Беш жылга кесилген абактагы жарандык активист Зарина Төрөкулова айып изоляторуна камалганы маалым болду. Анын кызы апасы жүрөгү ооруганына карабай, темир тор артында катаал мамилеге кабылганын айтат. Жаза аткаруу кызматы Төрөкулова "ички тартипти бузганы үчүн" ушундай чара көрүлгөнүн билдирди.
Ютубдагы "За правду" баракчасынын ээси Азамат Карабаевди Ноокат райондук соту 22-ноябрга чейин камакка алды.
Орусияда жаңы мыйзамга ылайык, кылмышка айыпталган жаран согушка барууга макул болсо жоопко тартылбайт. Андай жарандар Коргоо министрлиги менен келишим түзөт. Тергөө абактарында отурган кыргыз жарандары арасында согуш тузагына азгырылып түшкөндөр бар экени ачыкка чыга баштады.
Нарын облусунда Бучук кенин казып жаткан кытайлык Zhong Ji Mining Company ишканасынын алтын ылгоочу заводу сыноо режиминде ишке берилди.
22-23-октябрда Москванын Шереметьево аэропортунда Ош - Москва, Бишкек - Москва каттамы менен барган ондогон кыргызстандык артка кайтарылды. Орусиянын чек арачылары муну коопсуздук менен байланыштырган. Кыргызстандын Тышкы иштер министрлиги билдирүү таратып, бул маселе көзөмөлдө экенин билдирди.
Күч органдарынын кызматкерлеринин ишине мыйзамсыз кийлигишип, cүрөт-видеого тартып, аларды каралоо максатында материалдарды интернетке жүктөөгө тыюу салган мыйзам долбоорун Жогорку Кеңештин тармактык комитети жактырды.
Чыгыш Европада шайлоолор сезону башталганы Украинадагы согуштун сазына баткан, туш-туштан өзүнө өнөктөш издеген Кремль үчүн ошол өнөктүктөрдүн мааниси болуп көрбөгөндөй артты. Москва жана чөлкөмдөгү популист шериктери добуш берүүлөргө таасир этүү үчүн кандай ыкмаларды колдонушат?
Temirov Live редакциясынын кызматкери, журналист Айке Бейшекеева эл аралык Free Press Awards 2024 сыйлыгына татыды. 23 жаштагы журналист тогуз айга чукул тергөө абагында отуруп, 10-октябрда пробациялык жаза менен эркиндикке чыккан.
1-октябрдан тарта Кыргызстанда күйүүчү майды милдеттүү маркалоо ыкмасы киргизилди. Анын айынан майдын баасына бери дегенде дагы 37 тыйын кошулушу мүмкүн. Күйүүчү майды сырттан импорттогон Кыргызстанда бул өзгөрүү инфляциянын өсүшүнө түрткү болот деген кооптонуу парламентте да айтылды.
Талас шаарында жөө жүргүнчүлөр өтүүчү тилкеден балдарын жетелеп өтүп бараткан 31 жаштагы келинди жана анын уул-кызын өлтүрө сүзгөн айдоочу кармалды. Жүрөк үшүн алган кырсык 23-октябрда эртең менен шаардагы мектеп жана бала бакчанын жанында болду.
Эл аралык коомчулук түндүк кореялык аскерлердин Орусияга жөнөтүлгөнү тууралуу кабарды кескин сынга алууда. Маалыматтарга караганда, алар андан ары Украинага айдалышы мүмкүн. Сеул катаал жооп кайтарарын убада кылды. Пхеньян бул маалыматты четке какты.
Дагы жүктөңүз
