Сокулукта төрөттөн ажал тапкан Айым Жыргалбек кызынын жакындары дарыгерлерди шалаакылыкка айыптап, милицияга кайрылганы жатат. Оорукана жетекчилиги айыптоо менен макул эмес. Экспертиза жүрүп жатканын, анын жыйынтыгы 20 күндөн кийин чыгарын билдирип жатат. Маркумдун ымыркайына операция жасалган.
Кыргызстан менен Өзбекстандын чек арасы такталганы эки өлкөнүн ортосундагы өткөрмө бекеттердин ачылышын шарттады. Бул жарандардын каттоосун жеңилдетип, соода алаканы жакшыртты. Алып-сатуу кескин өсүп, эки тарап бири-бирине өз ишканаларын ача баштады.
Орус армиясы Украинанын Сумы облусунун Конотоп шаарына чабуул жасады. Андан 10дон ашык адам жараат алып, айрым аймактар электр жарыгысыз калганы кабарланды. Ал арада Орусиянын Курскидеги контрчабуулу боюнча маалымат жарыяланды.
Жапырт камалган 11 журналисттин кылмыш ишине негиз болгон корутунду чыгарган эксперт Азамат Жанышбек уулу сот аткаруучулар тарабынан Ысык-Көлдөн алып келинип, сурак берди.
Президенттин администрациясы Кылмыш-жаза кодексине өзгөртүүлөрдү киргизип, өлкө аймагындагы чет өлкөлүктөрдүн коопсуздугун жана мүлкүн коргоо боюнча нормаларды иштеп чыкты.
АКШнын президенттигине Демократиялык партиядан ат салышып жаткан Камала Харрис менен республикачылардын атынан кайра эң жогорку кызматка барууга бел байлаган Доналд Трамптын алгачкы дебаты өттү.
Кыргызстандын мектептерине миңден ашык мугалим жетишсиз. Бишкекте кээ бир мектептер мугалимдерди "Лалафо" аркылуу издеп, иш тажрыйбасы маанилүү эмес дегени талкуу жаратты. Ал тапта тиешелүү министрлик быйыл Орусиядан 200 ыктыярчы келип, башкалаанын мугалим тартыш мектептеринде иштейт деп билдирди.
Жаш ишкерлер ассоциациясы (ЖИА) "Чет элдик өкүлдөр" реестрине киргизилгени маалым болду. Буга чейин бул тизмеге кирген айрым бейөкмөт уюмдар жана долбоорлор ишин токтотуп жатканы айтылган.
Өзбекстандын "Миллий тикланиш" ("Улуттук кайра жаралуу") саясий партиясынын лидери, өзбек парламентинин мыйзам чыгаруу палатасынын төрагасынын орун басары Алишер Кадыров “советтик пропаганданы тараткандарга мыйзам менен тыюу салууну” сунуштады.
Кыргызстандын футбол курамасы Дүйнө чемпионатынын тандап алуу оюндарынын 3-раундундагы 2-турунда Өзбекстан курама командасы менен ойноп, 2:3 эсебинде жеңилди.
Кыргызстан менен Кытайдын ортосунда "Бедел" өткөрмө бекети ачылып, иштей баштады. Бул эки өлкө ортосундагы үчүнчү өтүү жайы болуп калды. Кезектеги бекеттин ачылышы эки өлкө ортосундагы экономикалык жана саясий байланышка кандай таасир этет?
Кой-Таш окуясына байланыштуу он жылга соттолуп, Бишкектеги №1 тергөө абагында отурган Алга Кылычовдун саламаттыгы начарлап, Улуттук госпиталдын жандандыруу бөлүмүнө жаткырылды.
Дагы жүктөңүз
