Госьць Інтэрвію тыдня — кіраўнік Цэнтру палітычнага аналізу і прагнозу (Варшава) Павал Вусаў. Ён заяўляе, што Беларусь уваходзіць у пэрыяд новай безумоўнай пераарыентацыі на Расею, лічыць, што Масква больш не ўспрымае Менск як «саюзьніка», і прагназуе, да якіх вынікаў можа прывесьці разьмяшчэньне ў Беларусі расейскай вайсковай базы.
У размове са Свабодай Мікалай Казлоў заяўляе, што будзе самастойным кіраўніком партыі, распавядае, чаму яго навучыла служба ў міліцыі, і абяцае хутка вывучыць беларускую мову.
Чарговы госьць «Інтэрвію тыдня» — палітоляг Аркадзі Мошэс, дырэктар дасьледчых праграмаў Усходняга суседзтва Эўразьвязу і Расеі ў Фінскім інстытуце міжнародных дачыненьняў. Ён тлумачыць, у чым выяўляецца новы курс Крамля ў дачыненьні да Беларусі, заяўляе, што Аляксандар Лукашэнка, з гледзішча Масквы, не прайшоў тэст на саюзьніцтва, і лічыць, што на канфлікт з Расеяй нідзе, за выключэньнем Украіны, Захад ісьці не зьбіраецца.
Госьць «Інтэрвію тыдня» — кіраўнік аналітычнага праекту Belarus Security Blog Андрэй Паротнікаў. Ён адзначае, што нават статусныя пракрамлёўскія палітолягі збольшага ўспрымалі беларускую (дый украінскую) незалежнасьць як нейкае часовае дзівацтва, якое раней ці пазьней будзе ліквідавана, кажа, што Лукашэнка — самы пралукашэнкаўскі палітык у Беларусі, і заяўляе, што прафэсія афіцэра ў краіне вельмі дэвальваваная.
Госьць «Інтэрвію тыдня» — мэдыя-аналітык, карэспандэнт «Нямецкай хвалі» ў Беларусі Паўлюк Быкоўскі. Ён разважае пра тое, чаму ўлады змагаюцца з камэнтарамі ў інтэрнэце, заяўляе, што ананімнасьць — гэта важная рэч у забесьпячэньні свабоды выказваньняў, і тлумачыць, якую вэрсію падзеяў выдаюць замежным партнэрам беларускія дыпляматы.
Чарговы госьць «Інтэрвію тыдня» выказвае сваё стаўленьне да канфлікту вакол опэры «Салямэя», заяўляе, што ў Праваслаўнай царквы няма поўнай гармоніі зь дзяржавай, і распавядае, у чым спакуса ў паводзінах рэлігійнага чалавека.
У чарговай перадачы «Інтэрвію тыдня» — прафэсар Рэдфардзкага ўнівэрсытэту (ЗША) Грыгоры Ёфэ, аўтар кнігі «Пераацэньваючы Лукашэнку: Беларусь у культурным і геапалітычным кантэксьце». Ён адказвае на пытаньне, ці можна назваць яго «папулярызатарам Лукашэнкі на Захадзе», лічыць, што беларускае грамадзтва само дае ўладзе карт-блянш дзейнічаць нейкім спосабам, і заяўляе, што ніводзін зь лідэраў беларускай апазыцыі не падняўся вышэй за ўзровень правінцыйнага сакратара абкаму.
Госьць «Інтэрвію тыдня» — мовазнаўца і перакладчык Лявон Баршчэўскі. Ён тлумачыць, у чым галоўная загана цяперашняй сыстэмы адукацыі ў Беларусі, заяўляе, што расейскай мове аддаецца абсалютны прыярытэт, і тлумачыць, як дзяржава робіць беларускамоўную адукацыю штучнай і другараднай.
Госьць «Інтэрвію тыдня» — эканаміст Сяргей Чалы. Ён знаходзіць станоўчыя моманты ў апошніх выніках працы беларускай эканомікі, разам з тым лічыць, што адстаўка ўраду была прызнаньнем стратэгічнай тупіковасьці абранага шляху.
Госьць «Інтэрвію тыдня» — расейскі паліттэхноляг і публіцыст Станіслаў Бялкоўскі. Ён тлумачыць, чаму Крэмль прызначае новым паслом у Беларусі Міхаіла Бабіча, выказвае ўпэўненасьць, што Расея не зьбіраецца акупаваць Беларусь ці адцінаць частку яе тэрыторыі, і тлумачыць, чаму для Беларусі лепей быць Пуціну ворагам, а ня здраднікам.
Госьць Інтэрвію тыдня — першы прэм’ер-міністар Беларусі пасьля ўвядзеньня пасады прэзыдэнта Міхаіл Чыгір. Ён лічыць, што супольная і аб’яднаная пазыцыя чальцоў ураду часам можа пераканаць кіраўніка дзяржавы, заяўляе, што пазыцыя былога прэм’ера Кабякова заўсёды была накіраваная на падтрымку меркаваньня Лукашэнкі, і мяркуе, што беларускай эканоміцы патрэбныя радыкальныя зьмены.
Госьць «Інтэрвію тыдня» — незалежны сацыёляг Сяргей Нікалюк. Ён лічыць, што 60 працэнтаў беларусаў — гэта архаічная большасьць, якая ўспрымае дзяржаву як сям’ю, якой павінен кіраваць «бацька», заяўляе, што Лукашэнка разумее, што любыя спробы рэформаў прывядуць яго да тых жа вынікаў, што і Гарбачова, і тлумачыць, у чым гістарычны шанец для Беларусі
Госьць «Інтэрвію тыдня» — кіраўнік беларускага Цэнтру стратэгічных і зьнешнепалітычных дасьледаваньняў Арсень Сівіцкі. Ён лічыць, што Расея ставіць за мэту падарваць незалежнасьць і сувэрэнітэт Беларусі, што Крэмль перайшоў да новай, сілавой геапалітычнай стратэгіі на постсавецкай прасторы, і заяўляе, што беларускае кіраўніцтва падрыхтаванае да доўгага процістаяньня з Масквой.
Госьць «Інтэрвію тыдня» — былы палітвязень, доктар філялёгіі Аляксандар Фядута. Ён адказвае на пытаньне, чаму ўлада распачала справу журналістаў, тлумачыць, чаму па гэтай справе нікога не пасадзяць, і заяўляе, што Аляксандар Лукашэнка па-ранейшаму жорстка кантралюе тое, што лічыць мэтазгодным кантраляваць.
Госьць «Інтэрвію тыдня» — старшыня Праваабарончага цэнтру «Вясна», былы палітвязень Алесь Бяляцкі. Ён нагадвае, што беларускія ўлады заўсёды змагаліся зь незалежнымі СМІ, заяўляе, што калі набліжаюцца выбарчыя кампаніі, улады забываюць пра лібэралізацыю і на першае месца выходзяць спэцслужбы, а таксама адказвае на пытаньне, ці нагадвае «справа РЭПа» «справу Бяляцкага».
Госьць «Інтэрвію тыдня» — палітоляг, галоўны рэдактар часопіса ARCHE Валер Булгакаў. Ён лічыць, што беларускае грамадзтва даўно ня верыць у нейкі іншы варыянт зьмены ўлады, акрамя фізычнага адыходу Аляксандра Лукашэнкі, тлумачыць, чаму беларускага кіраўніка напружваюць размовы пра пераемніка, і заяўляе, што «качка» пра інсульт Лукашэнкі стала помстай з Расеі за 30-дзённы бязьвіз для замежнікаў.
Госьць «Інтэрвію тыдня» — эканаміст Леанід Злотнікаў. Ён тлумачыць, колькі страціць Беларусь у выніку «падатковага манэўру» Расеі, прыводзіць лічбы таго, як хутка растуць даўгі беларускіх грамадзян і прадпрыемстваў, і адказвае на вечнае пытаньне, чаму Аляксандар Лукашэнка не ідзе на эканамічныя рэформы.
Госьць «Інтэрвію тыдня» — кіраўнік аналітычнага праекту Belarus Security Blog Андрэй Паротнікаў. Ён лічыць, што ў Расеі вельмі няшмат людзей, якія ўспрымаюць беларускую незалежнасьць як відавочны факт, адзначае, што кардынальна зьмянілася ў стаўленьні Масквы да Менску ў апошнія гады, і тлумачыць,чаму Беларусь ужо не патрэбная Маскве як вітрына постсавецкай інтэграцыі.
Чарговы герой Інтэрвію тыдня — беларускі сацыёляг, прафэсар Алег Манаеў, былы кіраўнік Незалежнага інстытуту сацыяльна-эканамічных і палітычных дасьледваньняў (НІСЭПД), які цяпер жыве ў ЗША. Ён распавядае пры прычыны сваёй вымушанай палітычнай эміграцыі ў ЗША, тлумачыць, чаму постсавецкія эмігранты галасуюць менавіта за Рэспубіканцаў, разважае пра сацыяльную рэвалюцыю ў Беларусі і магчымасьць прыходу да ўлады новага прыхільніка «цьвёрдай рукі».
Госьць «Інтэрвію тыдня» — палітычны экспэрт, адзін з заснавальнікаў грамадзянскай ініцыятывы «Дзея» Алесь Лагвінец. Ён адказвае, ці сапраўды заяўляў, што Расея пасьля чэмпіянату сьвету акупуе Беларусь, тлумачыць, якая чарговая зьнешняя перамога патрэбная расейскаму грамадзтву, і заяўляе, што трэба называць рэчы сваімі імёнамі — у Беларусі ў той ці іншай ступені паўстане палітычная дынастыя.
Госьць «Інтэрвію тыдня» — сябра дзяржаўнай Рады па разьвіцьці прадпрымальніцтва, эканаміст Яраслаў Раманчук. Ён адказвае на пытаньне, у чым асноўная прычына карупцыі ў беларускай мэдыцыне, тлумачыць, якія зьмены неабходныя ў сыстэме аховы здароўя, і распавядае, як спрачаўся з намесьнікам міністра аховы здароўя пра тое, ці павінны чыноўнікі ўдзельнічаць у камэрцыйных структурах (цяпер гэты намесьнік затрыманы і за кратамі).
Госьць «Інтэрвію тыдня» — кіраўнік Цэнтру палітычнага аналізу і прагнозаў (Варшава) Павал Вусаў. Ён адказвае на пытаньне, чаму Лукашэнка раптам загаварыў пра пагрозу незалежнасьці, заяўляе, што кіраўніцтва Беларусі вяртаецца да стратэгіі продажу кавалкаў беларускага сувэрэнітэту, і заяўляе, што ўлада нічога ня робіць, каб абараніць краіну ад уплыву «русского мира».
Госьць «Інтэрвію тыдня» — старшыня грамадзкага Балёнскага камітэту Беларусі прафэсар Уладзімер Дунаеў. Ён адказвае на пытаньне, як беларускім чыноўнікам удаецца нічога не мяняць у адукацыі, падае нечаканыя факты пра зьмяншэньне колькасьці беларускіх і замежных студэнтаў і заяўляе, што Беларусь у адукацыі ўсё больш адстае ад Эўропы.
Госьць «Інтэрвію тыдня» — палітоляг, старшыня «Цэнтру новых ідэй» Рыгор Астапеня. Ён заяўляе, што Беларусь хоча знаходзіцца ў сфэры расейскіх інтарэсаў, бо яна шмат ад гэтага атрымлівае; лічыць, што Менск у адносінах з Эўразьвязам цікавяць толькі грошы; і заяўляе, што ў Лукашэнкі ўвогуле няма ніякай замежнапалітычнай стратэгіі.
Госьць «Інтэрвію тыдня» — палітычны аглядальнік Арцём Шрайбман. Ён адказвае на пытаньне, ці магчыма спалучыць нацыянальныя інтарэсы і інтэграцыйныя абавязаньні Беларусі і Расеі, заяўляе, што Расея можа ўсё менш разьлічваць на Беларусь у замежнай палітыцы, лічыць, што Захад не зьбіраецца зрынаць цяперашні менскі рэжым, і тлумачыць, ці адчувае Лукашэнка, якія лініі ня варта пераходзіць у адносінах з Расеяй.
Госьць «Інтэрвію тыдня» — старшыня руху «За свабоду» Юрась Губарэвіч. Ён тлумачыць, як павінна выглядаць працэдура праймэрыз, заяўляе, што на сёньня ніводная палітычная сіла ня здольная самастойна сабраць подпісы за свайго прадстаўніка, і адказвае на пытаньне, ці зьбіраецца сам вылучацца ў прэзыдэнты
Госьць «Інтэрвію тыдня» — дырэктар Цэнтру эўрапейскай трансфармацыі палітоляг Андрэй Ягораў. Ён лічыць, што Кітай ня будзе нічога падтрымліваць у Беларусі, калі гэта не супадае зь ягонымі стратэгічнымі лініямі, тлумачыць інтарэсы і намеры Пэкіну ў нашым рэгіёне і заяўляе, што Кітай сёньня ня будзе ніякім чынам палітычна заступацца за Беларусь.
Госьць «Інтэрвію тыдня» — кіраўнік беларускага Цэнтру стратэгічных і зьнешнепалітычных дасьледаваньняў Арсень Сівіцкі. Ён лічыць, што ціск Расеі на Беларусь напярэдадні выбарчых кампаній 2019 году будзе ўзмацняцца і Крэмль будзе дамагацца сур’ёзных стратэгічных саступак, тлумачыць, у чым асноўны ўклад Беларусі у рэгіянальную стабільнасьць, і заяўляе, што Расея ўжо задумваецца, як забясьпечыць свае інтарэсы ў Беларусі пасьля Лукашэнкі
Госьць «Інтэрвію тыдня» — сустаршыня БХД Павал Севярынец. Ён абвяшчае на 1 чэрвеня ўсеагульную мабілізацыю абаронцаў Курапат, тлумачыць, чаму ўласьнікі «Поедем поедим» павінны бясплатна перадаць свой будынак пад музэй сталінскіх рэпрэсій, і заяўляе, што ў гэтай тэме ўлада мае шанец перамяніць сам вобраз і характар рэжыму.
Чарговы госьць «Інтэрвію тыдня» — Балаш Ярабік, палітоляг, экспэрт Фонду Карнэгі. Ён адказвае на пытаньне, ці паверыць Захад Лукашэнку, які заяўляе «мы ня з Захадам супраць Расеі, мы не з Расеяй супраць Эўропы», заяўляе, што ўнутраныя перамены ў Беларусі — у інтарэсах самой улады, і тлумачыць, чаму і як беларуская апазыцыя страціла манаполію на сувязі з Захадам.
Госьць «Інтэрвію тыдня» — кіраўнік экспэртнай ініцыятывы «Менскі дыялёг» Яўген Прэйгерман. Ён распавядае, як удалося запрасіць на форум «Менскага дыялёгу» Аляксандра Лукашэнку, тлумачыць, у чым прычына паўзы ў адносінах паміж Беларусьсю і Захадам, і заяўляе, што застаецца незалежным аналітыкам, нягледзячы на тое, што ягоная думка часта супадае з афіцыйнай.
Госьць «Інтэрвію тыдня» — старшыня Менскай гарадзкой арганізацыі АГП, былы падпалкоўнік міліцыі Мікалай Казлоў. Ён аналізуе, чаму ўсё часьцей міліцыянты атрымліваюць нажавыя раненьні падчас затрыманьняў, адказвае на пытаньне, ці зьбіраецца вылучацца ў лідэры АГП, і заяўляе, што ня бачыць лідэрскіх якасьцяў у Ганны Канапацкай.
Госьць «Інтэрвію тыдня» — сустаршыня Беларускай хрысьціянскай дэмакратыі Вольга Кавалькова. Яна тлумачыць, чаму БХД падтрымлівае «Маці 328», распавядае, чаму ўлады не гатовыя прызнаваць свае памылкі, і адказвае на «традыцыйнае» пытаньне, ці лічыць сябе фэміністкай.
Госьць «Інтэрвію тыдня» — расейскі незалежны гісторык Марк Салонін. Ён тлумачыць прычыны катастрофы 1941 году, паведамляе, колькі савецкіх вайскоўцаў былі расстраляныя вайсковымі трыбуналамі, і заяўляе, што тое, што «СССР рыхтаваўся напасьці на Нямеччыну ў ліпені 1941 году», — гэта даўно ўжо ня вэрсія, а даказаны гістарычны факт.
Госьць Інтэрвію тыдня — анархіст, былы палітвязень Мікола Дзядок. Ён тлумачыць свой варыянт ідэальнага грамадзтва (без дзяржавы), лічыць, што ніякая незалежнасьць ня мае сэнсу, калі няма палітычных і грамадзянскіх правоў, прапануе закінуць 10 журналістаў Свабоды на бязьлюдны востраў і заяўляе, што анархісцкая ідэя вартая таго, каб ахвяраваць за яе жыцьцём
Фізык, кандыдат тэхнічных навук, былы сябра Чарнобыльскай камісіі Вярхоўнага Савету СССР Юры Варонежцаў нагадвае, што яшчэ ў 2010 годзе былі зробленыя дакладныя высновы, што будаўніцтва АЭС у Беларусі эканамічна цалкам не апраўданае.
Госьць «Інтэрвію тыдня» — старшыня Аб’яднанай грамадзянскай партыі Анатоль Лябедзька, які нядаўна заявіў, што ня будзе балятавацца на пасаду старшыні на бліжэйшым зьезьдзе. Ён ацэньвае вынікі 18 гадоў кіраваньня партыяй, заяўляе, што падтрымаў бы на пасаду старшыні чалавека, які, аднак, не жадае балятавацца, і чарговы раз тлумачыць, чаму ў 1994 годзе далучыўся да каманды Аляксандра Лукашэнкі.
Госьць «Інтэрвію тыдня» — Фёдар Лук’янаў, галоўны рэдактар часопіса «Россия в глобальной политике», старшыня прэзыдыюму няўрадавай арганізацыі «Рада па замежнай і абароннай палітыцы».
Госьць «Інтэрвію тыдня» — старшы аналітык кампаніі «Альпары» Вадзім Іосуб. Ён заяўляе, што з курсам беларускага рубля «нічога не адбываецца», тлумачыць, чаму пакуль ня варта чакаць дэвальвацыі, і ацэньвае новы раўнд беларуска-расейскіх гандлёвых войнаў.
Госьць «Інтэрвію тыдня» — расейскі публіцыст Леанід Радзіхоўскі. Ён заяўляе, што замежная палітыка Расеі — гэта толькі «піяр і эстэтыка», лічыць, што грошай у Расеі на падтрымку Беларусі больш няма, і тлумачыць, чаму гвалт у дачыненьні да Беларусі пярэчыць базавым устаноўкам расейскага грамадзтва.
Госьць «Інтэрвію тыдня» — кіраўнік аналітычнага праекту Belarus Security Blog Андрэй Паротнікаў. Ён адказвае на пытаньне, ці рыхтуецца Лукашэнка да перадачы ўлады, заяўляе, што для генэралаў грамадзянская супольнасьць — гэта альбо правакатары, альбо ворагі, і тлумачыць, чым Беларусі пагражае ірацыянальнасьць у расейскай палітыцы.
Госьць «Інтэрвію тыдня» — заснавальнік парталу Tut.by Юры Зісер. Ён тлумачыць, чаму ня бачыць нічога апазыцыйнага ў сьвяткаваньні стагоддзя БНР, заяўляе, што ідэя нацыянальнай дзяржавы даўно памерла, і называе тры фундамэнтальныя каштоўнасьці сваёй кампаніі.
Госьць «Інтэрвію тыдня» — філёзаф Валянцін Акудовіч. Ён адказвае на пытаньне, ці адбылося Сьвята, заяўляе, што беларуская палітычная апазыцыя — гэта аксюмаран, і тлумачыць, як разумець ягоную афарыстычную фразу, што свабоду нельга заваяваць, а магчыма толькі дачакацца.
Палітоляг Андрэй Ягораў адзначае, што канфрантацыя — адзіны шлях для сёньняшняй Расеі прымусіць іншых з сабой лічыцца.
Госьць «Інтэрвію тыдня» — вядомы беларускі рэжысэр Юры Хашчавацкі, які нядаўна зьняў новы дакумэнтальны фільм «Гэты вар’яцкі, вар’яцкі, варяцкі „русский мир“». Ён адказвае на пытаньне, чым «русский мир» адрозьніваецца ад цывілізаванага сьвету, тлумачыць, дзе ён яшчэ ў 1991 годзе пагадзіўся зь Зянонам Пазьняком, і разважае над тым, наколькі глыбока «русский мир» укараніўся ў Беларусі.
15 сакавіка 1994 году была прынятая першая Канстытуцыя незалежнай Беларусі, подпіс пад якой паставіў тагачасны старшыня Вярхоўнага Савету Мечыслаў Грыб. У «Інтэрвію тыдня» ён заяўляе, што цяперашняя ўлада гатовая парушаць любую, самую ідэальную Канстытуцыю, узгадвае, як Лукашэнка адразу пасьля абраньня прэзыдэнтам называў свае паўнамоцтвы «царскімі», і тлумачыць, чаму пасьля зьмены ўлады трэба будзе вярнуцца да Канстытуцыі ў рэдакцыі 1994 году.
Герой «Інтэрвію тыдня» — новы, нядаўна абраны старшыня Беларускай сацыял-дэмакратычнай партыі (Грамада) Ігар Барысаў. Ён тлумачыць, у чым разыходжаньні ягонай партыі са структурамі Шушкевіча і Статкевіча, адказвае на пытаньне. чым ён адрозьніваецца ад старэйшага пакаленьня апазыцыйных палітыкаў, і заяўляе, што партыя ня будзе прасоўваць у Беларусі праблемы мігрантаў і сэксуальных меншыняў
Госьць «Інтэрвію тыдня» — грамадзкая актывістка, рэжысэрка дакумэнтальнага кіно Вольга Мікалайчык. Яна адказвае на пытаньне, чаму неабходна шэсьце пратэсту на 25 сакавіка, тлумачыць, за што яе назвалі «сукай», і заяўляе, што людзі шануюць толькі тых, хто выходзіць на акцыі.
Герой «Інтэрвію тыдня» — палітык Мікола Статкевіч, нядаўна зноў пераабраны старшынём БСДП (Народная Грамада). Ён сьцьвярджае, што зарэгістраваныя партыі толькі імітуюць гульню ў апазыцыю, тлумачыць, чаму важна працягваць вулічны ціск, і заяўляе, што ўладу не выпрошваюць, а забіраюць.
Госьць Інтэрвію тыдня — актывіст грамадзянскай кампаніі Legalize Belarus Пятро Маркелаў. Ён заяўляе, што трэба скасаваць крыміналізацыю захоўваньня кантраляваных рэчываў у малых колькасьцях, тлумачыць, чаму палітыку «вайны з наркотыкамі» трэба зьмяніць на палітыку зьмяншэньня шкоды, і настойвае на тым, каб перастаць называць тэрмінам «наркотыкі» такія рэчывы, як марыхуана.
Загрузіць яшчэ
