د طالبانو حکومت پر ایران د اسراییل او امریکا د جګړې له پیله په ایران کې د ۶ افغانانو د وژل کېدو پخلی وکړ. د طالبانو د حکومت یوې باخبره سرچینې، چې نه یې غوښتل نوم یې واخیستل شي، چهارشنبه ناوخته ازادي راډیو ته وویل چې ایران کې تراوسه ۱۱ افغانان ټپيان شوي دي.
د پاکستان د بهرنیوچارو وزیر اسحق ډار وايي چې د سعودي عربستان، ترکیې او مصر د بهرنیوچارو له وزیرانو سره یې د ایران پرضد د اسراییلو او امریکا د جګړې د سمدستي او دایمي پای ته رسېدو په اړه خبرې کړې دي.
اسرائیل وايي د ایران د امنیت شورا منشي علی لاریجاني او د بسیج ځواکونو یو مشر یې وژلي دي. ایراني چارواکو تراوسه په دې هکله څه نه دي ویلي. د اسراییلو اردو وویل چې نن سه شنبه یې په تهران ، شیراز او تبریز بریدونه کړي دي.
له اوږدې چوپتیا وروسته، د ایران دولتي رسنیو د شنبې په ورځ تایید کړه چې امریکا خارک ټاپو کې پر پوځي تاسیساتو برید کړی دی.
د ایران ولسمشر او د رهبرۍ د لنډمهالې شورا غړی مسعود پزشکیان نن شنبه ( د کب ۱۶مه) له خپلو ګاونډیو هېوادونو بښنه غوښتې او ویلې یې دي چې نور به یې ځواکونه پر دغو هېوادونو بریدونه نه کوي.
د امریکا د دفاع وزیر پیت هګست وایي، د ایران په جګړه کې ( پریکنده بریالي) دي او په خبره یې نور ځواکونه یې هم سیمې ته پر لاره دي. هغه د چهارشنبې په ورځ په پنټاګون کې وویل چې امریکا او اسراییل به له یوې اونۍ کمه موده کې د ایران د فضایي حریم بشپړ کنټرول په لاس کې واخلي.
په ایران باندې د اسراییلو او امریکا د بریدونو له امله یو شمیر افغان کډوالو هلته خپل هرڅه پریښې او بیرته افغانستان ته ستانه شوي دي. دوی وايي په ډیره ویره او ترهه یې ځانونو د افغانستان پولو ته راورسول. یو شمیر افغان محصلینو هم هلته خپل درسونه پریښې افغانستان ته راغلي دي.
اسراییل اعلان کړی دی چې له امریکا سره په همغږۍ یې پر ایران بریدونه کړي دي.
نور راوښيه
