УКМК төрагасы Камчыбек Ташиев баласынын шайлоого аттанганын кубаттады. ТИМ кызматкери Бахтияр Шакиров эмдөөдөн каза болгон жок. Президент Садыр Жапаров "Инстаграмдагы" баракчасына Орусияга аба каттамдарынын санын арттырууну жана авиабилеттердин баасын жеке көзөмөлүнө алганын жазды.
Тышкы иштер министрлигинин Консулдук кызмат департаментинин башчысынын орун басары Бахтияр Шакировдун өлүмүн атайын комиссия иликтеп жатат. Саламаттык сактоо министрлиги ал коронавируска каршы вакцина алгандан кийин көз жумду деген маалыматты расмий төгүндөдү.
Дүйнө өлкөлөрүндө коронавирус пандемиясын ооздуктоо максатында эмдөө күч алууда. Эмне үчүн бүгүн вакцинация маанилүү? Азыр пайдаланып жаткан препараттар бири-биринен эмнеси менен айырмаланат? Кыргызстанда 29-мартта эмдөө өнөктүгү башталды. Бирок элдин вакцина сайдырууга шашылганы байкалбайт.
"Жарандык көзөмөл комитети" Жогорку соттун төрайымы Гүлбара Калиеванын кызматтан четтетилишин бийликтин "саясий кысымы" деп баалап, Бириккен Улуттар Уюмуна кайрылды.Баткенде Сох анклавына жол ачылды. Орусияда абакта отурган саясатчы Алексей Навальный ачкачылык жарыялады.
Фельдшер Зиёдбек Мурзалимов коронавируска каршы элеттеги күрөш, дарыгерлерге мамиле тууралуу ой бөлүштү.
Жогорку Кеңештин депутаты Мирлан Бакиров Мамлекеттик мүлктү башкаруу фондунун төрагасы болду. Транспорт министрлигинин жетекчилигинде камалгандар көп. АКШнын Мамлекеттик департаменти дүйнөдөгү адам укуктарына арналган баяндамасын чыгарды, анда кыргыз бажысындагы коррупция тууралуу да айтылган.
Дүйнөлүк саламаттыкты сактоо уюмунун аймактык директору Ханс Клюге Бишкекке келген маалда "Азаттык" радиосуна эксклюзивдүү маек курду. Ал саламаттык сактоонун мамлекет жана адамдар арасындагы орду, пандемиянын сабактары, аялдардын саламаттыкты сактоодогу ролу сыяктуу бир катар маселелерге токтолду.
Боршайком жергиликтүү шайлоодо добуш сатып алуу сыяктуу одоно мыйзам бузуулар болуп жатканын эскертти. Өлкөдө азык-түлүк баштаган товарлардын баасы кымбаттоодо. Тамак-аштын айрым түрлөрү 50% көтөрүлдү.
Дагы жүктөңүз
