پښتونخوا او قبایل

د پښتونخوا هنرمندان وايي د امن غږ بدرګه کولو لپاره د خیبر جرګې ته ورغلي ول

په هغه جرګه کې زرګونو پښتنو ګډون وکړ، چې د سيمې شاعران، ليکوالان، فرهنګيان او هنرمندان هم پکې ول. له هغو څخه يو پېژندل شوی سندرغاړی شوکت سواتی هم وو.

د بنو پولیسو مشر عمران شاهد وايي د امنیت ټینګولو لپاره اقدامات کوي

تر هغې وړاندې د اکتوبر پر ۱۴مه ناوخته د بنو پولیسو مشال راډیو ته وویل چې د پولیسو په مرکز د وسله والو برید پای ته رسېدلی دی چې پکې څلور سرتېري او پینځه وسله وال وژل شوي دي. 

خیبر پښتونخوا اسمبلۍ د پښتنو قامي جرګې په غوښتنو بحث وکړ

وزیراعلی، علي امين ګنډه پور د اکتوبر پر ۱۴مه د پرېکړه ليک د عملي کولو غوښتنه وکړه.

پوليس: په نوښار کې له واده څخه د انکار له امله يوه جينۍ وژل شوې

بنو کې د وسلوالو او پوليسو ترمینځ جګړه کې ۵ وسلوال او ۴ پولیس وژل شوي دي

د پښتون قامي جرګې د کډوالو د ستنولو غوښتنې بې کوره شوي خلک خوشبینه کړي

د اکتوبر پر ۳مه د شپې ناوخته د پښتون ژغورنې غورځنګ مشر منظور پشتين د درې ورځنۍ جرګې پرېکړې او غوښتنې اعلان کړې.

کورمه کې د ګاډو پر کاروان د برید ضد احتجاج شوی دی

بلخوا، په پاړه چینار کې د اکتوبر پر ۱۳مه، د ترسره شویو بریدونو په تړاو د شیعه ګانو مشرانو، سیاسي شخصیتونو او علماو په ګډه غونډه کې هغه بریدونه غندلي دي. دوی له حکومته د سیمې د امنیت خرابوونکو پر ضد د ګامونو غوښتنه کړې.

په کورمه کې په بریدونو د وژل شویو شمېر ۱۷ ته لوړ شوی دی

د انتظامیې یو لوړپوړي چارواکي، چې له رسنیو سره یې د خبرو اجازنه لرله، د نوم نه ښوولو په شرط مشال راډیو ته وویل چې وسلوالو د اکتوبر پر ۱۲مه د کونج عليزو غره ته پر تلليو درو کسانو ډزې وکړې چې پکې هغوی ژوبل شول. دوی وايي وروسته وسلوالو په هم هغه سیمه کې د مساپرو د ګاډو پر کاروان برید وکړ.

په خیبر کې د "پښتنو قامي عدالت" په نوم لویه جرګه پای ته ورسېده

پشتین وویل چې د تېرو دوو لسیزو پر مهال په لسګونو زره پښتنو ته مرګژوبله واوښته او لوی زیانونه یې ولیدل، نو ځکه اړینه ده چې په جرګه کې د خپل راتلونکي ژوند په اړه په یووالي پرېکړه وکړي.

په کورمه کې په دوه جلا جلا پېښو کې ۱۵ کسان وژل شوي، يوشمېر ژوبل دي

د ضلعي انتظامیې یو چارواکي چې له رسنیو سره یې د خبرو اجازه نه لرله، د نوم پټ ساتلو پر شرط مشال راډیو ته وویل چې لومړۍ هغه مهال وشوه چې د کونج علي زو غره ته تللي کسان نامعلومه وسلوالو ووژل. 

په خیبر کې د پښتون قامي عدالت په نوم جرګه نن رسماً پیل شوه

د غورځنګ مشر منظور پښتین د اکتوبر ۱۱مې په شپه ناوخته د خيبر ضلعې د جمرود په رېګي للمه کې د جرګې لپاره راټول شوو خلکو ته په خپله وينا کې وويل،‌ که څه هم ټاکل شوې وه چې د پښتون قامی عدالت په نوم جرګه به د اکتوبر پر ۱۱ مه پيل شي.