19-сентябрда Бишкек шаардык соту активист, акын жана ырчы Аскат Жетигендин иши боюнча апелляциялык арызды кароону улантты. Жараянда Аскат Жетигендики деген видео кайрылуу боюнча лингвистикалык экспертиза жүргүзгөн эксперттер көрсөтмө беришти. Алар адвокаттардын өтүнүчү менен чакырылган.
Улуттук коопсуздук боюнча мамлекеттик комитет (УКМК) кардарлардын арызынын негизинде бир нече ири микрокредиттик компаниялардын ишин текшерип жатканын ырастады. Мунун алдында бир нече финансылык мекемелер тинтүүгө алынып, кеңселерине мөөр басылганы кабарланган.
9-11-сентябрда Азербайжандын борбору Баку шаарында Түрк мамлекеттер уюму тарабынан түзүлгөн орток түрк алфавитин иштеп чыгуу боюнча комиссиянын 3-жыйыны өттү. Анын алкагында 34 тамгадан турган жалпы түрк алфавитинин долбоору кабыл алынды.
Ливанда аралыктан жардыруунун экинчи толкуну кеминде 32 адамдын өмүрүн алды. Расмий маалыматка караганда, каза болгондор арасында АКШ, Израил жана башка бир катар өлкөлөрдө террордук уюм катары таанылган "Хезболла" радикал тобунун мүчөлөрү бар. Жардыруу жашы жете элек төрт баланын да өмүрүн алды.
“Жер кодексинин” жаңы редакциясында Жер участогуна болгон жеке менчик укугу жөнүндө мамлекеттик актыны же эл оозунда "кызыл китеп", "жашыл китеп", “көк китеп” деп аталган документти жоюу сунушталды.
Тажик полициясы Дүйшөмбү шаарында өлкөнүн муфтийи Саидмукаррам Абдулкодирзодага кол салган кишини кармап, "бейбаштык" беренеси менен кылмыш ишин козгоду. Бирок талдоочулар муфтий атайын кызмат менен тыгыз байланышып, динчилдердин укугун тебелеген саясатты жүргүзүп жатканын айтышат.
Мамлекеттик "Керемет банк" жеке колго сатылганы белгилүү болду. Убагында колдон колго өткөн банкты өкмөт кымбат баага алып, арзан саттыбы? Ачык маалыматка таянсак, банктын жетекчилигине казакстандык банкирлер келди. Банктын директорлор кеңеши жаңыланып, башкармалыгынын төрагасы да жаңы болду.
Кыргызстанда 18-сентябрдан тарта импорттолгон дары-дармектер менен медициналык каражаттардан кошумча нарк салыгы кайрадан алына баштайт.
17-сентябрда Астанада Борбор Азия өлкөлөрү менен Германиянын С5+1 форматындагы экинчи саммити жыйынтыкталды. Анда чөлкөмдөгү беш мамлекеттин президенттери жана немис канцлери биргелешкен декларацияга кол коюп, мунай-газ жана жашыл долбоорлор багытындагы кызматташтыкка көңүл бурулду.
Ысык-Көлдүн Жети-Өгүз районунда тогуз жаштагы кызды зордуктоого шек саналып 19 жана 25 жаштагы эки жигит кармалды. Шектүүлөр райондук соттун чечими менен эки айга камакка алынган. Бул үрөй учурган окуя кыргыз коомундагы балдарга жасалган зордук-зомбулуктун дагы бир ачыкка чыккан учуру болуп калды.
Медиа каражаттарында жана интернетте, анын ичинен социалдык түйүндөрдө жалган маалыматтарды тараткандарга айып пул салуу тууралуу өкмөт сунуштаган мыйзам долбоору Жогорку Кеңештин бир комитетинен биринчи окуудан өттү.
Дагы жүктөңүз
