Кыргызстанда көзү ачык, бүбү-бакшыларды жарнамалоого тыюу салуу сунушталды.
Жогорку Кеңеште саламаттык сактоо министри Алымкадыр Бейшеналиевдин ишмердигин текшерүү боюнча депутаттык комиссия түзүлдү. Анын алдында депутат Жусупбек Коргонбай уулу министрди "коррупциялык схема түздү" деп айыптап чыккан. Министр айыптоолорду четке кагып, сотко кайрылганын билдирди.
Аксынын Өлөң-Булак айылындагы сулуулук салонунан эл үзүлбөйт. Ондон ашык кызмат көрсөткөн бул жайды Күмүшай Абдыкалыкова донорлордун жардамы менен түптөгөн. Жергиликтүүлөрдүн айтымында элетте соңку жылдары эл аралык уюмдардын көмөгү менен ишкерлик кылган аялдардын саны көбөйгөн.
Баткендин 92 жаштагы тургуну Турду эне 14 баланы төрөп, эрезеге жеткирген. Турду эненин улуу кызы, келини да “Баатыр эне” наамын алган. Кылымга чукул жашаса да отуруп калбай малын карап, короосун тазалап, кыймылы тетик.
Кыргызстанда мамлекеттик ооруканаларга дары-дармек жеткирүү маселеси чечилбей жатат. Айрым аймактардагы ооруканаларда да ушундай көйгөй жаралды. Саламаттык сактоо министри Алымкадыр Бейшеналиев мындай маалыматты төгүндөп, өлкөдөгү ооруканалардын баары дары-дармек менен 100% камсыздалганын айтты.
Баткенде коомдук уюмдардын көмөгү менен мигранттардын үй-бүлөлөрү, эмгек миграциясында жүрүп келгендер каржылык сабатуулук боюнча окуп, ишкердик баштоого каражат алууда. Бул иш чек арадагы аймакта мигранттарды реинтеграциялоо долбоорунун алкагында жүрүүдө.
Бутуңузга каз таман жабдык байланып, тоого чыктыңыз беле? Калың карды жиреп баскан туризмдин бул түрүн өнүктүрүү аракети башталды. "Азаттыктын" кабарчысы Швейцариядан келген гид баштаган топ менен тоого чыгып келди. Адистер Ысык-Көлдө туризмдин бул түрүн жайылтуу маанилүү экенин белгилешет.
Өз саламаттыгына көз салуу, бири-бирине сый-урмат менен мамиле кылуу - адамдагы эң баалуу сапаттардан. Медицина илимдеринин доктору, Кыргызстандын эмгек сиңирген дарыгери, анестезиология боюнча адис Жамиля Чынгышева “Азаттыктын” студиясына келип дарыгерлик кеңири маек курду.
Кыргызстан эгемендик алгандан бери Бишкектин жака белинде 57 жаңы конуш пайда болгон. Акыркы 24 жыл ичинде шаардын аянты бир жарым эсе кеңейген. "Азаттыктын" кабарчысы борбор калаадагы жаңы конуштарды кыдырып, Мурас-Ордодогу кооптуу көлмөлөрдү, жайы-кышы сууга жетпеген Арча-Бешиктин жашоосун, жер чырынан арылбаган Ак-Ордону тартып келди.
Кыргызстанда карапайым элдин турмушун жеңилдетип, тазалык ишканасын түзүп, үйүн бала бакчага берип, фитнес борбор ачып, бала бакча курдуруп, жол салдырган айымдар бар. "Азаттык" атайын Ошко сапар тартып, жигердүү айымдардын жетишкендерин тартып келди.
Эльза Токтобаева Чолпон-Ата шаарынын тургуну. 50 жылдан бери жылдын кайсы мезгили болбосун көлгө түшүп, көнүгүүлөрдү жасап, ден соолугуна кам көрөт. Ал ушул тапта 21 км марафонго даярдык көрүп жүрөт. 68 жаштагы каарманыбыз Ысык-Көлгө, жаратылышка кам көрүп, шаар тургундарына жардам берүүгө даяр.
Быйыл эки айда төрт аял төрөттөн ажал таап, 14 бала энесиз калды. Жыл башында 21 жаштагы келин төрөт үйүндө жыгылып, дарыгерлер курсактагы ымыркайды дагы, энени дагы сактап кала алган эмес. Көп өтпөй эгиз төрөгөн 22 жаштагы келин көз жаргандан төрт күндөн кийин ооруканада каза болду.
Дагы жүктөңүз
