د امریکا ولسمشر ډونالډټرمپ تایید کړه چې د روسیې له ولسمشر ولادیمیرپوتین سره یې ټلفوني خبرې کړې دي او ویې ویل، دی باور لري چې دوی د اوکراین د جګړې د پای ته رسولو په برخه کې پرمختګ کوي.

ښاغلي ټرمپ پرون خبریالانو ته د خبرو پرمهال په دې اړه جزییات څرګند نه کړل او دا یې هم ونه ویل چې چې دا خبرې د ده له لوړې مخکې وې که وروسته خو څرګنده یې کړه چې په راتلونکي کې به بیاهم له پوتین سره خبرې وکړي.

دې خبر په کییف کې داسې اندېښنې پارولې دي چې ګنې اوکراین د سولې د خبرو له بهیر څخه څنډې ته شوی دی.

په بیان کې وړاندې راغلي چې له پاس کسانو یو تن په یو کال بند او ۳۹ درو، بل نفر په یو کال او شپږ میاشتې بند او ۳۰ درو، او دریم کس هم په شپږو میاشتو بند او ۳۹ درو محکوم شوی.

د طالبانو سترې محکمې په یوه اعلامیه کې ویلي چې د غزني ولایت په جاغوري ولسوالۍ کې هم دوه سړي د زنا په تور هر یو ۳۹ دُرې وهل شوي.

د بیان له مخې، دوه کسان هم په درې کاله او شپږ میاشتې بند محکوم شوي.

په تیرو دریو کلونو کې په افغانستان کې د طالبانو په بیا واکمنېدو سره، دوی سلګونه کسان په مختلفو تورونو په درو وهلي دي.

د طالبانو حکومت د بشري حقونو سازمانونو له خوا د جسمي سزاګانو د بندولو لپاره له پرله پسې غوښتنو سربېره خلکو ته سزاوې ورکوي.

ګلبدین نایب تر پایلوبې د دوبۍ د ټيم د رسولو په برخه کې ډېره ونډه درلوده داسې چې څو واره یې د لوبې د غوره لوبغاړي جایزه هم ګټلې.

دوبۍ ټیم د ډیزرټ وایپرز له خوا د ۱۸۹ منډو هدف پوره کړ او پایلوبه یې د څلورو وېکټو په توپیر وګټله.

د متحده عربي اماراتو په تجارتي لیګ کې ګلبدین نایب د مینه والو له خوا د ټورنمنټ اغېزناکه لوبغاړی بلل شوی.

بل افغان لوبغاړی فضل الحق فاروقي بیا د متحده عربي اماراتو نړیوال تجارتي لیګ کې په ۲۱ ویکټو مخکښ بالر شوی.

هغه په خپله ایکس پاڼه کې لیکلي چې د دید د ساحې دمحدودیت او د انساني او مالي زیانونو د مخنیوي په هدف دا لار د ټولو مسافر وړونکو او بار وړونکو وسایطو پر مخ تړل شوې.

هغه ویلي چې د سالنګونو د ساتنې او څارنې ریاست مؤظف ټيمونه چمتو دي، ترڅو د هوا د ښه کېدو او د طوفان د کمېدو سره سم؛ لاره پاکه او د ټرافیکو پر مخ پرانیزي.

اخوا د راپورونو له مخې د دایکندي او بامیانو لویه لار په قوناق کوتل سیمه کې د درنې واورې په سبب تړل شوې ده.

د هوا پيژندنې ادارې د اټکل په اساس د افغانستان په څه باندې ۲۵ ولایتونو کې درنې واورې کېږي چې ورسره د لارو د تړل کېدو خطرونه هم رامنځته شوي.

مککال مخکې د کانګرس په مخکینۍ دوره کې د استازیو جرګې د بهرنیو اړیکو د کمېټې مشر وو.

هغه بېګا له سي بي اس ټلویزیون سره په مرکه کې دا خبره یاده کړه.

«دوی د کډوالۍ دا ځانګړې ویزې اس آی وي یا پي ۱ او پي ۲ لري. او زما په نظر دوی باید د اس آی وي له لارې مخکې پرېښودل شي. هغوی بررسي شوې د نورو هغو ډلو په نسبت چې دوی یې په اړه غږیږي. هغوی زموږ له پوځیانو سره کار وکړ څو طالبان مات کړي چې متاسفانه بایډن ورته تسلیم شو. خو ښکاري چې باید موږ په خپله خبره ودریږو که نه په بله جګړه کې به بیا هېڅوک په موږ باور ونه کړي.»

د امریکا ولسمشر ډونالډ ټرمپ د کډوالو د بیا هستوګنې او انتقال پروسه تر دریو میاشتو ځنډولې چې ورسره د افغانانو د انتقال پروسه هم ځنډېدلې.

امریکا زرګونو افغانانو ته د کډوالۍ د ویزو ژمنې ورکړي او ګڼ دا افغانان د خپلو دوسیو د پروسس لپاره په پاکستان، فیلیپین او څو نورو هېوادونو کې انتظار باسي.

د امريکا ولسمشر ډونالد ترمپ يو ځل بيا د غزې تړانګې د اخيستلو او مالکيت پر ژمنه ټینګار کړی دی.
هغه ويلي چې ډېر ژر به د عربو له مشرانو سره وګوري او تمه لري چې هغوی د فلسطينيانو د منلو سره موافقه وکړي.
د يکشنبې په ماښام (د فیبرورۍ ۹مه) ډونالد ترمپ ايرفورس ون د الوتنې پر مهال خبريالانو ته ويلي، دوی د غزې تړانګې اخيستلو او مالکيت ته ژمن دي او کېدای شي دا د منځني ختيځ نورو هېوادونو ته وسپاري چې د هغې ځينې برخې ورغوي.
د امريکا د ولسمشر دغه وړانديز له پراخو مخالفتونو سره مخ شوی، په ځانګړي ډول د عربي هېوادونو له لوري.
مصر اعلان کړی چې د امريکا د ولسمشر ډونالد ترمپ د طرحې په غبرګون کې به د عربي هېوادونو د مشرانو يوه بيړنۍ غونډه جوړه شي.
دغه هېواد د يکشنبې (د فیبرورۍ ۹مه) په اعلاميه کې ويلي چې د فیبرورۍ په ۲۷مه به د يادې ناستې کوربه وي.
مصر زياته کړې چې په دې ناسته کې به د "نويو او خطرناکو بدلونونو" په اړه بحث وشي چې د امريکا د ولسمشر ډونالد ترمپ د وړانديز پر بنسټ، فلسطينيان به د غزې تړانګې څخه بل ځای د مېشتېدنې لپاره انتقالېږي.

د امريکا ولسمشر ډونالد ترمپ وايي، تمه لري چې اېلان ماسک، چې د "دولت د کارامدۍ وزارت" مسئوليت لري، د پنټاګون د حسابونو د څېړنې پر مهال د ميلياردونو ډالرو درغلۍ او ناوړه استفادې موارد ومومي.

ډونالد ټرمپ د يکشنبې په ورځ (د دلو ۲۱مه) په يو مرکه کې چې د فاکس‌نيوز شبکې خپره کړې، د امريکا د دفاع وزارت (پنټاګون) په اړه وويل چې هغوی به د ميلياردونو ډالرو درغلۍ او ناوړه استفادې موارد رابرسیره کړي. پنټاګون یا د امریکا د فاع وزارت ددې هېواد تر ټولو لويه فدرالي اداره ده.

ترمپ زياته کړه چې ډېر ژر، ښايي د راتلونکو ۲۴ ساعتونو په لړ کې، به ايلان ماسک ته ووايي چې د پوهنې وزارت ته لاړ شي او له هغې وروسته د اردو چارې وڅېړي.

د پنټاګون کلنی بوديجه نږدې يو ټریليون ډالره ده.

د امريکا پخواني ولسمشر جو بايډن د تېر ډیسمبر په مياشت کې يو لايحه لاسليک کړه چې د روان مالي کال لپاره د ۸۹۵ ميليارډه ډالرو دفاعي لګښت اجازه ورکوي.

روان مالي کال د سپټمبر په ۳۰مه پای ته رسېږي.

د امريکا ولسمشر دونالد ترمپ تأييد کړې چې د اوکراين د جګړې په تړاو يې د روسيې له ولسمشر ولاديمير پوتين سره خبرې کړي دي.
د ازادې اروپا/ازادي راډيو د خبر مرکز د راپور له مخې، ترمپ د فیبرورۍ په ۸مه د نيويارک پوسټ سره په مرکه کې ويلي چې له پوتين سره يې خبرې کړي او باور لري چې هغوی "د اوکراين د جګړې د پای ته رسولو لپاره د پرمختګ" پر لار روان دي.
نوموړي ويلي تمه لري چې د دې موضوع په اړه به له روسي ولسمشر سره نورې خبرې هم وکړي.
د امريکا ولسمشر د دې موضوع له څرګندولو ډډه کړې چې له پوتین سره یې دا خبرې د هغه د ولسمشرۍ د پيل (د جنورۍ ۲۰مه) څخه دمخه شوي او که وروسته.
ټرمپ ټينګار کړی چې اداره‌ يې د اوکراين له چارواکو سره هم په اړيکه کې ده او له دواړو خواوو سره خبرې کوي.

د امریکا ولسمشر ډونالډ ټرمپ تایید کړه چې د روسیې له ولسمشر ولادیمیر پوتین سره یې د اوکراین د جګړې د پای ته رسولو په اړه ټیلیفوني خبرې کړې دي.

ده وویل، نه غواړي څرګنده کړي چې دا خبرې یو ځل شوي او که څو ځله، او د مشخصې نېټې یادونه یې هم ونه کړه.

ښاغلي ټرمپ "نیویارک پوسټ" ورځپاڼې ته وویل چې د جګړې د پای ته رسولو لپاره مشخصه طرحه شته، خو نور جزییات یې ورنه کړل.

وروستی ځل چې د امریکا یوه ولسمشر له خپل روسي سیال سره خبرې کړې وې، درې کاله وړاندې د روسیې د یرغل تر پیل لږ مخکې و، کله چې جو بایډن له پوتین سره خبرې وکړې، خو پوتین بیا هم پر اوکراین برید وکړ.

د کرملین ویاند، دیمتري پسکوف، د یکشنبې په ورځ (د سلواغې ۲۱ مه) وویل چې د ولادیمیر پوتین او ډونالډ ټرمپ ترمنځ د ټیلیفوني خبرې نه تاییدوي او نه یې ردوي.

ډونالډ ټرمپ په تېرو دریو کلونو کې څو ځلي ویلي چې که دی په واک کې پاتې وای، روسیې به هېڅکله پر اوکراین برید نه وای کړی.

نوموړي د خپل انتخاباتي کمپاین پر مهال ژمنه کړې وه چې که واک ته ورسېږي، په یوه ورځ به د روسیې او اوکراین جګړه پای ته ورسوي.

د پېښور لوړې محکمې د خیبر پښتونخوا او مرکزي حکومتونو او د قانون پلي کوونکو ادارو ته لارښوونه کړې چې د افغانستان او پاکستان ترمنځ د مالونو له لېږدونکو موټرو څخه غیرقانوني پیسې وانه خلي او یوازې په هغو امنیتي پوستو کې یې تلاشي واخلي چې له کراچۍ څخه تر تورخم پورې پر ملي لویو لارو جوړې شوي دي.

دا پرېکړه د قاضي شکیل احمد او قاضي ثابت الله خان، له خوا د افغان ټرانسپورتي اتحادیې (ATU) د مشر محمد نور احمدزي د غوښتنې پر بنسټ وشوه.

نوموړي په خپله عریضه کې ویلي چې پولیس او نورې امنیتي ادارې د امنیت او مخدره موادو په پلمه باروړونکي موټر تلاشي کوي او له چلوونکو څخه په غیرقانوني ډول پیسې اخلي.