"Тез Жет" компаниясынын өлкөнүн түштүк регионуна каттаган таңкы каттамдары убактылуу токтотулуп, "Манас" эл аралык аэропортунда 200гө жакын жүргүнчү уча албай калды. Жарандар компаниядан 20-октябрдан калбай башка каттам уюштуруп берүүнү талап кылышкан.
Молдовада президенттик шайлоо боюнча берилген добуштардын 98% ашыгы саналды, учурдагы мамлекет башчы Майя Санду алдыда келатат. Ал экинчи айлампада орусиячыл социалист Александр Стояногло менен атаандаш болот.
Түркиялык Идил Дуран эки жашар баласы жана күйөөсү менен чоң автобусун айдап алып жер кыдырып жүрөт. Идилдин максаты - алгач Кыргызстандагы тайларына жетип, жүз көрүшүү эле. Tүркиялык үй-бүлө эми Өзбекстан, Түркмөнстан, андан ары Сауд Арабиясына чейин барууну көздөп турат.
Соңку жылдары борбор азиялык айдоочулар Литванын логистика тармагынын ажырагыс бөлүгүнө айланды. Жыл сайын жүздөгөн айдоочулар Литвага жүк ташыган фура айдап, акча табуу үчүн келишет. Бирок узак сапарга чыккан айдоочулардын арасында катаал шартта иштеп, укугу одоно бузулгандары да аз эмес.
Бурулкан Сарыгулованын акындык жолу өтө эрте башталса да, кыйла жылдарды камтыган поэтикалык дүйнөсү кийинки жылдары ачылды, чыгармалары чет тилге которулуп, адабий турмушка активдүү аралашты.
Пенде баласынын жашоосу биралдын жөнөкөй, татаал, көп сайлуу, көп тарамдуу. Кыргыз эл жазуучусу Асанбек Стамовдун “Аялы жакшы көргөн адам” аңгемесинде ошондой турмуштук эпизод сүрөттөлгөн.
Улуттук коопсуздук комитетинин (УКМК) Кесиптик кайра даярдоо жана кадрлардын квалификациясын жогорулатуу институтунун негизинде Анарбек Бакаев атындагы академия ачылды.
Абактагы Азимбек Бекназаров Убактылуу өкмөттүн башка мүчөлөрүнө кайрылып, банк кутучаларындагы акча боюнча үн катууну суранды.
Европа кеңешинин консультациялык органы болгон Венеция комиссиясы кыргыз өкмөтүн "чет элдик өкүл" деп аталып жүргөн мыйзамды артка кайтарууга чакырды.
Кыргызстандагы “Эсимде” изилдөө аянтчасы үч күндүк "Посткоммунисттик Борбор Азия - ой жүгүртүү мейкиндиги" конференциясын өткөрүп жатат. Ага Кыргызстандан, Казакстандан жана Өзбекстандан келген тарыхчылар, изилдөөчүлөр, коомдук ишмерлер катышты.
Фейсбукка жарыяланган посту үчүн айыпталып, кармалган Тариел Ботбаевге Чүй облусунун Аламүдүн райондук соту 26-сентябрда өкүм чыгарганы белгилүү болду. Соттон ырасташкандай, ага 120 миң сом айып салынган.
Калыс Москвада жети жыл такси айдаган. Бир нече ай мурда кардарынан баңгизат табылганда, полиция Калысты да камакка алган. Ал "Азаттыкка" автоунаасынан баңгизат табылган учурду видеого тартып, өзүн кылмыш ишинен куткарып калганын жана тергөө бөлүмүндө кыйноого кабылганын айтты.
Дагы жүктөңүз
