Шайлоого тыштан кийлигишүү өнөкөтү боло келген. Кыргызстанда эркиндикти жана көз карандысыздыкты калыбына келтирген жылдардагы шайлоолор сырттан ачык кийлигишүүлөр менен коштолгон. Коомдук ишмер, тарыхчы Алмаз Кулматовдун блогу.
Жогорку Кеңештин төрагасы Нурланбек Шакиев Мамлекеттик гимнди өзгөртүү демилгеси менен коомчулуктун талкуусун, өзү жана ишмердиги жөнүндө сөздөрдү жандантты.
Акын, котормочу Кубанычбек Басылбеков соңку жылдары ыр менен жазылган омонимдер сөздүгүн түзгөн. Бир катар чыгыш берметтерин кыргызчага которгон. Акын ушу тапта Бишкек мэриясына караштуу ардагерлер борборунда.
Мындан туура эки жыл мурда, 2022-жылы 23-октябрда Кемпир-Абадды коргоо комитетин түзүүнү демилгелеп, Бишкекте чогулган отузга жакын саясатчы, активист “бийликти күч менен басып алууга” айыпталып, камакка алынган.
Бишкек мэриясы “Дордой” жана “Орто-Сай” базарларындагы 8 гектар жер сот чечими менен мамлекетке өткөрүлгөнүн билдирди. Ал жерге ээлик кылып келген “Оберон” ишканасынын ээси, саясатчы Кубатбек Байболовдун жубайы Нуржамал Байболова менчик укугу бузулуп жактанын айтып, сот чечимин мыйзамсыз деп атады.
Бишкектин Биринчи май райондук соту киши колдуу болгон Рахима Айкымбаева боюнча өкүм чыгарып, күйөөсү Калыбек Байсаловду 15 жылга кести. Үч баланын энеси, 34 жаштагы Айкымбаева быйыл апрелде өзү жашаган үйүндө мыкаачылык менен өлтүрүлгөн. Сот чечими айрым укук коргоочулардын нааразылыгын жаратты.
Өзбекстанда президенттик администрациянын Маалыматтык саясат департаментинин мурдагы жетекчиси Комил Алламжоновдун автоунаасын аткылоого байланыштуу кылмыш иши козголду. Саида Мирзиёеванын жакын санаалашы деп саналган Алламжонов сентябрдын этегинде кызматтан кеткен.
Орус баш калаасында жана Москва облусунда жашаган кыргызстандык мигранттар балдарын мектепке киргизе албай, кезекте туруп, убара тартууда. Алар кыргыз өкмөтүнө кайрылып, балдарын онлайн окутууну суранып жатышат. "Мигрант медиа" балдарын окута албай жаткандарды кепке тартты.
Жумгал районунун Өрнөк айылында мал кайтарганы кеткен 45 жаштагы тургун Болот Карыпбеков жана анын тогуз жаштагы баласы 16-октябрдан бери белгисиз болууда. Туугандары алар сууга агып кетиши мүмкүн экенин айтып, издөө иштери начар жүрүп жатканына нааразы болушууда.
21-27-октябрь аралыгында дүйнөлүк басма сөзгө жарыяланган айрым баяндарга сереп.
Быйыл 17-ноябрдагы жергиликтүү кеңештерге мөөнөтүнөн мурда шайлоодо биринчи жолу аралыктан добуш берүү ыкмасы колдонулат.
Дагы жүктөңүз
