Жогорку Кеңештин тармактык комитетинде Суу кодексинин жаңы редакциясын кабыл алуу боюнча мыйзам долбооруна байланыштуу талаш чыкты. Тагыраагы, кодекстин текстине Кумтөр кениндеги Давыдов жана Лысый мөңгүлөрүн казууга уруксат берген сөздү киргизүү сунушталганы ачыкка чыгып, каршылыктарды жаратты.
Ош шаарынын негизги көчөлөрүндөгү дарактардын жапырт кыйылышына байланыштуу “Интербилим” коомдук уюмунун Оштогу филиалы сотко кайрылды. Шаардык мэрия Курманжа Датка, Ленин, Масалиев көчөлөрүнө 3,5 миңден ашык дарак кыйылып, ордуна жаңы дарактар тигилерин билдирген.
Бишкек акыркы жылдары абасы кир шаарлардын тизмесинен түшпөй келет. Мурдагы жылдары экологдор борбор калаанын абасында күкүрттүн кош кычкылы, көмүр кычкыл газы, азот кычкылы баштаган зыяндуу газдар көбөйүп кеткенин айтып, коңгуроо кагышкан.
"Кумтөрдөн" каржыланган Жаратылышты өнүктүрүү фондундагы коррупцияга байланыштуу айыпталган мурдагы жаратылыш ресурстары, экология жана техникалык көзөмөл министри Динара Кутманова, анын уулу Кемелбек сегиз жылга абакка кесилди. Соттун чечимине ылайык алардын мүлкү мамлекетке алынышы керек.
Экс-министр Динара Кутманова, уулу Кемелбек Кутманов сегиз жылдан абакка кесилгени белгилүү болду. Алардын мүлкү мамлекетке алынат. 2023-жылы УКМК Кутманова бир катар коррупциялык фактыларда “башкы уюштуруучусу экени аныкталып”, кармалганын кабарлаган. Кутманова тагылган айыптарды четке каккан.
Салык кызматынын жетекчиси Алмамбет Шыкмаматов Орусиянын өкмөт башчысы Михаил Мишустиндин "Кыргызстанда орус компанияларына басым жасалып жатат" деген билдирүүсүн четке какты. АКШ президенти Дональд Трамп Украина жана Орусия менен сүйлөшүүлөр пландалып жатканын айтты.
Бишкектеги реабилитациялык зоопаркта өрт чыгып, жети жаныбар (алты маймыл, бир кенгуру) өлдү. Шаардагы камкордукка муктаж жаныбарлар кармалган жападан жалгыз борбордогу бул окуя аларга жасалган мамилеге байланыштуу маселе бышып жетилгенин айгинелеп койгонсуду.
Израил 15 айдан бери биринчи жолу миңдеген палестиндерге Газанын түндүгүнө кайтууга жол ачты. Казакстанда 2022-жылдагы Январь окуяларына байланыштуу 44 адамга өкүм чыкты. АКШнын миграциялык саясатындагы өзгөрүүлөрдөн улам Кыргызстандын Тышкы иштер министрлиги АКШда жүргөн же бул өлкөгө барганы жаткан жарандарды миграциялык мыйзам жоболорун так сактоого чакырды.
Ташиев "кримчөйрөнүн анабашы" атыккан Көлбаевди жок кылуу "мамлекет үчүн зарыл чечим болгонун" айтты. Газадагы согушту токтотуу тууралуу макулдашууну Израилдин өкмөтү бекиткен соң гана күчүнө кирет. Прокуратура Аксыда аялдын өлүмүнө байланыштуу кызмат адамдарын тартиптик жазага тартууну сунуштады.
Архитектура, курулуш жана турак жай-коммуналдык чарба мамлекеттик агенттиги Ысык-Көлдө пирстин үстүнө бууканаларды (парилка) салууга уруксат берүүнү сунуштады. Тиешелүү токтом долбоору коомдук талкууга коюлду.
Кыргызстанда табиятты коргоочулар маралдарды жоголуп кетүүдөн сактап калуунун аракетин көрүп жатышат. Кыргызстанда алардын саны төрт жүзгө чамалап, бир нече корукта байырлашат. Жаныбарлардын бир тобун алыскы Алтайдан алып келишкен.
2024-жылы Борбордук Европадан Кавказга, Борбор Азия менен Ооганстанга чейинки бир катар өлкөлөр суу ташкындан катуу жабыр тартты. Биз табигый апааттын себептерине үңүлүп, Британиядагы Carbon Brief сайтынын илимий журналисти Айеша Тандонго суроо узаттык.
Дагы жүктөңүз
