Украина менен Орусия: Дрон чабуулу уланды

Орусиянын кеминде тогуз облусу жапырт дрон чабуулуна кабылды. Бир мунай заводунда өрт тутанганы кабарланды. Ал арада Орусиянын президенти Владимир Путин украин лидери Владимир Зеленскийди “легитимсиз” деп атап, аны менен түз сүйлөшүүгө барбастыгын билдирди. Зеленский өз кезегинде Путинди “күчтүү жетекчилерден, сүйлөшүүлөрдөн коркуп жатат” деп айыптады.