د دې اونۍ "د مشال تر رڼا لاندې" بحث د خيبر پښتونخوا حکومت د هغې پرېکړې بېلا بېلو اړخونو څېړلو ته ځانګړی شوی چې له تحریک طالبان پاکستان سره يې د مذاکراتو لپاره افغانستان ته د يوې جرګې استولې په اړه کړې وه. د پاکستان وفاقي حکومت او د هغه هېواد د بهرنیو چارو وزارت د صوبايي حکومت دا پرېکړه رد کړې ده. تر دې وړاندې په ۲۰۲۱ز کال کې د عمران خان په وزیراعظمۍ کې د پاکستان حکومت د افغان طالبانو په مینځګړيتوب له تحریک طالبان پاکستان ډلې سره خبرې اترې کړې وې چې بې نتیجې پای ته رسېدلې وې. بشپړ بحث وګورئ.
د مشال تر رڼا لاندې
جمعه ۲۱ فبروري ۲۰۲۵
د دې اونۍ "د مشال تر رڼا لاندې" کې مو د ترکیې د ولسمشر پاکستان ته د سفر د ارزښت او د هغه هېواد له پاکستان، افغانستان او هند سره د تاریخي سیاسي، کلتوري او اقتصادي اړیکو جاج اخیستی دی. د پاکستان بهرنیو چارو وزارت په یو بیان کې ويلي چې رجب طیب اردغان د فبرورۍ له ۱۲مې څخه تر ۱۴مې پورې د هغه هېواد په سفر دی او له لوړپوړو چارواکو سره د ليدو ترڅنګ به د پاکستان او ترکيې د لوړ کچ د ستراتیژيکې همکارۍ شورا په غونډه کې ګډون کوي. بشپړه خپرونه وګورئ.
