Кырсык

Бишкектин ооруканаларына, "Тез жардам" кызматына күйөөсүнөн токмок жеген аялдар күнүгө кайрылат. Бирок алардын көбү арыз жазуудан баш тартып келет. “Азаттык” борбор калаадагы дарыгерлер менен маектешип, зордук-зомбулук боюнча маалымат алды. Дарыгерлер күбө болгон айрым окуялар үрөйдү учурат. Алардын айтымында, аялын кабыргасы сынгыча, башы жарылгыча сабагандар, сабап өлтүрүп койгондор да кездешет.

Ош шаарында лифтке кыпчылып каза тапкан жарандын өлүмү иликтенүүдө. Бул окуя көп кабаттуу үйлөрдөгү коопсуздук, курулуштун сапаты, ага мамлекеттик көзөмөл сыяктуу көйгөйлөрдү кайра козгоду. Курулушу толук аяктабаган турак жайды пайдаланууга мындан үч жыл мурда уруксат берилгени айтылууда.