د ایران د بشري حقونو یو غیردولتي سازمان وايي، په ۲۰۲۴م کال کې افغانان په ایران کې د اعدام شویو تر ټولو زیانګالی قشر و.
په ۲۰۲۴م کال کې په ایران کې تر ۷۰ زیات افغانان اعدام شوي، چې د ۲۰۲۳م کال پر تله ۳ ځلې او د ۲۰۲۲م کال پر تله ۵ ځلې زیاتوالی ښيي.
د سوریې یوه څارونکې ډله وايي، په حُمص ښار کې د سوریې امنیتي ځواکونو پوځي عملیات کړي دي.
ډیورند کرښې ته څېرمه برمل ولسوالۍ د پاکستاني ځواکونو له بمبارۍ او ورته له بیلابیلوغبرګونونو نېږدې لس ورځې ورسته، تازه د پاکستان د دفاع وزیر ادعا کړې چې د طالبانو حکومت ورڅخه له سرحدي سیمو د تحریک طالبانو پاکستان (ټي ټي پي) ډلې د انتقال لپاره پیسې غوښتې دي، هغه ادعا چې د طالبانو حکومت رد کړې ده.
ایران پر سعودي عربستان وروسته تر دې اعتراض وکړ چې ریاض د یوشمیر ایرانیانو د اعدام خبر ورکړ.
د افغانستان او پاکستان ترمنځ په دوه زره پنځه ویشتم کال کې د سوداګرۍ د کچې خوار کمیدو ته د افغانستان د سوداګرۍ او صنایعو خونې اندیښنه ښکاره کړې ده.
۲۰۲۴ میلادي کال د پاکستان امنیتي ځواکونو ته په نژدې یوه لسیزه کې تر ټولو ډېر خونړی کال یاد شوی دی. په اسلام اباد کې د څیړنو او امنیتې مطالعاتو یوه مرکز په خپل راپور کې موندلې چې په دغه کال کې په اوسط ډول هره ورځ ۷ پوځي او ملکي پاکستانیان وژل شوي دي.
په ترکیه کې یو شمېر افغان کډوال په دغه هېواد کې د امنیتي ځواکونو له لوري نیولو او جبري ستنولو اندیښمن کړي دي. په ورستیو کې د ترکیې د کورنیو چارو وزیر علي یرلیکایا په دغه هېواد کې د « کالکان ۳۶» په نوم د عملیاتو په لړ کې د ۶۵۰ کډوالو چې اسناد یې نه لرل د پیژندنې او نیولو خبر ورکړی دی.
د دفاع وزارت یوې سرچینې ازادي راډیو سره خبرو کې ادعا وکړه چې لږ تر لږه ۱۹ پاکستاني عسکر د دوی په بریدونو کې وژل شوي دي. د پاکستان پوځ بیا ویلي چې دوی د دغو بریدونو ځواب ورکړی او لږ تر لږه ۱۵ بهرني وسله وال یا افغان طالبان یې وژلي. پاکستان یواځې د خپلو دریو سرتیرو ژوبلېدل تایید کړي.
د اذربایجان د پارلمان یو غړی وايي چې د دغه هیواد د هوايي شرکت الوتکه ویشتل شوې ده. د اذربایجان د هغې الوتکې په اړه، چې د چهارشنبې په ورځ په قزاقستان کې ولوېده، شک دی چې د روسیې د هوايي دفاع په توغندي ویشتل شوې وي.
د ایران د یوه جګپوړي امنیتي چارواکي دې هیواد کې د بې اسنادو بهرنیو اتباعو او پر کار د هغوی د ګمارونکو پر وړاندې د سختو اقداماتو خبرداری ورکړی دی.
د هند پخوانی صدراعظم من موهن سینګ پرون پنجشنبې د ۹۲ کلنۍ په عمر ومړ. د هند حکومت له نن څخه د اوو ورځو لپاره دولتي ویراعلان کړی او په ټولو دولتي ودانیو کې به د هند بیرغ نیم ځوړند وي. من موهن سینګ ته د هند د اقتصادي چټکې ودې د نوښتګر په توګه کتل کیږي.
نور راوښيه
