Орусия Курскиде украин армиясына каршы согушка салган түндүк кореялык күчтөрдүн даярдыгы күмөн жаратат. Бирок украин армиясынын коргонуусун бузуп өтүү үчүн алардын саны жетиштүү болушу мүмкүн.
Соңку аптада Орусиянын паспортун алып, бирок аскердик каттоого турбаган ондогон борбор азиялыктар жарандыгынан кол жууду. Орусиянын Ички иштер министрлиги бул иштер аскердик каттоодо турбаган адамдарды паспортунан ажыратуу боюнча жаңы мыйзамдын алкагында аткарылып жатканын кабарлады.
Кыргызстанда басма сөз күнү белгиленүүдө. Өкмөт өкүлдөрү ЖМК кызматкерлерине белек-бечкек жөнөтүп, өлкөдө сөз эркиндиги бар экенин айтып жаткан чакта эркин басылмалар басым-кысым уланып жатканын белгилейт. Быйыл өлкөдө журналисттер жапырт кармалып, соттолуп, басылмалар бөгөттөлгөн учурлар болду.
Бишкекте бүгүн Түрк мамлекеттер уюмунун 11-саммити өттү. Анда экономика, коопсуздук жана маданий кызматташтык маселелери талкууланды.
АКШдагы президенттик шайлоонун жыйынтыгы башка өлкөлөрдүн арасынан айрыкча Украинага чоң таасир этет. Талапкерлер Дональд Трамп менен Камала Харрис Украинага жардам маселесине көз карашы кыйла айырмаланат. Бирок кимиси утушка жетишсе да, кадамдары кандай болору анык белгилүү эмес.
Түркиянын президенти Режеп Тайып Эрдоган мамлекеттик сапар менен Бишкекке келди. Бул - Эрдогандын 2018-жылдан бери Кыргызстанга жасаган алгачкы сапары. Садыр Жапаров 2020-жылы бийликке келгенден бери түрк лидеринин Кыргызстанга биринчи келиши.
Расмий маалыматка караганда, октябрь айында Орусиянын күчтөрү Украинанын чыгышында 478 чарчы чакырымды аймакты оккупациялап алды. Ушул тапта орус армиясы Курахово шаарын курчоого алуу аракетин көрүүдө.
Токтогул шаардык кеңешине шайлоого катышып жаткан талапкер Болот Дүйшөналиев "массалык башаламандыкка чакырган" деп айыпталып кармалды. Буга чейин активист Айтилек Орозбеков камалган. Милиция талапкерге иш козгоого негиз бар деп билдирди.
2022-жылы Орусиядагы мобилизацияга байланыштуу Казакстанга качып чыгып, кийин Европага кеткен бир нече орусиялык жаран “Кош бол, курал!” уюмуна бирикти. Франциядан башпаанек сураган бул адамдар Орусия Украинага кол салганын, мындай шартта дезертирлик үчүн уялбаш керектигин айтып чыгышты.
Дагы жүктөңүз
