Талас шаарында жөө жүргүнчүлөр өтүүчү тилкеден балдарын жетелеп өтүп бараткан 31 жаштагы келинди жана анын уул-кызын өлтүрө сүзгөн айдоочу кармалды. Жүрөк үшүн алган кырсык 23-октябрда эртең менен шаардагы мектеп жана бала бакчанын жанында болду.
Эл аралык коомчулук түндүк кореялык аскерлердин Орусияга жөнөтүлгөнү тууралуу кабарды кескин сынга алууда. Маалыматтарга караганда, алар андан ары Украинага айдалышы мүмкүн. Сеул катаал жооп кайтарарын убада кылды. Пхеньян бул маалыматты четке какты.
Кыргызстандын "Манас” аэропорту Суданда атып түшүрүлгөн Ил-76 жүк ташуучу учагынан табылган Виктор Гранов аттуу кишиге берилген мекеменин күбөлүгү (тархетка) боюнча түшүндүрмө берди. Анда Орусиянын жараны Грановго документ Бишкектен Ошко учакты жеткирүү үчүн май айында берилгени айтылат.
Президент Садыр Жапаров кол койгон жарлыкка ылайык, 24-октябрда Медербек Сатыев беш жылдык мөөнөткө Жогорку соттун төрагасы болуп дайындалды. Ушул эле күнү Министрлер кабинетинин төрагасы Акылбек Жапаров жаңы төраганы Жогорку соттун жамаатына тааныштырды.
Укук коргоочулар Кыргызстанда журналисттер, блогерлер, активисттер соттук-лингвистикалык эксперттердин туура эмес корутундусунан улам айыпсыз абакка кесилген учурлар көп кездешип жатканын айтышууда.
Ооганстандын башында турган "Талибан" кыймылынын репрессивдүү саясаты жана Исламды экстремисттик көз караш менен чечмелеши бул өлкөнү жек көрүндү мамлекетке айлантты. Эми бул өлкөдө тирүү жандыктын баарынын, анын ичинде адамдардын жана жаныбарлардын сүрөтүнө тыюу салынды.
71 жаштагы Ыраткан Юсупбаева кыска убакытта келин-уулунан, көзгө басар небересинен айрылды. Сегиз айынан багып чоңойткон небереси Байжигит 22 жашында Украинадагы согушта каза болуптур.
Ошто эки жыл катарынан мугалимдердин сынактарында батир утуп алган Илгиз Шамырзаев аликүнчө байгесин ала электигин “Азаттык” аркылуу айтып чыккандан кийин коомчулукта кызуу талкуу башталды. Оштун мурдагы мэри бул маселени чечүүгө көмөк көрсөтөрүн убада кылды.
Бишкек шаарындагы KFC тамактануучу жайларынын бирине кирип барып, ызы-чуу чыгаргандар кармалганын Ички иштер министрлиги билдирди. Өткөн аптада белгисиз кишилер аталган жайга кирип барып, ак матага оролгон манекенге кетчуп төгүп, "бойкот" деп кыйкырып ызы-чуу салган.
25 жылдан бери АКШда бозгунда жүргөн түркиялык диниятчы, өз мекенинде 2016-жылы бийликти төңкөрүү аракетине айыпталган Фетхулла Гүлен 83 жашында көз жумду. Ал бир кезде Түркиянын президенти Режеп Тайып Эрдогандын жакын санаалашы болгон.
"Тез Жет" компаниясынын өлкөнүн түштүк регионуна каттаган таңкы каттамдары убактылуу токтотулуп, "Манас" эл аралык аэропортунда 200гө жакын жүргүнчү уча албай калды. Жарандар компаниядан 20-октябрдан калбай башка каттам уюштуруп берүүнү талап кылышкан.
Дагы жүктөңүз
