Ҳамарӯза даҳҳо муҳоҷири тоҷик аз Русия ба Тоҷикистон ихроҷ мешаванд. Мақомот мегӯянд, имсол ихроҷи муҳоҷирони тоҷик аз Русия дар қиёс ба солҳои дигар бештар буд. Пас ҳамла ба толори консертии Крокус, ки мақомоти рус аз гумонбарон шаҳрванди Тоҷикистон ном бурданд, ихроҷи муҳоҷирон афзоиш ёфт.
Дар Женева ин рӯзҳо ҷасалаи Кумиссиёни ҳуқуқи башари Созмони Милал идома дорад, ки ба он як гузориш дар бораи Тоҷикистон ҳам пешниҳод шудааст. Гузориши як кумитаи Созмони Милал, ки гуфтааст, ҳукумати Тоҷикистон чандон майле надорад сарнавишти нопадидшудагон дар замони ҷанги дохилиро маълум кунад.
Ахбори Озодӣ аз 20-уми сентябри соли 2024 (Пахши зинда)
"Гапи Озод" ин дафъа дар бораи мулоқоти Саймумин Ятимов, раиси Кумитаи давлатии амнияти миллии Тоҷикистон бо "Толибон" аст. Ҳадаф ва пайомадҳои мулоқот барои Тоҷикистон чӣ хоҳад буд? Меҳмонон Зокир Иршод Ҳусайн, таҳлилгари афғонистонӣ ва Муҳаммадҷон Кабиров, хабарнигори тоҷик ҳастанд.
Дар Инстаграм вақтҳои ахир видеоҳои зиёде дар бораи латукӯби ҳамсар, духтар, ё зане нашр мешавад. Сабаб чист? Ҷабру ситам ба занону духтарон зиёд шудааст ва ё зиёд буду пинҳон мемонд? "Салом, хоҳар" бо ҳамин пурсишҳо ба чанд нафар рӯй овард.
Дар ду моҳи охир арзиши гӯшт дар бозорҳои Тоҷикистон боло рафтааст. Як килои он дар Душанбе аз 90-95 то 100 сомонист. Дар баъзе аз фурӯшгоҳҳо гӯшти беустухон 110-120 сомонӣ арзиш дорад. Мақомот мегӯянд, талаботи мардум ба гӯшт зиёд шуд. Тоҷирон бовар доранд, саршумори чорво кам гардидааст.
Корҳои сохтмони дар маҳали ҳодиса қатъ гардида, чанде аз масъулону кормандони ширкати сохтмонӣ боздошт шудаанд.
Даъват ба риояи оромӣ дар минтақаҳои зилзилаи ахир, фавти се кӯдак дар сохтмоне дар Душанбе, болоравии нархи гӯшт дар Тоҷикистон, пешвозгирии пурдабдабаи Эмомалӣ Раҳмон ва интиқоли Зубайдуллоҳи Розиқ аз шифохона ба маҳбас.
Бо вуҷуди он ки пешвозгирии мансабдорон бо ҷалби кӯдакону ҷавонон дар Тоҷикистон расман танқид карда мешавад, ҳамчунон идома дорад.
Корбарони шабакаҳои иҷтимоӣ шаҳри Бохтар, маркази вилояти Хатлонро як шаҳри ифлос ва зери ғарами партов меноманд. Раиси шаҳр ним сол пеш гуфта буд, ки ӯро барои ҳалли ҳамин масъала ба Бохтар овардаанд.
Баъзе муштариён шикоят доранд, ки истифода аз кортҳои бонкии Душанбе -Ситӣ мушкил шудааст. Масъулон исрор меварзанд, ки қаллобон интернетӣ сокинонро фиреб дода, пулҳояшонро медуздиданд, бинобар ин онҳо тадбирҳои иловагӣ андешидаанд.
Дар 6 моҳи ахир дар Тоҷикистон сокинонро барои риоя накардани қонуни танзим наздик ба 7 млн сомонӣ ҷарима бастаанд. Мақомот ин қонунро “миллӣ" меноманду меситоянд. Ба гуфтаи мақомот, қонун ёрӣ кард, ки сатҳи фақр коҳиш ёбад. "Озодӣ" аз мардум пурсид, ки оё ин қонун кор дод ва харҷҳо кам шуданд?
Ёфтҳои бештар
