ازادي راډیو د افغانستان او سیمې په اړه د خبرونو، راپورونو او معلوماتو معتبره او باوري سرچینه ده. د باتجربه، مسلکي او هڅاندو ژورنالیستانو یوه ډله د ازادي راډیو او ددې راډیو د انلاین پلاټفورمونو لپاره مطالب چمتو کوي.
د انتالیا بهیر د څلورمې ناستې یوشمېر ګډونوال وایي، د دې ناستې خبرې اترې کولی شي د افغانستان د سیاسي راتلونکي لپاره د ټولو افغانانو مشارکت ته زمینه برابره کړي.
د غزې د روغتیا چارواکي وایي، د اسراییل په بریدونو کې لږ تر لږه ۵۴ کسان وژل شوي چې له دې ډلې څخه ۳۶ تنه په یوه ښوونځي کې وژل شوي چې د جګړې د بېځایه شویو کسانو لپاره د سرپناه په توګه کارېده.
په اسیا کې د کډوالو لپاره د ستونزو د حل اداره ADSP خبرداری ورکوي چې په جبري ډول افغانستان ته د ستنېدونکو کډوالو د دوامدارو حل لارو پرته، به دا هېواد له اوږدمهاله بېثباتۍ سره مخ شي او په دې هېواد کې به بشري بحران لا نور خراب شي.
د کړکېچ نړیوالې ډلې (ای سي جي) له اروپايي ټولنې غوښتي، له پاکستانه دا وغواړي چې خپلو نړیوالو مکلفیتونو ته ژمن پاتې شي او د افغان کډوالو جبري ایستل بند کړي.
ټاکل شوې چې ایران او امریکا متحده ایالتونه د ایران د اټومي پروګرام په اړه پنځمه دوره خبرې اترې په روم کې ترسره کړي.
سږ کال په افغانستان کې هوا د نورو کلونو پرتله څو ورځې مخکې توده شوې ده. ورسره هممهاله د کابل ښار یو شمېر اوسېدونکي وايي، د برېښنا پرچاوۍ هم زیاتې شوې چې دوی یې له ستونزو سره مخ کړي دي.
د میدان وردګو ولایت یو شمېر بڼوال وايي، وچکالۍ یې باغونه سخت ځپلي او ان وچ شوي دي. دوی وايي، د کاریزونو اوبه وچې دي او کوم باغونه چې اوس شنه هم دي، د سولري برېښنا پر مټ د ژورو څاهګانو په واسطه اوبه کېږي.
د افغان دیني عالم مولوي عبدالقادر قانت خپلوان او نږدې ملګري ادعا کوي چې د طالبانو استخباراتو نوموړی د څلورم ځل لپاره نیولی او بندي کړی دی.
په داسې حال کې چې ځینې ګاونډي او سیمهییز هیوادونه په افغانستان کې د ترهګرو ډلو د شتون او د هغوی د ګواښونو په اړه اندېښمن دي، د ډلهییز امنیت تړون سازمان (CSTO) په دې وروستیو کې له دې ګواښونو سره د مبارزې لپاره د پروګرامونو د پیل اعلان کړی دی.
په واشنګټن کې د اسراییل د سفارت دوه کارکوونکي د دغه ښار د یهودیانو موزیم ته نږدې په ډزو وژل شوي دي. پولیسو د ډزو په تړاو د یو شکمن کس د نیولو خبر ورکړی، او د اسراییل لومړي وزیر د دغه هېواد په ټولو سیاسي نمایندګیو کې د شدید امنیتي تدابیرو امر کړی دی.
د امریکا د بهرنیو چارو وزیر مارکو روبیو د سېشنبې په ورځ خبرداری ورکړ چې سوریه ښایي یوازې څو اوونۍ له یوه بشپړ او په «لویهکچه» کورني جنګ سره فاصله ولري.
د امریکا د بهرنیو چارو وزیر مارکو روبیو د سې شنبې په ورځ د سنا د بهرنیو اړیکو د کمېټې غړو ته وویل چې امریکا ته د هغو افغانانو د انتقال په پروسه کې چې د امریکا له پوځ سره یې مرسته کړې، ځنډ د پخوانیو امنیتي ارزونو د بیا کتنې او امنیتي اندېښنو له کبله رامنځته شوی دی.
د ازادي اروپاراډیو /ازادي راډیو عمومي ریس د دې رسنۍ د فعالیتونو د دوام لپاره د اروپايي ټولنې د اضطراري مالي ملاتړ د برابرولو د ژمنې هرکلی کړی دی.
د بشري حقونو د څار سازمان د اسټرالیا او بریتانیا وروستي ګامونه ستایي، خو افغان قربانیان لا هم د عدالت په تمه دي
په افغانستان کې یو شمېر نجونې چې له لوړو زده کړو پاتې دي، وايي، انلاین سوداګرۍ ته یې مخه کړې، څو هم ځان ته بوختیا ومومي او هم یوه مړۍ ډوډۍ وګټي.
په داسې حال کې چې له پاکستان او ایرانه د افغان کډوالو د جبري ستنونې لړۍ په چټکۍ سره روانه ده، د روغتیا نړیوال سازمان ویلي، ډېرې دغه کورنۍ د شدیدو تنفسي انتاناتو، خوارځواکۍ او د پوستکي د ناروغیو په ګډون له جدي روغتیايي ننګونو سره مخ دي او روغتیايي اسانتیاوو ته اړتیا لري.
د افغانستان د بېلابېلو ولایتونو یو شمېر اوسېدونکي وايي، د تیلفوني اړیکو او انټرنیټ په برخه کې له جدي ستونزو سره مخ دي.
د طالبانو تر کنټرول لاندې له دولتي ادارو څخه تازه ګوښه کړل شوي یو شمېر کارکوونکي وايي، سره له دې چې له دندو ګوښه شوي، دوی ته د بدیلو دندو فرصتونه هم نه دي ورکړل شوي.
نور راوښيه
