30-январга караган түнкү Вашингтондогу авиакырсыкта 67 киши набыт болгону расмий айтылды. Рейган аэропортуна учуп бараткан American Airlines компаниясынын учагындагы 60 жүргүнчү, эпипаждын төрт мүчөсү, ал эми тик учактагы үч аскер кызматкери болгон. Соңку маалымат боюнча 30 кишинин сөөгү табылды.
Орусиянын кеминде тогуз облусу жапырт дрон чабуулуна кабылды. Бир мунай заводунда өрт тутанганы кабарланды. Путин Зеленскийди “легитимсиз” деп атап, аны менен түз сүйлөшүүгө барбастыгын билдирди. Зеленский Путинди “күчтүү жетекчилерден, сүйлөшүүлөрдөн коркуп жатат” деп айыптады.
Соңку бир сутка ичинде кытайлык DeepSeek компаниясынын чат-боту АКШ, Британия жана Кытайда эң көп көчүрүлгөн тиркеме болуп калды. Аны чыгарууга өтө аз каражат сарпталганы тууралуу маалымат бул багытта иш алып барган технологиялык компанияларды дүрбөлөңгө түшүрдү.
Кытайдын DeepSeek компаниясынын ChatGPTге окшош жасалма интеллект программасы дүйнөлүк технологиялык компаниялардын акцияларын олку-солку кылды. DeepSeeктин жаңы чат-боту АКШ менен Кытай ортосундагы жасалма интеллект жаатында атандааштыкты дагы күчөткөндөй болду.
27-январь Холокост курмандыктарын эскерүү күнү. Мындан 80 жыл мурда ушул күнү нацисттик Германиянын эң чоң концлагери Освенцим (Аушвиц) бошотулган. “Өлүм лагери” атыккан бул жайда бир миллиондон ашык адам жок кылынган. Алардын көбү жөөттөр болгон.
Жекшембинин кечинде Израил Газанын тургундарын тилкенин түндүк тарабындагы үйлөрүнө өткөрө баштады. АКШнын президенти Дональд Трамптын анклавда кайра куруу иштери аяктагыча газалыктарды араб өлкөлөрүнө көчүрүү тууралуу сунушу сынга кабылды.
Польшада 27-январда миллиондон ашуун киши жок кылынган Освенцимдин бошотулушунун 80 жылдыгына арналган иш-чаралар өттү. Расмий өкүлдөрдөн тышкары ага концлагерде аман калгандар дагы катышты.
АКШнын президенти Дональд Трамп Орусиянын Украинага каршы ачкан согушун тынчтык жолу менен жөнгө салуу багытында иштер башталганын айтып, чукул арада орус президенти Владимир Путин менен жолугушууга ниеттенип жатканын кайталады. Кремль Путин Трамп менен сүйлөшүүгө даяр экенин билдирди.
Мексиканын бийлиги АКШдан артка кайтарылган жарандары үчүн баш калкалоочу жайларды даярдап жатат. Бирок президент Клаудия Шейнбаум үчүнчү өлкөлөрдүн мигранттары кабыл алынбай турганын билдирди. Президент Трамп АКШ-Мексика чек арасына 1500 аскер жөнөтүү тууралуу буйрукка кол койду.
Украинанын президенти Владимир Зеленский ушу тапта Орусиянын көзөмөлүндөгү аймактардан Киев юридикалык негизде баш тартпасын билдирди. Муну менен бирге ал согуштун активдүү баскычын токтотууну колдоорун кошумчалады.
Дональд Трамп АКШнын түштүк чек арасына өзгөчө кырдаал киргизип, Мексиканын чек ара пункту аркылуу өтүүдө колдонулган CBP One тиркемеси жабылды. Борборазиялык мигранттар да АКШга кирүү үчүн бул тиркемени колдонуп келишкен. "Азаттык" ушул тапта Мексикада жүргөн кыргызстандыктар менен байланышты.
Газадагы ок атышууну токтотуп, туткундарды бошотууну көздөгөн макулдашуу 19-январда күчүнө кирди. Анын шарттарына ылайык, АКШ менен Евробиримдик террордук деп тааныган ХАМАС радикал тобу үч израилдик туткунду барымтадан бошотуп, Израил 90 палестинди абактан чыгарды.
Дагы жүктөңүз
