Кыргызстанда үрөй учурган дагы бир кылмыш катталды. Бишкекте бир үйдөн эки адам өлтүрүлүп, шектүү дагы деле изделип жатат. Милиция үйгө кирген шектүүнүн фотороботун түзүп, коомчулукка жарыялады. Алдын ала маалыматтарда айтылгандай, каза болгон эки киши - бир туугандар болгон. Үйдөгү дагы бир аял балдары менен качып чыгууга үлгүргөн. Ички иштер министрлигинде тергөө тобу түзүлүп, ишти иликтөө уланып жатат.
Борбор Азия
Үрөй учурган мыкаачылык, зөөкүрдүк менен адам өлтүрүү болгонун укканда кылмышкерди өлүм жазасына тартуу чакырыктары - мыйзам ченемдүү көрүнүш. Ошол эле маалда укук коргоочулар соттун өкүмү чыккан күндө да дарга асуу же газ менен тумчуктуруу аркылуу адамды өлүм жазасына тартуу гумандуу чечим эмес экенин белгилешет. 27-сентябрда Ысык-Көл облусунда 17 жаштагы окуучу кыз Айсулуу Мукашева киши колдуу болгондон кийин президент Садыр Жапаров Кыргызстанда өлүм жазасын кайтаруу демилгесин көтөрдү.
