Чүй облустук сотунун эки судьясын кылмыш жоопкерчилигине тартууга Судьялар кеңеши макулдук берди. Президентке аларды ээлеген кызматынан убактылуу четтетүү жөнүндө сунуш жиберилди. 2-июлда УКМК эки судья кармалганын, алар соттолуучудан 6 миң доллар пара алууга шек саналып жатканын билдирген.
Астанада Шанхай Кызматташтык Уюмунун кезектеги саммитинде Беларус бул уюмга толук кандуу мүчө болду. Батыш менен мамилеси курчуп турган Орусия менен Кытай активдүү роль ойногон уюмдун кеңейишинин мааниси кандай жана дүйнөдөгү кырдаалга кандай таасирин тийгизет?
Судьялар кеңеши Чүй облустук сотунун эки судьясын кылмыш жоопкерчилигине тартууга макулдук берип, президентке аларды ээлеген кызматынан алуу жөнүндө сунуш жиберилди. Кармалгандардын адвокаттары же жакындары азырынча комментарий бере элек.
Акыркы жумаларда Кыргызстандын фемидасы социалдык тармакка жазган пикири үчүн кармалган эки аялды абакта калтырды. Сот алардын жалгыз бой эне экенин эске алган жок. Коомчулукта мындай чечимди сындагандар менен катар эле жоопкерчиликти эске салгандар да болууда.
Бийликти сындап жазган Улуттук илимдер академиясынын мурдагы кызматкери Жоомарт Карабаев кармалып, “Массалык башаламандыктар” беренеси менен айып коюлду. Жогорку сот ушул эле берене менен кине коюлган Төрөкулованы абакта калтырды. Орусиянын чабуулдарынан Днепрде кеминде төрт киши мерт болду.
Улуттук илимдер академиясынын мурдагы кызматкери Жоомарт Карабаев "массалык башаламандык" беренеси менен айыпталып, 19-августка чейин камалды. Ал 2-июлда Улуттук коопсуздук боюнча мамлекеттик комитетине суракка чакырылган.
Олжобай Шакир эгемен Кыргызстандын тарыхында абакка кесилген биринчи жазуучулардын бири болуп калды. Ал темир тор артында дагы чыгармачылыгын таштабай, коомдук-саясий окуяларга пикирин билдирип, агартуучулук аракетин улантууда.
Чолпон-Атада БУУнун баш катчысы Антониу Гутерриш Кыргызстандын президенти Садыр Жапаров менен жолукту. Киевде кол салууга кабылган казакстандык журналист Айдос Садыков ооруканада каза болду. Бишкекте “Тез жардамдын” дарыгери менен шаар тургунунун чырын Ленин райондук милициясы тергей баштады.
Украинанын борбору Киевде кол салууга кабылган 55 жаштагы казакстандык оппозиционер жана журналист Айдос Садыков ооруканада каза болду.
Чолпон-Атада Бириккен Улуттар Уюмунун баш катчысы Антониу Гутерриш Кыргызстандын президенти Садыр Жапаров менен жолугуп, өлкөдөгү жана дүйнөдөгү абалды талкуулады. Гутерриш Кыргызстандагы жарандык коом өкүлдөрү менен дагы жолугушту.
Францияда жүздөгөн адамдар 1-июлга караган түнү парламенттик шайлоонун жыйынтыгына каршылыгын билдирип көчөгө чыкты.
Ош облусунун Кара-Кулжа районунда автоунааны сел агызып, бир үй-бүлөдөн төрт адам мерт болду. Алардын экөө балдар. 28-июнда Ноокат районунда да катуу сел жүрүп, он кишинин өмүрүн алган. Алар да бир үй-бүлөнүн мүчөлөрү болчу.
Дагы жүктөңүз
