То интихоботи порлумонӣ дар Тоҷикистон панҷ рӯз мондааст, вале фазои сиёсии кишвар ором асту баҳси ҷиддии номзадҳо ба назар намерасад. Аксар мусоҳибони Радиои Озодӣ дар хиёбонҳои Душанбе низ гуфтанд, дар бораи номзадҳо, барномаи онҳо ва рӯзи интихобот маълумот надоранд.
Раисҷумҳури Фаронса рӯзи 24-уми феврал гуфт, созиши миёни Украина ва Русия метавонад “ҳафтаҳои наздик” ба даст ояд, вале ҳамзамон огоҳ кард, ки ин сулҳ ба маънои “таслим шудани Украина” нест.
Кумисюни марказии интихобот ва раъйпурсии Тоҷикистон огоҳ кардааст, ки хабарнигорони Радиои Озодӣ аз ҳаққи бозтоби интихоботи порлумонӣ маҳруманд.
Натиҷаҳои ибтидоии интихоботи порлумонӣ дар Олмон нишон медиҳад, ки Ҳизби иттиҳоди демократ-масеҳӣ ба пирӯзӣ расидааст. Ин ҳизб муваффақ шуд, ки тақрибан сӣ дарсади орои интихокунандагонро аз худ кунад.
Владимир Зеленский, президенти Украина, гуфт, омодааст, ба хотири сулҳ дар кишвараш аз мақоми худ истеъфо диҳад. Ӯ яке аз роҳҳои расидан ба сулҳро дар пазируфтани Украина ба созмони низомии НАТО донист.
Доналд Трамп, президенти ИМА рӯзи 22-юми феврал гуфт, аз Украина мехоҳад, миллиардҳо долларе, ки аз Амрико барои ҳифзи ин кишвар аз таҷовузи Русия ба даст овардааст, пас гардонад.
Умед Бобозода, ваколатдори ҳуқуқи инсон мегӯяд, соли 2024 вазъи ҳуқуқи башар дар Тоҷикистон “рӯ ба беҳбудӣ” ниҳод. Ӯ дар нишасти хабарии ниҳоди зери раҳбариаш арзёбии созмонҳои байналмилалӣ аз бадтар шудани ҳуқуқи инсон дар кишварро бепоя хонд.
Ҳамаи чеҳраҳои шинохта, ки бо иттиҳоми қасди табаддулот ба солҳои тӯлонии зиндон маҳкум шудаанд, аз ҳукми додгоҳ ба зинаи касатсионӣ шикоят бурдаанд. Дар ин бора як манбаи муътамад аз Додгоҳи олӣ 19-уми феврал ба Радиои Озодӣ хабар дод.
Аввалин музокироти мақомоти баландпояи ИМА ва Русия, ки аз замони оғози ҷанг дар Украина баргузор шуд, ба анҷом расид.
Мақомоти Додгоҳи олии Тоҷикистон рӯзи 13-уми феврал ҳукми ширкатдорони парвандаи ба ном "талоши табаддулот"-ро қироат карданд. Дар иттиҳоми нуҳ маҳкумшуда иттиҳоми "хиёнат ба давлат" дар танҳоӣ ва ё якҷоя бо "бо зӯроварӣ ғасб намудани ҳокимият" вуҷуд дорад.
Гузориши тозаи Идораи омори Эрон нишон медиҳад, ки тақрибан сеяки мардуми Эрон рӯзона камтар аз ду доллар даромад доранд ва барои хариди маводи зарурӣ ба сахтӣ пул меёбанд.
Додситонии кулли Тоҷикистон мегӯяд, дар робита ба нақшаи эҳтимоли ҳамлаи террористӣ ба ҷашни Наврӯз дар шаҳри Ваҳдат дар соли 2024 30 нафар, бо шумули роҳбари тарҳ Абубакр Ҳикматов, боздошт ва аз 8 то 20 сол зиндонӣ шудаанд. Ҳамчунин пайгарди 10 гумонбари дигар идома дорад.
Ёфтҳои бештар
