Кыргызстан

Жалал-Абадда "Курманбек" стадиону реконструкциядан өттү. Стадион толугу менен эл аралык талаптарга жооп берери, ошондой эле VAR системасы орнотулганы маалым болду. Кыргыз бийлиги өлкө боюнча дагы 12 стадион оңоп-түзөөдөн өтөрүн, инфраструктураны жакшыртуу менен футболду өнүктүрүү дымагын билдирди.

14-майда жазуучу жана публицист Олжобай Шакир “Массалык башаламандыктар” беренеси менен күнөөлү деп табылып, 5-жылга эркинен ажыратылды. Ал былтыр августта камалган. Шакирдин соттолушун сөз эркиндигине, чыгармачылык эркиндикке кысым катары баалагандар жок эмес. Ал эми бийлик жазуучу башаламандык уюштурууга аракет кылганын жүйө келтирген. “Эксперттер талдайт” берүүсүндө Олжобай Шакирге чыккан сот чечими, бир катар камоолор, жалпы сөз эркиндиги жөнүндө сөз кылабыз. Катышуучулар: адабиятчы Дүйшөн Керимов, "Кабар" агенттигинин директору Медер Шерметалиев жана эркин журналист Аскер Сакыбаева.