صمد شبنم په کوټه کې د مشال راډیو خبریال دی چې د بلوچستان د پښتون مېشته سیمو په اړه راپورونه جوړوي.
غوث الله د اګست پر ۱۳مه له مشال راډيو سره د خبرو پر مهال دعوه وکړه چې حکومت د کندهار له سپین بولدک سره بې له سفري اسنادو د خلکو تګ راتګ له ژمنې په شا شوی دی.
دوی د اګست پر اتمه، له مشال راډیو سره په خبرو کې په راتلونکو ورځو کې د پرلت بیا پیلولو ګواښ وکړ. د سوداګرو د ټولنې مشر او د پخواني پرلت ویاند صادق اڅکزی وايي چې چارواکو تر څو ورځو پورې خلکو ته په شناختي کارډ او تذکرو د تګ راتګ اجازه ورکړه خو اوس بیا پاسپورټ او ویزه غواړي.
د پښتونخوا ملي عوامي ګوند او پاکستان تحریک انصاف سیاستوالانو او پلویانو د بلوچستان په پښتون مېشته سیمه پښین کې د ناامنۍ، هدفي وژنو، د ناامنۍ پرضد د عزم استحکام په نوم د عملیاتو او نشه يي توکو د
تحریک تحفظ ایین پاکستان یا د پاکستان د ایین ساتنې غورځنګ د هېواد په ګڼو ښارونو کې د پاکستان تحریک انصاف ګوند بنسټګر عمران خان د خوشي کولو لپاره احتجاجونه کړي دي. د جولای پر ۲۶مه په کوټه او پېښور کې احتجاج کوونکو د ګرانۍ، عزم استحکام عملیاتو، او د بنو پر امن پاڅون د ډزو مخالفت هم وکړ..
د بلوچستان د پښتون مېشتې سیمې چمن او د کندهار د سپین بولدک ترمینځ پر لاره د خلکو تګ راتګ پیل شوی دی خو هغوی شکایت کوي چې له ستونزو سره مخامخ دي. ویډیويي رپورټ.
په چمن کې نهه میاشتنی احتجاجي ناسته د جولای پر ۲۱مه تر هغې وروسته ختمه شوه چې د پرلت غړو او مشرانو وویل چې حکومتي مذاکراتي پلاوي ورسره د پخوا په څېر په شناختي کارډ او تذکرو د تګ راتګ، د نیول شویو احتجاجیانو خوشې کولو او پرضد یې د مقدمو ختمولو غوښتنې ومنلې.
د پرلت کمېټۍ او پښتونخوا ملي عوامي ګوند غړي ولسیار خان د جولای پر ۲۱مه مشال راډیو ته وویل چې حکومتي پلاوي د جولای پر ۲۰مه په کوټه کې د پرلت له استازو سره د مذاکراتو وروستی پړاو ترسره کړ.
د بلوچستان د پښتون مېشتې پښین ضلعې د برښور پوټي عیسازۍ کلي ماشومان په خېمه کې زدکړې کوي. د دې حکومتي ښوونځي ښوونکی وايي، د سکول ودانۍ درې کاله مخکې توپاني بادونو نړولې چې لا هم بېرته نه ده رغول شوې.
د پښتون ژغورنې غورځنګ (پي ټي اېم) د مخکښ فعال او ولسي شاعر ګیله من وزیر مړی د جولای پر ۱۲مه مازيګر د شمالي وزیرستان د رزمک ډويژن په اسدخېلو کلي کې د هغه په پلرنۍ هدیره کې خاورو ته وسپارل شو.
د بلوچستان کروندګرو د بجلۍ يا برېښنا د کمي پرضد په ټوله صوبه کې پیه جام هړتال کړی دی. کروندګرو د جون پر ۲۸مه مشال راډیو ته و,ویل چې حکومت ورته بجلي کمه کړې ده
عبدالرازق له څه باندې ۳۵ کلونو راهیسې د بلوچستان د سرانانو د افغان کډوالو په پنډغالي یا کیمپ کې اوسي او هلته د خښتو په بټۍ کې کار کوي. دی وايي، ځواني یې د بل په مزدورۍ کې تېره کړه او اوس په پاخه عمر کې هم له مجبورۍ خښتې وهي. موږ له عبدالرازق سره د هغه پر ژوند غږېدلي یو.
په چمن کې له تېرو څه باندې اته میاشتو راهیسې پرلت دوام لري او احتجاجیان وايي چې د جون پر ۱۳مه یې د خپلو نیول شویو ملګرو خوشې کولو لپاره د ښار د انتظامي مشر تر دفتره لاریون کول غوښتل خو چارواکو د قانون ۱۴۴مه ماده عملي کړه چې ورسره سم د پینځو یا تر پینځو د زیاتو کسانو پر ورغونډېدو بندیز ولګېد.
د عوامي نیشنل ګوند، پښتونخوا نیشنل عوامي ګوند او پښتون ژغورنې غورځنګ مظاهره چيانو د جون پر اوومه د مظاهرې په مهال له حکومته وغوښتل چې د پرلت نيول شوي غړي زرترزره خوشې کړي او د پرلتوالو غوښتنې ومني.
د پرلتوالو په خبره، د پرلت کمېټۍ دغه مشران د جون پر څلورمه ماخوستن مهال د چمن ډېپټي کمېشنر راجه اطهر عباس خپل دفتر ته د خبرو لپاره ورغوښتي ول چې وروسته یې ونیول او نامعلوم ځای ته يې يووړل.
د پاکستان ايين ساتنې غورځنګ په نوم حکومت مخالفه شپږ ګونديزه اتحاد د چمن پرلت په ملاتړ د مې پر ۲۱مه په ټول بلوچستان کې پیه جام هړتال کړی وو. په دې لړ کې له بلوچستان څخه نورو صوبو ته تلونکې ټولې وړې او لويې لارې د هر ډول ټرافيک لپاره تړلې وې.
د بلوچستان په چمن ښار کې د پاسپورټ او ويزې شرط عملي کېدو خلاف پرلتوالو له هغه وروسته د چمن او کوټې ترمينځ لويه لاره تړلې ده، چې د هغوی په وينا د پاکستان د سرحدي ځواکونو په دزو دوه پرلتوال ووژل شول او تر ۱۰ زيات ژوبل شول.
د بلوچستان د بېلا بېلو سيمو کروندګرو د بجلۍ يا برېښنا د نه شتوالي پرضد د مې له نهمې په کوټه کې د صوبايي اسمبلۍ مخې ته احتجاجي پرلت وهلی دی. کروندګر وايي پرلت به تر هغه وخته روان وي، ترڅو مرکزي حکومت د هغوی د بجلۍ د ستونزې د هواري لپاره عملي ګامونه نه وي پورته کړي.
د بلوچستان په مرکز کوټه کې د مې پر شپږمه د تحريک تحفظ ايين پاکستان يا د پاکستان د ايين ساتنې غورځنګ په نوم د حکومته مخالفه شپږ ګونديزه ايتلاف او د بلوچستان سوداګرانو د چمن پرلت په ملاتړ او په بلوچستان کې د بدامنۍ پر ضد احتجاجي لاریون کړی دی.
د بلوچستان په پښتون مېشته سیمه پښین کې د مې پر څلورمه او پینځمه په ارزانه بیه د کتابونو پلورلو نندارتون شوی دی. د سړک تر غاړې نندارتون ته د ښار ګڼ اوسېدونکي ورغلل او کتابونه یې واخیستل. ویډیويي رپورټ.
نور وښیئ
