د افغانستان د تکواندو تنکیو ځوانانو په پاکستان کې د اسیا د اوومې دورې ازادې سیالۍ وګټلې.
په افغانستان کې د طالبانو حکومت د پاکستان په بلوچستان کې د دې هیواد له پولیسو له لوري له افغان کډوالو سره ناوړه سلوک او د دوی جبري ایستل د اسلامي، نړیوالو او ګاونډیتوب له اصولو سرغړونه بللې ده.
روېټرز راپور ورکړی یو شمېر بهرني جنګیالي چې له عراق څخه تښتېدلي، په افغانستان کې د داعش خراسان څانګې سره یوځای شوي دي.
د نړۍ اوو سترو صنعتي هېوادونو (G7) د بهرنیو چارو وزیرانو پرون د ایران او د اوکراین د جګړې په اړه خپل دریځونه په یوه ګډه اعلامیه کې اعلان کړل.
په ایران کې د افغان کډوالو پر وړاندې د محدودیتونو په دوام، د دغه هېواد د هرمزګان ولایت د قشم ښار څارنوال ویلي، ۷۰۰ سوداګریزو واحدونه یې تړلي، چې د ده په خبره، د "غیرمجاز بهرنیو وګړو" له خوا اداره کېدل. نوموړي دا اقدام د هغوی د "تنظیم او کنټرول" لپاره مهم بللی دی.
د خیبر پښتونخوا ایالت اعلی وزیر ویلي په خپل کې د امنیتي ستونزو د حل کولو لپاره، افغانستان ته جرګه استوي. علی امین ګنداپور ویلي په کابل کې د طالبانو د حکومت له چارواکو سره د خبرو لپاره دا جرګه به د مختلفو قومونو له استازو جوړه وي.
په تاجکستان کې د اروپايي ټولنې او منځنۍ اسیا هېوادونو استازو د افغانستان د وضعیت په اړه شپږمه ناسته کړې.
په پاکستان کې د مېشتو افغان کډوالو د ځورونې او ایستلو په دوام، د دغه هېواد چارواکو تازه پرېکړه کړې چې له اسلاماباد او راولپنډۍ څخه راجستر شوي افغان کډوال وباسي.
د تهران والي اعلان کړی چې د روان کال له پیله تر اوسه ۱۰۰ زره بې اسناده بهرني وګړي له نیولو وروسته له ایرانه ایستل شوي دي.
د بر جنوبي وزیرستان د استخباراتي ادارې یو چارواکی وايي چې د فبرورۍ پر څلورمه وسلهوالو په شکتوی کې د پوځ پر امنیتي پوسته برید کړی، چې په پایله کې څلور عسکر وژل شوي او اووه تنه ټپیان شوي دي.
پاکستان د امریکا په ګډون له لویدیځو هېوادونو غوښتي چې هغه افغانان، چې دوی له مخکې منلي یا یې د منل کېدو پر کیسونو غور روان دی او په دې هېواد کې انتظار باسي، ژر تر ژره خپلو هېوادونو ته ولېږدوي، کنه د مارچ له میاشتې وروسته به یې له خپلې خاورې وباسي.
نور راوښيه
