پښتونخوا او قبایل

پي ټي اېم نن د پاکستان په پښتون مېشتو سیمو کې د "ولسي پاڅون" په نوم احتجاجونه کړي دي

په دې لړ کې د اکتوبر پر ۲۰مه له سهاره تر ماښام پورې په مختلفو وختونو کې د خیبر پښتونخوا او بلوچستان د مرکزونو پېښور او کوټې په ګډون په ګڼو وړو او لویو ښارونو او سیمو کې احتجاجې لاریونونه او غونډې وشوې.

د میرامشا بازار دوکاندارانو یو ځل بیا د ړنګو دوکانونو د معاوضې غوښتنه کړې ده

د ضرب عضب عملیاتو پر مهال ۶۰۰۰ پورې دوکانونه ړنګ کړل شوي ول، حکومت له دې شمېرې څخه تر ۳۰۰۰ پورې دوکاندارانو ته وار له مخې معاوضې ورکړې دي خو د میرامشا د ړنګ بازار ۳۰۰۰ دوکانداران لا هم معاوضو ته سترګې پر لاره دي.

له ټانکه ډي ای خان ته د عدالتونو لېږدولو د جنوبي وزیرستان د وکیلانو اندېښنې پارولي

د جنوبي وزیرستان د وکیلانو د اتحادیې مشر ایډوکېټ شیرپاو مسید د اکتوبر پر ۱۸مه مشال راډيو ته وویل، د هغوی غوښتنه وه چې دا عدالتونه دې جنوبي وزیرستان ته ولېږدول شي خو حکومت دا عدالتونه ډېره اسماعیل خان ته ولېږدول

د کورمې شیعه مشرانو له حکومته د بندو لارو د پرانیستلو غوښتنه کړې

په پاړه چینار کې دیني عالم مولانا نور حسین نجفي د اکتوبر پر ۱۸مه یوې غونډې ته د خپل خطاب پر وخت وویل، په سیمه کې د مقبلو پر قافلې تر برید وروسته لارې تړل کېدو سره د هغوی د ساتنې لپاره د حکومت پالیسي ته حیران دی.

افتاب شېرپاو: پاکستان دې له افغانستان سره په تجارت او تګ راتګ کې اسانتیاوې راولي

نوموړي د اکتوبر پر ۱۷مه، د ګوند د جوړېدو ۱۲مې کلیزې په مناسبت په پېښور کې غونډې ته وویل چې د سوداګریزو محدودیتونو له وجې د ډېورنډ کرښې دواړو خواوو ته د پرتو پښتنو کاروبارونه او ژوند اغېزمنېږي.

پېښور های کورټ د خیبر پښتونخوا له چارواکو د خراب امنيت په اړه سپیناوی غوښتی

د وکیلانو ټولنې مرستیال صادق علي مومند مشال راډیو ته وویل چې د ناامنۍ له وجې وکیلان، قاضیان او د عدالتونو کارکوونکي له ګواښونو سره مخامخ دي.

کورمه کې ۴ کسان وژل شوي، ۸ ژوبل دي

د سیمې اوسېدونکي وايي چې نښته د اکتوبر پر ۱۷مه مازیګر پیل شوه چې تر شپې ناوخته پورې روانه وه. تر اوسه د نښتې لامل معلوم نه دی خو دواړه لوري یې یو بل په پیلولو تورنوي. د کورمې انتظامیې لا د پېښې په اړه رسماً څه نه دي ویلي.

د راجګل کډوالو احتجاج ختم کړ؛ د بې کوره شويو د ستنېدو بهیر پيلېږي

په قامي اسمبلۍ کې د خیبر استازي او د مذاکراتي ډلې غړي اقبال اپرېدي د اکتوبر پر ۱۶مه مشال راډيو ته وويل چې له علي امين ګنډه پور سره یې په ملاقات کې د راجګل د کډوالو خپلو کورونو ته د ستنولو فیصله وشوه.

بنو کې ۲ پوځيان وژل شوي او د ۱ کس مړی موندل شوی

بونېر کې بمې چاودنې ۴ پوليس ژوبل کړي دي

د خیبر پښتونخوا حکومت د امریکا په مرسته د اوبو کمېدو حل لارې لټوي

د صوبې د کروندې وزیر میجر ر محمد سجاد وایي، حکومت سره د پیسو او وسایلو کمی خو د امریکا نړیوالې پرمختیایي ادار(یو اېس ای ډي) او نورو مرستندونه ادارو په مرسته د ستونزې د مخنیوي هڅه کوي.