Президент беш генералды наамынан ажыратты. Аскердик наамдар убагында мыйзамсыз берилген деген негиз менен алынганы кабарланды. Түндүк Кореялык аскерлер орусча 100дөй аскердик терминди үйрөнгөн соң Украинадагы согушка жөнөтүлүшү мүмкүн. Пентагондун эсебинде Орусиянын чыгышында 10 миңдей түндүк кореялык аскер машыгып жатат. Ирандык укук коргоочу, 2023-жылкы Нобелдин Тынчтык сыйлыгынын лауреаты, саясий туткун Наргиз Мохаммади түрмөдөн ооруканага которулду. Бул арада Иранда теги ирандык немис жараны, журналист жана инженер-программист Жамшид Шармахд өлүм жазасына тартылды.
Кыргызстан
шейшемби 29 Октябрь 2024
Экс-депутат Кубатбек Байболовдун үй-бүлөсүнүн “Дордой” жана “Орто-Сай” базарындагы 8 гектар жери мамлекетке өттү. Атайын кызмат мэриянын менчигине берилген базардын наркын 3,8 млрд сомго баалап жатат. Ал эми Байболовдор болсо мындай саясатты "мүлктү тартып алуу" катары сыпаттап, эл аралык сотторго чейин кайрыла турганын билдирди.
