د افغانستان په ډیری ولایتونو کې د بارانونو، واورې او طوفانونو په اړه د طالبانو حکومت د ترانسپورت او هوايي چلند وزارت وړاندوینې، یو شمیر خلک اندیښمن کړي. دوی ازادي راډيو سره په خبرو کې وویل، چې د تیرو طبیعي پیښو له امله د دوی سرپناوې زیانمنې شوي او ان د بارانونو په وړاندې خوندي نه دي.
د ساتنې نړیوال کلستر GPC او د کډوالو لپاره د ملګرو ملتونو لویه کمېشنري UNHCR وایي تېر کال کې د طالبانو حکومت د خپلو سختو او د دوی په ټکو”تبعض امیزه” پالیسو په وسیله د نورو خلکو تر څنګ افغان ښځې او نجونې سختې ځپلي دي.
په دې ورستیو کې د افغان نجونو د زده کړو په ننګه د ځینو لوړ پوړو طالب چارواکو له څرګندونو ورسته یو شمیر نجونې او میرمنې وايي، طالبان باید د دوی د زده کړو په تړاوو عملي اقدامات وکړي.
د نړیوالې جنايي محکمې یا ای سي سي له لوري د طالبانو د مشر ملا هبت الله او د طالبانو د سترې محکمې د ریس عبدالحکیم حقاني د نیولو حکم د بشري حقونو د بیلابیلوبنسټونو او د معترضو ښځو له هرکلی سره مخ شوی.
په افغانستان کې د ملګرو ملتونو مرستندویه ماموریت دفتر «یوناما» د زده کړو د نړیوالې ورځې په مناسبت د هغو میلیونونو افغان نجونو په اړه ژور خفګان او اندیښنه ښودلې چې لا د زده کړو له بنسټز حقه محرومې دي.
یوناما نن په یوه اعلامیه کې ویلي نږدې څلور کاله کېږي واکمنو طالب چارواکو له ۱۲ کلونو پورته افغان نجونې ښوونځیو ته له تلو منع کړي دي.
د افغانستان د ښځو، نجونو او بشري حقونو لپاره د امریکا ځانګړې استازې رینا امیري چې درې کلن ماموریت یې پای ته رسېدلی، یو ځل بیا په افغانستان کې د بشري حقونو، په ځانګړې توګه د ښځو او نجونو د حقونو پر تامین ټینګار وکړ.
د پاملرنې نړيوال سازمان د طالبانو تر واکمنۍ لاندې په افغانستان کې د ښځو او نجونو د وضعیت په اړه اندیښنه څرګنده کړې ده.
په افغانستان کې د سختې بې وزلۍ له کبله یو شمېر میرمنې اړې شوي چې خپل ویښته وپلوري. دوی وايي اوږده او هغه ویښتان چې رنګ شوي نه وي په ښه بیه پلورل کیږي. د ښځو د حقونو فعالان د ښځو او میرمنو له لوري د ویښتو پلورل په افغانستان کې د اقتصادي کړکیچ د زیاتوالي ښکاره بیلګه بولي.
له زده کړو راګرځول شوې افغان نجونې په "اسلامي ټولنو کې د نجونو د زده کړو" په اړه له دوه ورځنۍ ناستې وروسته، د طالبانو لخوا پر زده کړو د محدودیتونو پر دوام نیوکه کوي. دوی وايي کله چې نوره اسلامي نړۍ زده کړې روا بولي نو طالبان د افغان نجونو پر زده کړو د بندیز لپاره څه توجیه لري؟
د ملګرو ملتونو د بشري چارو د همغږۍ دفتروایي، سږ کال په لومړیو دریو میاشتو کې ځینې روغتیایي، ښوونیزې، خوراکي او د سرپناه لپاره بشري مرستې د قطع کېدو له خطر سره مخ دي. " اوچا " په یو تازه راپور کې اندېښنه ښودلې چې د بودجې نشتوالي په افغانستان کې د دوی پر دغو ژوند ژغورونکو مرستو ژوره اغېزه کړې ده.
نور راوښيه
