بلوچستان

د بلوچستان پولیسو د جمهوري وطن ګوند مشر ګهرام بګټی نیولی دی

په بلوڅ مېشته مستونګ سیمه کې د بلوچستان نیشنل پارټۍ (بي اېن پي) د مشر سردار اختر جان مېنګل په مشرۍ د بلوڅ سیاستوالانو او فعالانو احتجاجي پرلت دوام لري.

محمود خان اڅکزي له حکومته د ټولو بلوڅ فعالانو خوشې کولو او د افغانانو نه ستنولو غوښتنه کړې ده

اڅکزي د اپرېل پر درېیمه د بلوچستان په پښتون مېشته سيمه پښين کې د خپل ګوند تر انتظام لاندې د زرګونو کسانو يوې غونډې ته په وينا کې وويل چې هغه د سردار اختر جان مېنګل په مشرۍ د بلوچستان نيشنل ګوند د هغه پرلت ملاتړ کوي چې د بلوڅو فعالانو د نيولو پرضد په مستونګ کې روان دی.

د سیند حکومت د بلوڅانو د حقونو مبارزه سمي دین بلوڅه خوشې کړې ده

د اپرېل پر لومړۍ نېټه هم د بلوچستان د پلانونو او پرمختیايي چارو وزیر ظهور احمد بلېدي په مشرۍ حکومتي پلاوي په لک پاس کې د بلوچستان نیشنل ګوند د مشر سردار اختر جان مېنګل په ګډون د احتجاج له مشرانو سره خبرې وکړې او ورڅخه یې د پرلت او لاریون پای ته رسولو غوښتنه وکړه.

د بلوڅانو د یووالي کمېټۍ د بلوچستان په یو شمېر سیمو کې احتجاجي لاريونونه کړي دي

د مارچ پر ۳۱مه د بلوچستان د چاغي ضلعې په امین اباد سیمه کې د کمېټۍ کارکوونکو او د ورکو بلوڅانو خپلوانو د لاریون پر مهال د خپلو نیول شویو ملګرو د خلاصېدو غوښتنه وکړه او ويې ویل چې د بلوڅو فعالانو خلاف رياستي کاروايي به هغوی له خپل مرامه په شا نه کړي.

په بلوچستان کې د پرلتوالو او حکومت ترمنځ مذاکرات ناکام شول

د پاکستان د بشري حقونو خپلواک کمېشن د مردان د ډرون برید پلټنې غواړي

مستونګ: د بلوڅ فعالانو ګرفتاریو پرضد د بلوچستان نیشنل ګوند په مشرۍ پرلت روان دی

د پاکستان تر ۱۰۰ زیاتو نومیالیو سیاستوالانو، وکیلانو او د بشري حقونو فعالانو وزیراعظم میا محمد شهباز شریف ته یو پرانیستی لیک استولی دی چې پکې یې له نوموړي څخه د ماهرنګ بلوڅې او سیمي دین بلوڅې په ګډون د ټولو بلوڅ فعالانو خوشې کولو غوښتنه کړې ده.

مستونګ کې د بلوچستان نيشنل ګوند له احتجاجي لاريون سره نېږدې ځانمرګی بريد شوی

پولیسو او ځايي کسانو رسنیو ته ویلي چې د مستونګ لک پاس سیمې ته نږدې د لاریون پر امنیت ساتلو ګمارل شویو رضاکارو له یو مشکوک کس څخه د تلاشۍ اخیستو هڅه وکړه خو هغه چاودنه وکړه.

د بلوچستان نيشنل ګوند احتجاجي لاریون د کوټې په لور روان دی

دوی د سلګونو کسانو په شمېر کې د مارچ پر ۲۸مه د بلوچستان له وډ سیمې نه د کوټې پر لور روان شوي دي. دوی د مارچ پر ۲۹مه له مستونګ نه مخکې خپل سفر پیل کړی دی.

د بشري حقونو کمېشن: وفاقي او صوبايي حکومتونه دې د بلوڅانو په ګډون ټول فعالان خوشې کړي

د پاکستان د بشري حقونو د کمېشن مشر اسد اقبال بټ د مارچ پر ۲۷مه د کراچۍ د خبريالانو په مرکز کې خبري غونډې ته وويل چې په بلوچستان کې ولس له سوله ييزې لارې غوښتنې کوي خو "رياست يي پر ضد طاقت" کاروي او هغوی "ترهګر" بولي.

اختر مېنګل د بلوڅو ښځینه فعالانو د ګرفتاریو پرضد لاریون اعلان کړی دی

سردار اختر جان مېنګل د مارچ پر ۲۶مه په ویډیو پیغام کې ویلي، د مارچ پر ۲۸مه د بلوچستان له وډ سیمې څخه لاریون پیلوي او تر کوټې به ورته دوام ورکوي.

په کوټه کې چاودنې ۳ تنه وژلي او ۲۱ ژوبل کړي دي