Атайын кызмат тараткан маалымат боюнча, Эсеп палатасынын башкы мамлекеттик инспектору 1-февраль күнү ири суммада пара алып жаткан жеринен кармалган.
“Кыргыз Республикасынын Эсеп палатасынын инспекторлор тобунун жетекчиси Т.А.А. Ош шаардык мэриясынын түзүмдүк бөлүмдөрүнүн биринде текшерүүнүн мөөнөтүн негизсиз создуктуруп, укукка каршы иш-аракеттер аркылуу текшерүүнүн жыйынтыгы боюнча оң чечим чыгаруу максатында 5000 АКШ доллары өлчөмүндө акча каражатын опузалап талап кылган”, - деп жазылган УКМКнын маалыматында.
Маалыматта айтылгандай, Эсеп палатасынын инспекторлору 2024-жылдын 6-декабрынан азыркы учурга чейинки мезгилде Ош шаарынын мэриясынын бөлүмдөрүнүн финансы-чарбалык ишмердүүлүгүнө текшерүү жүргүзүзгөн.
Кармалган кызматкер УКМКнын убактылуу кармоочу жайына киргизилип, тергөө-ыкчам иш-чаралары улантылып жатканы айтылган маалыматта.(KbA)
Шерине