“Дар мавриди суръати Интернет. Дар ҳақиқат, чунин камбудҳо дар соҳа вуҷуд доранд. Мо инро қабул дорем. Шикоятҳои аҳолӣ хеле зиёд аст, аз ҷумла дар ноҳияи дурдаст ва шаҳрҳои атрофи Душанбе. Инро пурра меомӯзем."
Баъд аз чанд соли баҳс, Оҷонси хидмати давлатии Тоҷикистон тасмим дорад, ки эъломияи дороии мансабдоронро барои ҷомеа пешниҳод кунад. Хабарро раиси навтаъйини ин ниҳод Илёс Идрисзода дар нишасти хабарии рӯзи 28-уми январ эълон кард.
Раиси ширкати “Тоҷик Эйр” мегӯяд, баҳси даҳсола бо ширкати литвонии “Скайроуд лизинг” тамом шуд.
Як созмони муътабари байнулмилалӣ аз мақомоти Тоҷикистон хост, ки парвандаи зидди рӯзноманигор Рухшона Ҳакимоваро бекор кунанд. Human Rights Watch (Дидбони Ҳуқуқи Башар) рӯзи 29-уми январ дар изҳороте гуфт, рӯзноманигорон барои фаъолиятҳои худ набояд ба ҷавобгарии ҷиноӣ кашида шаванд.
Раиси Оҷонси ҳавонавардии Тоҷикистон гуфт, ки дар соли 2024 ҳар моҳе тақрибан 300-350 тоҷикистонӣ аз Русия ихроҷ карда шудаанд.
Дар соли 2024 дар корхонаҳои Тоҷикистон сӣ коргар, аз ҷумла шаш шаҳрванди Чин, ба ҳалокат расида, тақрибан сӣ тани дигар маҷруҳ шудаанд.
Пайкари нависанда, рӯзноманигор ва блогнавис Ҳабиб Саидро дар охири ҳафтаи гузашта дар шаҳри Исфара дафн карданд. Ӯ бештар аз 30 сол дар вилояти Оренбурги Русия мезист ва рӯзи 20-уми январ, ҳамонҷо дар 71-солагӣ даргузашт. Пайвандон сабаби марги ӯро “хуруҷи саратони меъда” гуфтанд.
Додгоҳи вилояти Хатлон 9 кас, аз ҷумла як занро дар робита ба ҳамла ба Салим Сайвализода, раиси дафтари Ҳизби халқӣ-демократӣ дар Кӯлоб, аз панҷ сол зиндон то ҳабси абад маҳкум кардааст.
Мақомоти Қирғизистон ва Тоҷикистон ҳангоми нишонагузории сарҳад эҳтимол баъзе аз шаҳрвандони худро мекӯчонанд. Дар ин бора президенти Қирғизистон Содир Ҷабборов (Жапаров) дар мусоҳиба бо хабаргузории давлатии "Кабар" иттилоъ дод.
Омбудсмен ё Ваколатдори ҳуқуқи инсон дар Тоҷикистон гуфт, дар даҳ моҳи охир, баъд аз ҳамлаи маргбор ба толори “Крокус”, поймоли ҳуқуқи шаҳрвандони кишвар дар Русия афзудааст.
Вазири фарҳанги Тоҷикистон ба нашри силсилаи матолиб дар телевизиони CNN вокуниш кард. Дар он Абуалӣ ибни Сино, Аҳмади Фарғонӣ, Муҳаммад Хоразмӣ ва Абурайҳони Берунӣ ҳамчун донишмандони узбек муаррифӣ шудаанд.
Талаби 17 сол зиндон ба рӯзноманигор Рухшона Ҳакимова вокунишҳои зиёд ба бор овард. Мақомот ӯро дар доираи парвандаи маъруф ба “табадуллот” ба “хиёнат ба давлат” гумонзад медонанд. Қазияаш муҳри махфӣ дорад ва ҷузъиёташ маълум нест. Алҳол бо шарти берун нарафтан аз маҳалли иқомат дар озодист.
Ёфтҳои бештар
