لیکوالان وايي میراوس له کوچنیوالي د طنز او مزاح وړتیا لرله
لیکوالان او هنرمندان وايي، د پښتو ژبې نومیالی مزاحیه اداکار حیات خان، چې په میراوس پېژندل کېده، به د خپل هنر له لارې د ټولنې د اصلاح هڅه کوله. میراوس د اپرېل پر درېیمه مازیګر مهال د شاوخوا ۷۰ کلونو په عمر کې ومړ. شنونکي وايي، نوموړی په پښتني ټولنه کې ناسمو دودونو ته ډېر خپه وو او همدا لامل وو چې د ټوکو ټکالو په بڼه به یې یادولې او د ولس د پوهاوي هڅه به یې کوله. د میراوس د ژوند او هنر په اړه دا ځانګړی رپورټ واورئ.