نن د افغانستان په سړو سیمو کې د ۱۴۰۴ ښوونیز کال رسمي وروستۍ ورځ ده، خو د شپږم ټولګيو یو شمېر زده کوونکې نجونې وايي چې سږنی ژمی به وروستی ژمی وي چې پر دوی به د "ښوونځي زده کوونکې" نوم وي.دوی ځکه اندیښمنې او خپه دي چې د طالبانو دمحدودیتونو له امله له شپږم ټولګي وروسته د زده کړو له دوامه محرومې دي.
په جلا وطنۍ کې د افغانستان د موسیقۍ انستیتوت وايي، که زلاله هاشمي وغواړي خپل هنر ته ادامه ورکړي دوی به یې ملاتړ وکړي. افغان سندرغاړې زلاله هاشمي چې د سږ کال په وري میاشت کې یې افغانستان کې د کورنۍ له خوا د نادرکېدو خبر خپور شوی و، اوس معلومه شوې ده چې بهر ته تللې ده.
د افغانستان لپاره د بریتانیا ځانګړي استازي د افغانستان د خوندي او سوکاله راتلونکې لپاره د ښځو په سیاسي ګډون ټینګار کړی دی. ریچارډ لینزي په اېکسپاڼه لیکلي تېره اونۍ بریتانوي چارواکو په اسپانیا کې د «زموږ غږ واورئ» په غونډه کې د ګډون له لارې د افغان میرمنو د ستونزو مساله راپورته کړه.
داستاني ادب د ( AI ) یا مصنوعي ځیرکتیا پر مټ تصویری کول. کریمه نعیمي هغه افغان مېرمن چې کال کېږي په دې برخه کې کار کوي او لاسته راوړنې یې تر اوسه ماشومانو ته د لسو نکلونو انیمیشن کول دي. کریمې تازه د ( AI ) په مټ د "اعتدال" په نوم یوې ډرامې جوړول هم پیل کړي، چې لومړۍ برخه یې بشپړه شوې ده.
د ښځو د حقونو یوشمیر فعالانو د طالبانو د حکومت د ویاند د څرګندونو په اړه غبرګون ښودلی. د طالبانو د حکومت ویاند ذبیحالله مجاهد، د بشري حقونو په تړاو د ملګرو ملتو د اندېښنو په ځواب کې ادعا کړې چې 'کوم حقونه چې اسلامي شریعت خلکو ته ورکړي، په هېواد کې تأمین دي.
ملګري ملتونه وایي، په افغانستان کې کارځایونو ته د دوی د ښځینه کارکوونکو پر ورتګ د طالبانو د بندیز ټیک درې میاشتې پوره شوې.
د افغانستان د بشري حقونو لپاره د ملګرو ملتونو ځانګړی راپورتر ریچارد بېنیټ نن د ډسمبر لومړۍ نیټه په دوحه کې د افغانانو د بشري حقونو په اړه خپل بحثونه پيلوي. د ښځو د حقونو یو شمېر فعالانې دوحې ته د بېنېټ سفر ګټور بولي او وایي، کولای شي یو ځل بیا د نړیوالې ټولنې پام د بشري حقونو وضعیت ته واړوي.
نور راوښيه
