Сот Temirov LIVE каналынын төрт журналистин камакта калтырды. Орус армиясы "Кинжал" ракеталары менен Львов шаарына сокку уруп, кеминде жети кишинин өмүрү кыйылды. Чүй облустук сотунун судьясы Тилек Абдырашитов 2 млн сом айып төлөөгө милдеттендирилип, сот залынан бошотулду.
Таңкы саат беш жарым. Львовдо катуу жардыруунун үнү чыгып, жер бир силкингендей болуп, асманга кара коюу түтүн көтөрүлдү. Ракеталык сокку калаа борборундагы темир жол вокзалынын жанына урулган. Ондогон үйлөрдө өрт тутанып, терезелери күбүлүп түшкөн.
Орус армиясынын Львов шаарына жасаган соккусунан кеминде жети кишинин өмүрү кыйылды. Жергиликтүү бийлик билдиргендей, 4-сентябрда калаа борборундагы турак-жайларга “Кинжал” ракеталары менен сокку урулган.
Өткөн айда венгр бийлиги украиналык качкындарды турак жай менен камсыздоону кыскартты. Мындан улам көчөдө калган качкындардын саны улам көбөйгөнү кабарланды. Алардын бири Ева Папп дээрлик бир жумадан бери алты баласы менен Будапешттин темир жол бекеттеринде баш калкалоого мажбур.
Бишкек-Нарын-Торугарт автоунаа жолундагы кырсыктан 10 киши каза болду, экөө өспүрүм балдар. Израилде өкмөткө каршы акциялар уланды. Жумгалдын Миң-Куш айылында уран калдыктарын ташыган дагы бир оор автоунаа кырсыкка кабылганы кабарланды.
Дүйшөмбүдө Израилде өкмөттөн ок атышууну токтотуу жана барымтадагыларды бошотуу келишимине кол коюуну талап кылган акциялар уланып, иш таштоо болду. Анын алдында Газа секторунда хамасчылар бир жылдай мурун барымтага алган алты кишинин сөөктөрү табылган.
Украинанын Киев, Орусиянын Белгород шаары аба соккусуна кабылды. Ал арада Донецк облусунда айыгышкан салгылашуулар уланууда.
Украинанын Киев, Орусиянын Белгород шаары аба соккусуна кабылды. Жогорку Кеңештин кезектеги сессиясы ачылып, депутаттар ишке чыкты. Кыргызстанда “Дин тутуу эркиндиги жана диний бирикмелер жөнүндө” жаңы мыйзам долбоору сунушталды.
Он күн мурун Тажикстандын жарандары Навруз Рустамжон менен Назиржон Тошов Волгоград облусундагы Суровикино шаарындагы түрмөдө төрт кызматчыны өлтүрүп, бир нече кишини барымтага алган топтун ичинде болгонун орус маалымат каражаттары жазды.
Украинанын Сумы шаары жумага караган түнү орус армиясынын соккусуна кабылды. Эки киши каза тапты, сегизи жараат алды.
Израил армиясынын Газадагы чабуулдарынан тышкары кечээтен бери Иордан дарыясынын батыш жээгиндеги масштабдуу операциясы уланууда. Ондогон адамдын өмүрү кыйылганы кабарланды. Израил бул операциясынын максаты террорчуларды жок кылуу экенин жарыялады.
Бишкек шаардык соту Аскат Жетигендин апелляциялык арызын карады. Ленин райсотунда 11 журналисттин иши уланды. Израил Газадан тышкары Иордан дарыясынын Батыш жээгиндеги масштабдуу операциясын улантып, ондогон адамдын өмүрү кыйылганы кабарланды. Парижде Жайкы Паралимпиада оюндары расмий ачылды.
Дагы жүктөңүз
