31-мартта президент Садыр Жапаров Тажикстандын Кожент шаарына барды. Султанбай Айжигитов аны мандатынан ажыраткан Боршайкомдун чечимине каршы сотко кайрылды. АКШ президенти Дональд Трамп Путинди коркутуп, Зеленскийге басым жасады.
Султанбай Айжигитов аны Жогорку Кеңештин депутаттык мандатынан ажыраткан Боршайкомдун чечимине каршы Бишкектин административдик сотуна кайрылды. БШК өткөн аптада Айжигитов 2021-жылы депутаттыкка талапкер болуп катталганда шайлоо мыйзамын бузган деп тапкан.
Президент Садыр Жапаров 31-мартта Тажикстандын Кожент шаарына барды. Ал тажик президенти Эмомали Рахмон менен жолугуп, чек ара, жол, суу жана энергетикага байланыштуу ратификацияланган грамоталар менен алмашуу протоколуна кол коюшту.
Бишкек шаар башкармалыгы Чыңгыз Айтматов көчөсүн кеңейтүү аракетин көрүүдө. Ал үчүн жол боюнда жайгашкан 66 үйдүн дубалынын бир бөлүгү сүрдүрүлөрү айтылды. Киргизия конушунун тургундары "кызыл китепте" көрсөтүлгөн чектен чыкпаганын жүйө келтирип, жеке менчик укугу бузулуп жатканын айтууда.
27-мартта Парижде 30дан ашуун өлкө лидерлери чогулуп, Украинага согушта жана дипломатиялык сүйлөшүүлөрдө жардам көрсөтүүнү талкуулашты. Алар жаңы жардамды убада кылып, Европанын бейпилдик күчтөрүн Украинага жайгаштыруу боюнча сунуштарды карады.
Кыргызстанда машина куруучу алгачкы заводдун түптөлгөнүнүнө 100 жыл болду. Бул завод баштаган бир нече ишканаларды «Интергелпо» кооперативинин мүчөлөрү курган. 1925-жылы Пишпекке Чехословакиядан куруучулардын биринчи эшелону келген. Бул кооперативди "Интергельпо" деп аталган район гана эске салат.
Бишкекте негизги аянттарда митинг өткөрүүгө салынган тыюу дагы узартылды. Митингге чыккан Бишкектин тургуну суракка чакырылды. Айрым эл аралык уюмдар кыргыз бийлигин журналист Канышай Мамыркулованы бошотууга чакырды. Газанын тургундары ХАМАСты согушту токтотууга чакырып, ага каршы акцияга чыгышты.
Бишкектин Биринчи май райондук сотунун басма сөз кызматы “Азаттыкка” берген маалыматка караганда, 26-мартта ушул эле райондун администрациясынын 1-апрелден 30-июнга чейин нааразылык акцияларын өткөрүүгө чектөө киргизүү өтүнүчүн сот канааттандырды.
Судьялар кеңеши Жогорку соттун төрагасы Медербек Сатыевге, Ош облустук жана Сузак райсотунун жетекчилерине сөгүш берди. АКШ Украина жана Орусия менен Кара деңизде ок атпоону макулдашты. Төкмө акын Асылбек Маратов УКМКдан эскертүү алып чыкканын билдирди. УКМК бул тууралуу комментарий бере элек.
Судьялар кеңеши Жогорку соттун төрагасы Медербек Сатыевге, Ош облустук жана Сузак райондук сотунун жетекчилерине тартиптик жаза колдонууну чечти. Сатыев былтыр жыл соңунда Ош жана Жалал-Абад облусуна иш сапары менен барганда аймактагы судьялар акча жыйнаганы ачыкка чыкты.
Судьялар кеңеши Жогорку соттун төрагасы Медербек Сатыевге, Ош облустук жана Сузак райондук сотторунун жетекчилерине тартиптик жаза колдонуу чечимин кабыл алганы 25-мартта белгилүү болду.
Жогорку Кеңештин мурдагы депутаты, “Бүтүн Кыргызстан” саясий партиясынын лидери Адахан Мадумаров “Азаттыктын” студиясына келип, соңку камоолор, чек аранын такталышы, сөз эркиндиги, депутат Султанбай Айжигитовго байланыштуу жана башка актуалдуу темалардын тегерегинде суроолорго жооп берди.
Дагы жүктөңүз
