د پېښور های کورټ مشر قاضي د خيبر پښتونخوا ګورنر ته امر کړی چې د صوبې له نوي منتخب اعلاوزير څخه دې د اکتوبر ۱۵مې تر مازيګر څلور بجو پورې د هغه د څوکۍ سوګند واخلي.
د جانيخېلو يوه اوسېدونکي حنیف الله د اکتوبر پر ۱۴مه مشال راډیو ته وویل چې د هغې سيمې په نصري خیل کلي کې د یو دوکان (پلورنځي) مخې ته خلک ناست ول، چې ډرون بريد ورباندې وشو او په نتيجه کې يې دوه عام کسان ووژل شول او دوه نور ژوبل شول.
نوموړي د اکتوبر پر ۱۳مه تر منتخب کېدو وروسته د اسمبلۍ غونډې ته په وینا کې وویل:" دلته خبري غونډې کېږي او وايي چې موږ تېر کال د استخباراتي معلوماتو پر اساس ۱۴،۰۰۰ عملیات کړي، خو ترهګري هم هغه ډول ده او نن هم زما خلک بې کوره دي او نن هم زما د خلکو کورونه ورانېږي او هغوی شهیدان کېږي."
دا تر هغه وروسته ده چې علي امين ګنډه پور لومړی د اکتوبر پر اتمه او بيا وروسته د اکتوبر پر ۱۱مه د خيبر پښتونخوا ګورنر فيصل کريم کونډي ته خپل استعفا ليکونه ولېږل.
د خيبر پښتونخوا په کورمه کې د ممکنه پوځي عملیاتو له امله د عليشیرزو او مسوزو سیمو خلکو کډې کول پیل کړې دي.
په خیبرپښتونخوا او په ځانګړې ډول په قبایلي ضلعو کې پر کورونو د هاوان مرميو او ډرون بريدونو پېښې وړاندې هم شوې دي چې پکې عام خلک وژل شوي یا ژوبل شوي دي.
د خیبر پښتونخوا په بنو کې ناپېژندليو وسلوالو د پوځ لپاره د شمالي وزيرستان ميرامشا ته پر خوراکي توکو وړونکو ګاډو ډزې کړې او يو ډرېور يې ژوبل کړی او دوه نور يې تښتولي دي.
نور وښیئ
