Бийликти сындап жазган Улуттук илимдер академиясынын мурдагы кызматкери Жоомарт Карабаев кармалып, “Массалык башаламандыктар” беренеси менен айып коюлду. Жогорку сот ушул эле берене менен кине коюлган Төрөкулованы абакта калтырды. Орусиянын чабуулдарынан Днепрде кеминде төрт киши мерт болду.
4-июлда облуста аза күтүү жарыяланды. Шаршембиде таңга маал Орусиянын чабуулдарынан Днепрде беш киши набыт болду, 27 киши жараат алды. Орусия Белгород, Брянск, Москва облусунун үстүнөн дрондор, Кара деңизде эки экипажсыз катер жок кылынганын билдирди.
Чолпон-Атада БУУнун баш катчысы Антониу Гутерриш Кыргызстандын президенти Садыр Жапаров менен жолукту. Киевде кол салууга кабылган казакстандык журналист Айдос Садыков ооруканада каза болду. Бишкекте “Тез жардамдын” дарыгери менен шаар тургунунун чырын Ленин райондук милициясы тергей баштады.
Францияда жүздөгөн адамдар 1-июлга караган түнү парламенттик шайлоонун жыйынтыгына каршылыгын билдирип көчөгө чыкты.
Ош облусунун Кара-Кулжа районунда автоунааны сел агызып, бир үй-бүлөдөн төрт адам мерт болду. Алардын экөө балдар. 28-июнда Ноокат районунда да катуу сел жүрүп, он кишинин өмүрүн алган. Алар да бир үй-бүлөнүн мүчөлөрү болчу.
Францияда парламенттик шайлоонун жыйынтыгына каршы жүздөгөн адамдар 1-июлга караган түнү көчөгө чыкты. Добуш берүүнүн биринчи айлампасынын жыйынтыктарына караганда, ашынган оңчулдардын партиясы алдыга чыкты. Анын лидери 28 жаштагы Жордан Барделла өкмөт башчы болуу дымагын жар салды.
Украинанын Запорожье облусундагы Вольнянск шаарында орус күчтөрүнүн ракета чабуулунан жети киши набыт болду. Украин президенти Владимир Зеленский абадан коргонуу системаларынын санын көбөйтүү зарылдыгын билдирди. Ал арада украин-беларус чегинде "чыңалуу" пайда болду.
Доктор Камилла Уордроп Аллейн ракета куруу боюнча эң белгилүү адистердин бири. Ал NASAда дээрлик 30 жылдай иштеп, айга коно турчу ракеталардын экипаж отурчу бөлүгүн жасап келген. Ал Кыргызстанга келип, жаштар менен жолугуп, тажрыйбасы жана билими менен бөлүштү.
Украинадагы согушка катышканы үчүн соттолгон кыргызстандык Аскар Кубанычбек уулу орус армиясы менен кайрадан келишим түзгөнү кабарланды. Ал буга чейин Кыргызстанда жети жылга соттолуп, кийин пробация менен бошотулган соң чек араны мыйзамсыз кесип өтүп, Орусияга чыгып кеткени маалым болгон.
Кыргызстандын президенти Садыр Жапаровдун Бельгияга сапары аяктады. Анын жүрүшүндө “Европа Биримдиги менен Кыргыз Республикасы ортосундагы кеңейтилген өнөктөштүк жана кызматташтык жөнүндө” келишимге кол коюлду.
Иранда бүгүн мөөнөтүнөн мурда президенттик шайлоо өтүп жатат. Авиакырсыкта каза болгон өлкө башчысы Эбрахим Раисинин ордуна президенттик кызматка алты талапкер катталган, кийин алардын экөө ат салышуудан баш тарткан.
Дагы жүктөңүз
