحاق په ګډون ۱۹ مشکوک وسلوال د پلټنو لپاره پولیسو ته سپارلي دي

سي ټي ډي د جولای پر ۲۷مه په یو بیان کې وویل چې عدالت نیول شوي وسلوال د ۲۵ ورځو لپاره ورته سپارلي دي چې ورڅخه تحقیقات وکړي.

پوځ په ټانک کې د ۴ مشکوکو وسلوالو د وژلو ادعا کړې ده

چارواکي: شیعه او سني مشرانو په کورمه کې پر اوربند کولو موافقه کړې ده

د سیمې پولیسو د جولای پر ۲۸مه انتظامي او نورو حکومتي ادارو ته یو معلوماتي راپور استولی دی چې مشال راډیو هم ترلاسه کړی دی. د هغه راپور له مخې، د جولای ۲۴مې له مازیګر راهیسې په پیل شویو نښتو کې ۳۵ تنه وژل شوي او ۱۶۶ ژوبل دي. 

اېن ډي اېم اې د خیبر پښتونخوا په اوچتو سیمو کې د پشکال بارانونو اټکل کړی دی

تورخم کې امیګریشن سختېدو د افغانانو مشکلات زیات کړي

د پاکستان وفاقي تحقیقاتي ادارې (ایف آیی اې) د تورخم څانګې مرستیال مشر یاسر خان، مشال راډیو ته وویل چې په تېرو څلورو ورځو کې یې۱۲۰ هغه افغان وګړي بېرته افغانستان ته ستانه کړي چې د پاکستان لپاره یې طبي او سټوډنټ ویزې جعلي اسنادو اخیستې وې.

زده کونکو سازمان په کورمه کې د جګړې درولو غوښتنه کړې ده

د ځايي خلکو او صحت محکمې په وینا، دا تازه مرګ ژوبله د جولايي له ۲۵ راهیسې اوښتې ده. له دې سره په مجموعي توګه دواړو غړو ته د وژل شویو شمېر اته او ټپي شویو شمېر ۷۸ ته رسېدلی دی. 

ګنډه پور: په خیبر پښتونخوا کې د عملیاتو اجازه نه ورکوو

د خیبر پښتونخوا اعلا وزیرعلي امین ګنډه پور ویلي چې د بنو پرلتوالو ټولې غوښتنې منل شوې دي. ګنډه پور د جولای پر ۲۶مه بنو ته لاړ او پرلتوالو ته یې په وینا کې وویل چې په خیبر پښتونخوا کې عملیات نه مني. هغه وویل چې د بنو پرلتوالو غوښتنې یې له اېپیکس کمیټۍ منظورې کړې دي.

په واڼه کې د "امن پاڅون" په نوم لاریون شوی دی

د جولای پر ۲۶مه، هغه احتجاجي لاریون د واڼه په رستم بازار کې وشو. په لاریون کې د بېلا بېلو ګوندونو غړو او مشرانو او د پښتون ژغورنې غورځنګ (پي ټي اېم) مخکښانو ګډون کړی وو.

کورمه: د شیعه او سنيانو ترمنځ د مځکې پرسر شخړه کې تر اوسه ۳ کسان وژل شوي‌ دي

د پاړه چینار د روغتون مشر ډاکتر میر حسن جان د جولای ۲۵مې په ماښام مشال راډیو ته وویل چې په یادې ورځې  په نښتو کې زیاتره ژوبل کسان هغه روغتون ته لېږدول شوي چې ورڅخه یې دوو سا ورکړه او د نورو درملنه روانه ده.

د خیبر پښتونخوا حکومت وايي، نور به د وسله والو ضد عملیاتو مشري‌ پولیس کوي‌

د ایپکس کمیټۍ په غونډه کي موجود د بنو د تاجرانو د خوني مشر ناصر خان بنګش مشال راډ‌یو ته وویل چې د ایپکس کمیټۍ په غونده کي د بنو د احتجاج کوونکو مهمې غوښتنې منل شوې دي او پکار ده چې اوس عمل ورباندې وشي.

کورمه کې د یوشمېر کلیو د اوسېدونکو ترمینځ په نښتو کې ۱ تن وژل شوی، ۳۷ ژوبل دي

چارواکو او ځايي اوسېدونکو د جولای پر ۲۵مه مشال راډيو ته وویل چې جګړه د جولای پر ۲۴مه په بوشهره (بوشارو او بوشېرو هم بلل کېږي) کې د مدګۍ کلي او مليخېلو د اوسېدونکو ترمینځ پیل شوه چې اوس خوار کلي، بالشخېلو او شاوخوا نورو سيمو ته غځېدلې ده.