Киев менен Москва Кара деңизде ок атпоону эки башка чечмеледи

Сауд Арабиясында үч күнгө созулган Украина жана Орусиянын делегациялары менен өз-өзүнчө сүйлөшүүлөрдөн кийин, АКШ Кара деңизде аскердик аракеттерге тыюу салуу боюнча макулдашуу жетишилгенин жарыялады. Андан тышкары эки тарап бири-биринин энергетикалык жайларына сокку урууну токтотуу боюнча чараларды көрүүнү макулдашты. Ошентсе да азырынча тынчтыкка жетүү үчүн тоскоолдуктар арбын.