Ошто эки жыл катарынан мугалимдердин сынактарында батир утуп алган Илгиз Шамырзаев аликүнчө байгесин ала электигин “Азаттык” аркылуу айтып чыккандан кийин коомчулукта кызуу талкуу башталды. Оштун мурдагы мэри бул маселени чечүүгө көмөк көрсөтөрүн убада кылды.
Бишкек шаарындагы KFC тамактануучу жайларынын бирине кирип барып, ызы-чуу чыгаргандар кармалганын Ички иштер министрлиги билдирди. Өткөн аптада белгисиз кишилер аталган жайга кирип барып, ак матага оролгон манекенге кетчуп төгүп, "бойкот" деп кыйкырып ызы-чуу салган.
25 жылдан бери АКШда бозгунда жүргөн түркиялык диниятчы, өз мекенинде 2016-жылы бийликти төңкөрүү аракетине айыпталган Фетхулла Гүлен 83 жашында көз жумду. Ал бир кезде Түркиянын президенти Режеп Тайып Эрдогандын жакын санаалашы болгон.
"Тез Жет" компаниясынын өлкөнүн түштүк регионуна каттаган таңкы каттамдары убактылуу токтотулуп, "Манас" эл аралык аэропортунда 200гө жакын жүргүнчү уча албай калды. Жарандар компаниядан 20-октябрдан калбай башка каттам уюштуруп берүүнү талап кылышкан.
Молдовада президенттик шайлоо боюнча берилген добуштардын 98% ашыгы саналды, учурдагы мамлекет башчы Майя Санду алдыда келатат. Ал экинчи айлампада орусиячыл социалист Александр Стояногло менен атаандаш болот.
Түркиялык Идил Дуран эки жашар баласы жана күйөөсү менен чоң автобусун айдап алып жер кыдырып жүрөт. Идилдин максаты - алгач Кыргызстандагы тайларына жетип, жүз көрүшүү эле. Tүркиялык үй-бүлө эми Өзбекстан, Түркмөнстан, андан ары Сауд Арабиясына чейин барууну көздөп турат.
Соңку жылдары борбор азиялык айдоочулар Литванын логистика тармагынын ажырагыс бөлүгүнө айланды. Жыл сайын жүздөгөн айдоочулар Литвага жүк ташыган фура айдап, акча табуу үчүн келишет. Бирок узак сапарга чыккан айдоочулардын арасында катаал шартта иштеп, укугу одоно бузулгандары да аз эмес.
Бурулкан Сарыгулованын акындык жолу өтө эрте башталса да, кыйла жылдарды камтыган поэтикалык дүйнөсү кийинки жылдары ачылды, чыгармалары чет тилге которулуп, адабий турмушка активдүү аралашты.
Пенде баласынын жашоосу биралдын жөнөкөй, татаал, көп сайлуу, көп тарамдуу. Кыргыз эл жазуучусу Асанбек Стамовдун “Аялы жакшы көргөн адам” аңгемесинде ошондой турмуштук эпизод сүрөттөлгөн.
Улуттук коопсуздук комитетинин (УКМК) Кесиптик кайра даярдоо жана кадрлардын квалификациясын жогорулатуу институтунун негизинде Анарбек Бакаев атындагы академия ачылды.
Абактагы Азимбек Бекназаров Убактылуу өкмөттүн башка мүчөлөрүнө кайрылып, банк кутучаларындагы акча боюнча үн катууну суранды.
Европа кеңешинин консультациялык органы болгон Венеция комиссиясы кыргыз өкмөтүн "чет элдик өкүл" деп аталып жүргөн мыйзамды артка кайтарууга чакырды.
Дагы жүктөңүз
