Орусиянын Украинадагы согушун токтотуу боюнча дипломатиялык аракеттер көрүлүп жатканы менен азырынча майнап чыга элек. Мунун себеби эмнеде? Вашингтон менен Киевдин ортосундагы сейрек кездешүүчү минералдар тууралуу келишимге кол коюлбай жатканына эмне тоскоол?
АКШ президенти Дональд Трамп 2-апрелде Кошмо Штаттардын соода өнөктөштөрүнө жооп катары алардан алынуучу жаңы төлөмдөр киргизилип жатканын жарыялады. 185 өлкөгө киргизилген тарифтердин тизмесинде Кыргызстан да бар.
Батыш лидерлери Украинага чет элдик аскерлерди жайгаштыруу маселесин талкуулашат. Бул тууралуу украин лидери Владимир Зеленский билдирди.
1-апрелге караган түнү орус армиясы Украинанын аймагына абадан дрон менен чабуул койгон жок. Бул жыл жаңырганы мындай алгачкы көрүнүш. Украин күчтөрү болгону эки ракетаны атып түшүргөнүн кабарлашты.
АКШ президенти Дональд Трамп эгер Путин анын Украинадагы согушту токтотуу сунушуна тоскоолдук кылса, орус мунайына жаңы санкция саларын эскертти.
Украин күчтөрү Орусиянын аба чабуулдарына каршы оптикалык жипке байланган дрондорду көп колдонуп жатканы байкалат. Бул дрондор чөлмөккө оролгон ичке жиптер менен башкарылат. Мындай аппараттар ийкемдүү болуп, ар кандай тоскоолдуктарды буйтап кетүүгө жөндөмдүү.
Мьянмада 28-мартта күчү 7,7 жана 6,4 баллга жеткен катуу жер титирөөдө мерт болгондордун саны 1600дөн ашты. Би-би-си өлкөнүн бийлигине шилтеме кылып дагы 3,5 миңге чукул адам жараат алганын кабарлады.
Кыргызстанда Орозо айт намаздары өлкөдөгү мечиттерде окулду. Президент Садыр Жапаров кыргызстандыктарды бул майрам менен куттуктап жатып, бул жолку Орозо айы жапатырмак киришкен кайрымдуулук менен эсте калганын белгиледи. Орозо быйыл 1-мартта башталып, 29-мартта аяктады.
27-мартта Парижде 30дан ашуун өлкө лидерлери чогулуп, Украинага согушта жана дипломатиялык сүйлөшүүлөрдө жардам көрсөтүүнү талкуулашты. Алар жаңы жардамды убада кылып, Европанын бейпилдик күчтөрүн Украинага жайгаштыруу боюнча сунуштарды карады.
Кыргызстанда машина куруучу алгачкы заводдун түптөлгөнүнүнө 100 жыл болду. Бул завод баштаган бир нече ишканаларды «Интергелпо» кооперативинин мүчөлөрү курган. 1925-жылы Пишпекке Чехословакиядан куруучулардын биринчи эшелону келген. Бул кооперативди "Интергельпо" деп аталган район гана эске салат.
Газанын эли ХАМАСты согушту токтотууга чакырып, нааразылыкка чыкты. Израилдин коргоо министри газалыктарга кайрылып, аймакта аскерий операциялардын жайылышын эскерткен. 23-мартта ЦАХАЛ Газанын түштүгүндөгү Рафах шаарынын бир бөлүгүн курчоого алып, миңдеген тургун чыга албай калганы кабарланган.
АКШ Украина жана Орусия менен Кара деңизде аскердик аракеттерге тыюу салуу боюнча макулдашуу жетишилгенин жарыялады. Андан тышкары эки тарап бири-биринин энергетикалык жайларына сокку урууну токтотуу боюнча чараларды көрүүнү макулдашты. Ошентсе да азырынча тынчтыкка жетүү үчүн тоскоолдуктар арбын.
Дагы жүктөңүз
