Ага-ини Исламбек жана Русланбек Матраимов 50 миң сомдон айып төлөп, эркиндикке чыкты. Украина кайрадан Орусиянын чабуулуна кабылды. Орусиялык ырчылардын Бишкек сапары социалдык тармакта бир топ нааразылык жаратты. Орусияда мигранттардын балдарын “Юнармияга” жиберүү сунушталды.
27-августка караган түнү жана эртең менен Украина кайрадан Орусиянын чабуулуна кабылганын, адамдар каза болуп, имараттар талкаланганын билдирди. Кечээ да жапырт соккудан кеминде сегиз адамдын өмүрү кыйылган. Кривой Рог шаарында мейманканага ракеталык чабуул жасалып, адамдар каза тапканы кабарланды.
Ооганстанды башкарып жаткан "Талибан" кыймылы бир нече күн мурда аялдарга коомдук жайларда ырдоого, үнүн чыгарып китеп окууга жана жүзүн ачып жүрүүгө тыюу салган жаңы мыйзамдарын жарыялады. Бириккен Улуттар Уюму (БУУ) буга тынчсыздануу билдирди.
Телеграм мессенжеринин түптөөчүсү Павел Дуровдун Париж аэропортунда кармалышы Францияга караганда Орусияда байма-бай талкууланып, Батышка каршы пропаганданын жаңы толкунун пайда кылды. Дүйшөмбүдө сот анын камактагы мөөнөтүн дагы 48 саатка узартканын AFP агенттиги кабарлады.
Германиянын Золинген шаарындагы кол салуудан кийин 15 жаштагы кыргыз жараны кармалганы тууралуу маалымат немис медиасында жарыяланды. Бирок расмий эч бир тарап бышыктай элек. 23-августта фестивалга чогулгандарга белгисиз бирөө бычак менен кол салганда үч киши набыт болуп, сегиз адам жаракат алган.
26-августтун таңында Украинанын аймагы орус армиясынын жапырт аба соккусуна дуушар болду. Негизинен энергообьектилер бутага алынды.
26-августтун таңында Украинанын аймагы орус армиясынын жапырт аба соккусуна дуушар болду. Кыргызстандын Берлиндеги элчилиги Золингендеги кол салуу боюнча кармалган 15 жаштагы өспүрүмдүн тек-жайы такталып жатканын маалымдады. Кыргызстандын мектептеринде 17 миллиондон ашык окуу китеби жетишпейт.
1-августта АКШ, Батыш менен "тарыхый айырбаштоо" деген жараяндын алкагында Европа абактарында отурган сегиз киши Орусияга кайтып келди. Алар үчүн Кремль 16 саясий туткунду бошотту. Путин өзү тосуп алгандардын арасында Польшада тыңчылыкка айыпталып камалган Пабло Гонсалес же Павел Рубцов да бар.
Израилдин армиясы Ливандын түштүгүндөгү АКШ террордук уюм деп тааныган "Хезболла" тобунун позицияларына абадан сокку урду. Аны улай Иран колдогон шийи согушкерлеринен турган бул топ Израилди көздөй жүздөгөн ракеталарды учурду.
Беларустун авторитардык лидери Александр Лукашенконун орус телеканалына курган маеги Арменияда жана Казакстанда нааразылык жаратты. Беларустун Еревандагы элчилигинин алдына чыккандар Минск менен дипломатиялык алакаларды үзүүгө чакырышты. Астана Беларустун Казакстандагы элчисин чакыртты.
Владимир Путин Украинанын куралдуу күчтөрүнүн Курск аймагына басып киришине жооп кайтарары айтылды. Ошол эле учурда адистер орус президенти Курск салгылашуусу үчүн жергиликтүү аткаминерлерди жоопко тартарын сөз кыла башташты. 24-августта Украина Эгемендик майрамын белгилөөдө. Бул күнү Орусия тараптан аскердик соккулар күчөшү мүмкүн деген кооптонуулар болууда.
Дагы жүктөңүз
