АКШнын президенти Дональд Трамптын администрациясы Кошмо Штаттарга кирүү үчүн күрөө төлөй турган мамлекеттердин тизмесин дагы кеңейтти. 25 мамлекет кошулган тизмеде Кыргызстан да бар. Ал тапта өкмөт башчынын орун басары Эдил Байсалов АКШ жарандары үчүн визасыз режимди кайра карап чыгууну сунуштады.
Президент Садыр Жапаров Токиого расмий сапарынын алкагында 19-декабрда Жапониянын императору Нарухито менен жолукту. Өлкө башчы визиттин алкагында “Борбор Азия – Жапония” форматындагы алгачкы саммитке катышат жана Борбор Азия – Жапония бизнес форуму да өтөт.
Президент Садыр Жапаров Жапонияга расмий сапары алкагында 19-декабрда император Нарухито менен жолукту. Токиодо ал Борбор Азия–Жапония форматындагы алгачкы саммитке жана бизнес форумга катышат. Кыргыз делегациясы эки тараптуу жолугушууларды да өткөрүп, кызматташтыкты талкуулоодо.
Ал тапта Кыргызстандын Эмгек, социалдык камсыздоо жана миграция министрлиги жыл жыйынтыгын чыгарып, чет жакта мигрант болуп жүргөн кыргызстандык жарандардын жалпы саны 800 миңдей киши экенин, соңку кезде Орусияда жашагандар арасынан бул өлкөдөн кетип жаткандар көбөйгөнүн маалымдады.
Мьянманын ээн талааларынын ортосунда тикенек зымдар менен курчалган жана катуу кайтарылган комплекс бир караганда кадимки эле лагерди элестетет. Бирок бул жерде миңдеген киши кулчулукта кармалары тууралуу маалымат үрөй учурду. Жакында Кыргызстан өз жаранын бул өлкөдөгү кулчулуктан куткарып алды.
Жергиликтүү медиада "Бишкекте ырчы Валерий Меладзенин концерти болбой калды" деген маалымат тарады. Бул тууралуу "Абзац" аттуу орус басылмасына орусиялык медиаменеджер Павел Рудченко комментарий берген.
Орусиянын Украинага согуш ачканын сындаган ырчы Валерий Меладзенин Бишкекте 3-декабрга пландалган концертине уруксат берилген жок. Маданият министрлиги муну жобого байланыштырды. Таанымал ырчы 60 жылдык юбилейине жана чыгармачылыгынын 30 жылдыгына карата Борбор Азияда турне менен жүргөн.
Бишкекте Медакадемиянын проректору аялын урду деген шек менен кармалып, үч күнгө камалды. Окуянын видеосун социалдык тармактарга аялы жайылткан. Шектүүнүн тааныштары ал соңку күндөрү апасы ооругандыктан кыжалат болуп жүргөнүн айтып беришти.
Борбордук шайлоо комиссиясы жалпысынан 29 округдагы шайлоонун жыйынтыгын бекитти. Бүгүн жумушчу топтун жыйынында айрым талапкерлердин арызы жана алар боюнча укук коргоо органдарынын маалыматы угулду.
Жогорку Кеңешке шайлоодо 45 гана добуш алган 72 жаштагы талапкер Бусурман Сатыбалдиевди социалдык тармак колдонуучулары талкууга алып, алтургай шакаба чеккендер да болууда. Таштанды көйгөйүн чечкиси келген бул талапкер жарышка катышуу үчүн пенсиясын чогултуп, күрөө каражатын төккөн.
Материалдар жана шектүү Улуттук коопсуздук боюнча мамлекеттик комитеттин (УКМК) тергөө башкармалыгына өткөрүлүп берилди. 37 жаштагы милиционер убактылуу кармоочу жайга киргизилип, тергөө жүрүп жатат. Бул окуя укук тартибин коргоо кызматкерлеринин жүрүм-туруму боюнча талкуу жаратты.
"Таза аба үчүн айылга, жайлоого чыгып кетишиң керек...". Курулуш министринин орун басары Талантбек Иманакуновдун бул сөзү кызуу талкууга түштү. Бишкектин тургундары суук башталганы борбор калааны кайрадан ыш каптап жатканына нааразы. Активисттер транспорт маселесин чечүү керек дешет.
Айнура Тажикстандагы жарандык согуш маалында Кыргызстанга энеси менен качып келген. Очор-бачар болгонуна карабай, он жылдан бери жарандык алуу аракетинен майнап чыккан жок. Балдарынын каттоосу жок болгондуктан, догдурга көрүнүү, мектепке жиберүү сыяктуу маселелер чоң тоскоолдукка айланган.
Ысык-Көлдүн Кара-Ой айылындагы эс алуу жайында ур-токмоктон бир адам каза тапты. Кылмышка шек саналып кармалган төрт кишинин экөө милиция кызматкерлери экени маалым болду.
Маркумдун жакындары шектүүлөр аны ат менен кубалап, камчынын сабы менен уруп, үзөңгү менен башка тепкенин айтып, кылмыштын тыкыр иликтенишин талап кылууда.
Чүйдүн Константиновка айылынын жанында курулуш компанияларында айдоочу болуп иштеген кыргыз жана кытай жарандарынын мушташы боюнча “бейбаштык” беренеси боюнча иш козголду. Мушташта жабыркап ооруканада жаткан айдоочунун абалы орточо оор деп бааланууда.
Кыргызстанда электр энергиясын үнөмдөө аракети бир катар чектөө жана көзөмөл менен коштолууда. Жакында эле мамлекеттик мекеме, мектептерде кечинде жарык өчүрүлө баштаса, кийин кафе, ресторандардын иши кечки саат ондон кийин токтошу керек деген талап коюла баштады.
27-октябрда Бишкектин Октябрь райондук соту Temirov Live, Kloop.kg жана “Айт Айт Десе” медиа-долбоорлорунун маалыматтык материалдарын экстремисттик деп тапты. Бул долбоорлордун ишмердигине катышкан журналисттер Болот Темиров менен Ринат Тухватшиндин ишмердиги да экстремисттик деп таанылды.
Бишкек шаарынын жаңы башкы планынын долбоору жарыяланды. Алдын ала маалымдалгандай, шаардын айланасында темир жол магистралын төшөп, ичинде тыгынды жоюу үчүн трамвай жүргүзүү каралууда. Планда шаарды жашылдандыруу үчүн 1,5 миң гектар жер каралары жазылган.
Дагы жүктөңүз
