Кыргыз өкмөтү жана "Росатом" атомдук электр станция курууга байланыштуу коомчулукта түшүндүрүү иштерин баштаганын билдирди. Казакстанда АЭСке байланыштуу референдум өттү. Израил ХАМАС тобунун кандуу кол салуусунун бир жылдыгын эскерүүдө. Эскерүү иш-чаралары израилдик аскерлер Газада жана Ливандын түштүгүндө, борбор калаасы Бейрутта чабуулдарын улантып жаткан кезде өтүүдө. Балыкчы-Корумду жолунун 80ге жакын курулушчулары айлык ала албай жатышканын айтып, бийликке кайрылды. Транспорт жана байланыш министрлиги ишкана жумушчулардын айлык акысын 8-октябрда төлөөнү убада кылганын билдирди.
Кыргызстан
дүйшөмбү 7 Октябрь 2024
Кыргызстандын мектептеринде ушул тапта 1000дей мугалимдин орду бош экени айтылууда. Билим берүү министрлиги алардын ордун жогорку курстун студенттери жана мугалимдерге ашыкча сааттарды берүү менен чечип жатканын билдирип келет. Кадр тартыштыгынын ар түрдүү себептери бар.
