پښتونخوا او قبایل

د سوات چارواکي ادعا کوي چې امنيت يې بشپړ پر ځای کړی دی

په سوات کې د وسله والو د شتون په اړه د خلکو اندېښنې هغه وخت زياتې شوې کله چې د ۲۰۲۲ز د اګست پر اتمه په مټه کې د وسله والو لخوا د پوليسو د يوه ډي اېس پي د تښتونې او د هغه د ټپي کېدو خبرونه خپاره شول.

په تورخم کې له يوې افغانې سره په "ناوړه چلند" تورن پاکستاني چارواکي دنده ځنډول شوې

د تورخم انتظامي چارواکو مشال راډيو ته د دې ويډيو د کره والي تصدیق کړی دی او وايي چې دا پېښه د اکتوبر پر ۲۸مه شوې ده. د ويډيو تر خپرېدو ورسته، انترنېټ کاروونکو په تورخم کې پر پاکستان چارواکو سختې نيوکې کړې او تورن افسر ته يې د سزا ورکولو کمپاين وچلاوه.

ميا افتخار حسېن وايي پر حکومتي او امنيتي چارواکو د عمران خان تورونه بې ځايه دي

میا افتخار حسېن تر خبري غونډې وروسته له مشال راډيو سره په مرکه کې ادعا وکړه چې عمران خان له دې وجې پر پوځي ایسټېبلیشمېنټ نيوکې کوي چې هغوی د پاکستان په سیاست کې د غیرجانبداره پاتې کېدو خبره کړې او د عمران خان مرسته نه کوي.

جنوبي وزيرستان کې زرګونو کسانو د امن لپاره احتجاجي لاريون کړی

د لاريون يو مشر او د پښتون ژغورنې غورځنګ د مرکزي کمېټۍ غړي مولانا زينت الله افغان مشال راډيو ته وويل چې په جنوبي وزيرستان کې هره ورځ د خلکو د تښتونو، هدفي وژنو او قلنګ اخيستلو پېښې رامينځ ته کېږي.

د اتمانزو مشران وايي حکومت یې ټولې غوښتنې منلې دي

د شمالي وزیرستان مرستيال کمېشنر شاهد علي خان هم د نومبر پر شپږمه تر خبرو اترو وروسته له رسنیو سره وغږېدی او ویې ویل چې د دوی ترمینځ ټولې ستونزې حل شوې دي.

منظور پشتین: د خیبر خلک د ناامنۍ له وجې بیا کډوالۍ ته تیار نه دي

په خیبر ضلع کې انتظامي چارواکو او امنیتي ځواکونو ویلي چې په تیرا کې یې د وسلوالو پرضد عملیات پيل کړې دي. دوی ویلي ول چې د ناامنۍ ختمولو ته چمتو دي او هېڅکله وسلوالو ته د امنیت خرابولو موقع په لاس نه ورکوي.

د خيبر پښتونخوا زرګونه ښوونکي وايي تر اوسه يې نوکرۍ نه دې مستقل کړل شوي

د ځوانو استادانو اتحادیه وایي، په دغو کې زیاتره استادان په ۲۰۱۹ز کال کې اخیستل شوي دي او زیاتره پکې د پرایمري سکولونو استادان شامل دي.

پېښور کې نرسانو احتجاج پيل کړی

د لېډي ریډنګ روغتون ویاند محمد عاصم مشال راډیو ته وویل، د دې نرسانو تر ټولو لویه مسله د هاسټل کوټې د کرایې ده کومه چې د ده په وینا اوس هم کمه ده.

پښتون قامي اتحاد: د امن لپاره پټې جرګې نه منو، حکومت دې ښکاره جرګې وکړي

پښتون ژغورنې غورځنګ جنوبي وزیرستان کې د امنیت ټینګښت غوښتنه کړې

مولانا زینت الله له حکومته وغوښتل چې "د شپې مهال چې د وېرې ترهې د خپرولو لپاره کومې ډزې کېږي، هغه دې بندې شي، د غلا، شوکې او قلنګ غوښتلو مخه دې ونیول شي، د پلټنیزو عملیاتو په پلمه دې زموږ د کورونو تالاشۍ او د کورونو د پاسه د ډرون الوتکو د الوتنو مخنیوی وشي.

د تحریک انصاف سیاستوالان خیبر پښتونخوا کې د عمران خان لاریون لپاره خلک غونډوي

د تحريک انصاف د سیاستوالانو تر تازه څرګندونو یوه ورځ مخکې، د نومبر پر لومړۍ نېټه د پاکستان د کورنيو چارو وزير رانا ثنا الله په اسلام اباد کې يوې خبري غونډې ته په وينا کې اندېښنه وښووله چې ګواکې د تحريک انصاف لاريونوال پلان لري چې اسلام اباد ته له وسلو سره داخل شي.